Génesis 4:10 - Biblia Dc en Mixe de Quetzaltepec

¹⁰ Jëtu'un yë Wintsën y'ënëmaayë: ¿Wi'ix ko jëtu'un të m'ëtë'ëtsy? Yë m'uty jyot nye'pny, mëti'ipë të xytyemy të xyjye'etyën naaxkëjxy. Yë'ëjës xy'amëtoop etsës nipaye'eyëty.

Biblia Mixe de Quetzaltepec

¹⁰ Jëtu'un yë Wintsën y'ënëmaayë: ¿Wi'ix ko jëtu'un të m'ëtë'ëtsy? Yë m'uty jyot nye'pny, mëti'ipë të xytyemy të xyjye'etyën naaxkëjxy. Yë'ëjës xy'amëtoop etsës nipaye'eyëty.

Génesis 4:10 Iomraidhean Croise

Génesis 18:20

Ënet ojts ja Wintsën y'ënä'äny: Yë ja'ayëty mëti'ipë juuky'ajtëpën Sodomë ets Gomorra, ëxëëk jyuuky'atë ets pyokyëty mëj këjää të y'awinpijnë.

Génesis 3:13

Ënet yë Dios tyajtëëy yë to'oxytyëjk ets t'ënëmaay: ¿Wi'ix ko jëtu'un të m'ëtë'ëtsy? Ënet yë to'oxytyëjk y'ëtsooy: Yë tsa'any yë'ëjës të xywyin'ëëny, paatyës yë tääpë ujtstëëm të një'kxy.

Génesis 9:5

Ëjts nyajtëwäämpyës yë jyot nye'pyny yë ja'ayëty ets jëyujkëty nitu'ukjaty. Ko ënety pën yë myëku'uk täämë tjä'tsë yë jyot nye'pyny nipaye'eyäämpyës yë'ë.

2 Reyes 9:26

Jëtu'un tääjës ëxë'ëy n'ijxyën ja jyot nye'pny ja Nabot ets ja y'u'unk y'ëna'k, jëtu'un mijts nmo'oja'any ja mjä'ä mëti'ipë mpatëpën ma ya'atë naax kamën. Paaty nëjkx jap jëpijppëtsëm ets jam xynyajtsjëpipëty ma Nabot nyaaxjotmën jëtu'un tä ja Wintsën ojts t'akäjpxyën.

2 Crónicas 28:9

E jamts ijty tu'uk ja Wintsën ja tyuunpë yajpaaty jä'ä xyëëwajtyp Obed, ojts jam tjëjpye'eytsyoy ja tsiptuunpë ja'ayëty mëti'ipë jam Samaria ënety jajtëpën ets t'ënëmaay: Ja Wintsën, ja m'aptëjk ja Wyintsënëty, yë'ë të tukjoot'anpëky ja Judá, paaty miitsëty të myajtukë'ëtëkëtë. Je'eyëp ko miitsëty nëkooyë näjyëtu'un ja mëku'ukëty të xytyimniwa'kënëtë.

Job 16:18

Mëët ijxtëmës yam o'ktëy njaty nkëpetyën, yë'ëjës n'amëtoopy etsës nyajnipaye'eyëty; naax, këtii jëtu'unyë xyajnitukëty yë një'ëyënës nyaxënës.

Job 24:12

Jam muum kajpnpë'am jyë'ëtë ya'axtë ets myontë tyuktë, e yë Dios jëtu'un nyäpyëjktä'äkyë ka'ap yowë tmëtoy.

Salmos 50:21

Ya'atë të xytyuny të xykyäjpxy, e ëjts tëës jëtu'unyë ntimy'amoonkëtä'äky; jëtu'un jëtää të mmay të mtajy koos näjyëtu'unës nja'ay'äty tä mijtsën. E tyam ja npoky ntukwinmëtowa'any wiinxë jëjpxë, tyam ja npoky n'ixtaaytyä'ämyëty.

Salmos 72:14

Yajpëtsëmäämpy jam ma ënety ëxëëk yajtun yaj'ënëëmëtën ets ma ënety ka'ap jyotkujk'atën, jä'ä ko jyuuky'ajtënëty këjää tsyowpaaty.

Salmos 9:12

Dios jyä'ämyejtsyp yë ja'ay mëti'ipë yuujoty pa'amjoty yajpatpën ets ka'ap tja'atyëkoy ja jyi'iyën yaxën; tyiytyuunpy mëti'ipë ëxëëk ëtëtsp ënaanpën.

