Génesis 39:4 - Biblia Dc en Mixe de Quetzaltepec

⁴ Ojts ja José tuk'oy'äty ets oy tsuj jyawëtëty ja wyintsën, tä ojts pyëjktä'äkyë ets tkëwent'atëty ja wyintsën. Yë'ë ojts yajtuknipëky tu'kë'ëyë winë mëti'ipë ja wyintsën myëët'ajtypyën ma jyëën tyëjkën ets kyuwits kyukëyëty.

Biblia Mixe de Quetzaltepec

⁴ Ojts ja José tuk'oy'äty ets oy tsuj jyawëtëty ja wyintsën, tä ojts pyëjktä'äkyë ets tkëwent'atëty ja wyintsën. Yë'ë ojts yajtuknipëky tu'kë'ëyë winë mëti'ipë ja wyintsën myëët'ajtypyën ma jyëën tyëjkën ets kyuwits kyukëyëty.

Génesis 39:4 Iomraidhean Croise

Génesis 15:2

Tääts yë Abram y'ëtsooy: Wintsën, ¿Tiijës nyajwa'anëty mëti'ipës xytyukkumayaanpën, mijts wa'ats xynyijawë ko ka'apës u'unk ëna'k nmëëtëty? Ka'apës yë u'unk maay nitu'uk të xytyukmëkënu'kxës, tu'kë'ëyë kuma'ayën mëti'ipës nmëët'ajtypyën yë'ë jyä'ä'atäampy yë Eliézer mëti'ipë jam Damaskë ijtpën, tu'uk yë ntuunpës.

Génesis 18:3

Tää t'ënëmaay: Wintsën tuntë mëyajtën ets ka'ap ënätyë mwinpitëty.

Génesis 19:19

Miitsëty mëjmëyajtën të xytyuntë koos yë njuukyajtën të xyajtsokëtë. Ëjts ka'apës njëkyepy nëjkxëty kopkkëjxm, jä'ä ko tsojkës yë ëyo'on muum xynyajtspaatëty etsës n'ëk'o'knëty

Génesis 24:2

Paaty ojts tëkok t'ënëëmë ja tyuunpë mëti'ipë mëjja'aynyën mëti'ipë kyëwent'ajtypyën tu'kë'ëyë winë mëti'ipë ja Abraham myëët'ajtypyën. Tä t'ënëmaay: Pëjkta'ak yë mkë'ë ma npuuypya'tkënës.

Génesis 32:5

Nmëëtës jëyujk, tsajpkaa, tsajppax, kupixyny, tuunpë, ye'etyëjkpë to'oxytyëjkpë. Tyam nkexyës ya'atë aaw ayuk ma mijts myajpaatyën wintsën, n'ëwxityës ets ya'atë aaw ayuk oy tsuj xy'ëxajëty xykyupëkëty.

Génesis 33:10

E ja Jacob ni'ikyë y'ënaan'ëtë'ëtsy: Ka'ap, tun yë mëyajtën, pën jää'ajtp ja oyjyot oywyinma'any ma ëtsajtëmën, kupëk ya'atë näynyamo'ojë, ko mijts tyam nwinku'ixë, jëtu'unës näjyawëty Tiosës yowë ntimy'ijxyp kë'ëm. Ëjts nja'awëkyëtäkpyës koos mijts tyam oy xy'ëxaj xykyupëky.

Génesis 33:8

Ënet ajotkumonë yë Esaú tyajtëëy yë y'uty Jacob: Tiitën mniwinma'ayëp ko kanaakpëky yë mjëyujk të xy'ëkäjxnë. Xii yaajës muum njanty wyinnajxnë. Ënet ja Jacob y'ëtsooy: Patyës të nkexy ets mijts xytsyok xy'oyjyawëtyës.

Génesis 39:8

José ka'ap tkupëjky ets t'ëtsooy: Ëk'ix yë nwintsënës yë'ëjës të xytyukmëwë'ëmta'ay winë mëti'ipëjaty myëët'ajtypyën ets koos yaa n'ity, ka'ap mëpaat tii xymyëmay xymyëtajy.

1 Reyes 16:9

e jamts ijty tu'uk yë tyuunpë, Zimri xyëëwajtyp yë'ë nyiwintsën'ajtyp yë tsiptuunpëtëjk, yë'ë kyëwent'ajtyp ja pujxnwintëkäämpë mëti'ipë myëtsiptuuntëpën, tä mëët ja myëku'uktëjk nyäkyajpxë ets tyaj'ooka'antë ja Elá. Tu'kxëëw ojts tëkok yë Elá nyäyajmukpëkyë nëkooyë, jam ënety yajpaaty ma tyëjkën yë Arsá, mëti'ipë yajputu'unëpën, jam Tirsá y'itjotm.

Ester 2:9

Yë Ester oy ojts myëku'ukjawëty yë Hegai, paaty ojts ni'ik yajmëj'atyë ets oyëty ja jë'kxy pëky ets ja kääky uuky myooyë. Yë Hegai, niwëxtujk ojts twin'ixy ja to'oxy'ëna'k mëti'ipë ja Ester ixëtëpën. Ja Ester jam yajpëjktäky ma ja oypyë ja ijtaknën, ma ja yajkutujkpë ja jëën tëjk tmëëtëtyën, ma ja to'oxy'ëna'k nyiye'epyäjtën.

Proverbios 14:35

Yë mëtuunpë mëti'ipë oy tuunpën wä'än yë wyintsën tsyokëtëty, e mëti'ipë ka'ap tukjatyën tyunëty tsojk wyintsën tyukjoot'anpëkëtëty.

Proverbios 16:7

Ko Dios t'oy'ixy ko yë ja'ay oypyëtsëëmp yë tyu'unën kyajpxën, yë'ëpaat yë myëtsip mëët nyämyë'oypyikyë.

Proverbios 17:2

Tu'uk yë mëtuunpë wijypyë tsojk wintsën nyaxëty ma tu'uk ja u'unkën mëti'ipë ka'ap nyitëkëtyën y'u'unk'atëty; ets nëjkxëp tpëky ja kyuma'ayën jëtu'un tä jeexyë y'u'unkëtyën.

Proverbios 22:29

Mëti'ipë ja'ay oytyuunk tyuunpyën, jam muum tyuunkpaaty ma y'itën yë yajkutujkpëtëjk ets ka'ap jyamëty ma ja'ayëtyën mëti'ipë ka'ap tii tkëjxm'atën.

Proverbios 27:18

Mëti'ipë kyëwent'ajtypyën, yë y'ääytyëëm y'ujtstëëm kë'ëm tjë'kxy tpëky; pën kyëwent'ajtyp yë wyintsën, kumay nyäxy.

Proverbios 3:4

jëtu'unts mtukxoonta'akëtëty ets m'oyjyawëtëty yë Dios ets naaxwiinyëtë ja'ay.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Dios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Dios jyä'äy'äjtypyën mëti'ipë të tku'ookën.

Rut 2:6

Tä ja tuunpëwintsën y'ëtsooy: Moab ja'ay yë'ë, jä'ä ja to'oxytyëjk mëti'ipë mëët yë Noemi të jyä'tyën.

1 Samuel