Salmos 9:13

Wintsën, pa'ëyoow najts'ëyo'owëkës, ëk'ix wi'ixës xyaj'ëyowtën ja ja'ay mëti'ipës xy'ëxëëk'ijxtëpën, yajpëtsëëmkës o'kënjëjp'am,

Éxodo 3:7

e ja Dios ojts jyaak mëtyä'äky ets y'ënäny: Ëjts wa'atsës të n'ixy të ntuny wi'ixës yë nnaax nkajpn jap y'ëyoyën Egiptë. Tëës nmëtoow'ity yë y'ëjën tyu'kënëty, mëët ko mëk y'ënä'ämëtë myëkajpxëtë mëti'ipë nyiwintsën'ajtëpën ja tuunk ëyo'on ets tëëjës wa'ats nijawë wi'ix jap jyatën kyëpätën.

Isaías 5:7

Ja tsatsymkyam, mëti'ipë ja Wintsën jyä'ä'ajtypyën, mëti'ipë maaytyääyëpën winë; yë'ë ja Israel kajpn, ja Judá kajpn. Yë'ë ja Wintsën të tjajëjp'ixy ma yë'ëjëtyën jeexyë tpatuntë ja ënä'ämën tëyajtën, e yë'ëjëty je'eyë yajja'ay'ooktë; ja nipaye'eyën të tjajëjp'ixy ma yë'ëjëtyën, yë'ë të tpaaty ma ja'ay je'eyë jyë'ëtën ya'axtën mëët ja pëjkën ijxën.

Hechos 5:3

Tääts ja Pedro t'ënëmaay ja Ananías: Ananías, ¿tii ko ja mëjku'u të mnätyuk'ëne'emyë ets xywyin'ëënëty ja kënu'kxymyëk'ajtën ko të xymyëwë'ëmy tu'kpëky ja naaxtsow?

Hechos 5:9

Tääts ja Pedro t'ënëmaay: ¿Tii ko të xykyäjpxy'atë nimäjtsk ets ja Wintsën ja kyënu'kxymyëk'ajtën xywyinma'any'ixa'antë? Tää ja ja'ay myintë tëjk ëkë'ëy mëti'ipë ja mniye'etyëjk ojts të tyajnaaxtëkëtën, mijts näjyëtu'un ënät nëjkx mnaaxtëkë.

Deuteronomio 21:1

Jam ma ja it naaxwiinyëtën mëti'ipë yë Wintsën mo'ojanëtëpën, ko tu'uk yë o'kpë yajpaatëty jam muum kamwinm tu'uwinm, mëti'ipë ja'ay të yaj'ookyën ets ka'ap yajnijawë pën të yaj'ookyë.

Hebreos 11:4

Mëpëjkën mëët ja Abel ojts tmo'oy ja Dios tu'uk ja wintsë'kën mëti'ipë ni'ik tsoowpatën këtiinëm ja Caín ja jyä'ä, paaty ja Dios ojts tyijyë wa'ats ja'ay ets ojts kyupëjkxëty ja wyintsë'kën. Oy ja Abel të jya'o'knë, jëtu'un jä'ä ijxtëm jeexyë kyäjpxyën, jä'ä ko ojts myëpëky.

Hebreos 12:24

tëë ja Jesús xymyëwinkontë, mëët ko ja Dios të tuny ja jempyë käjpxytyu'unën ja Jesús mëti'ipë nye'pyny y'ëxmajtsën ko ojts tyäxy jyä'äy ets wäänë oy nimëtyä'äky këtiinëm ja Abel ja nye'pyny.

Santiago 5:4

Ja mtuunpëtëjk mëti'ipë ka'ap të xymyëjuytyën, mëti'ipë të tyajpëtë'ëktën ja mpëjktä'äkyëty, yë'ë jëëytyak nu'kxtaktëp ets miitsëty ëxëëk mjatëty mkëpätëty; e tëë ja Wintsën mëti'ipë maaytyääyëpën winë tmëtoy ko jyiiytya'ak nyu'kxta'aktë.

Josue 7:19

Ënet ja Josué t'ënëmaay ja Acán: U'unk maay, mëjjaw jaantyjawë yë Wintsën mëti'ipë yë Israel ja'ayëty Tyios'ajtëpën; nikajpx mëti'ipë të xytyunyën ets këtii nitii xykyuyu'utsëty.

1 Samuel 13:11

E ja Samuel tyaa y'ënëmaayë: ¿Wi'ix ko jëtu'un të m'ëtë'ëtsy? Ets ja Saúl y'ëtsooy: Koos të n'ixy mijts ka'ap m'ëkmiinë tä të xyjyanikäjpxyën ets koos të n'ixy ni'ikyë yë filistejë ja'ayëty myiin'ëtë'ëtstë jam Micmás,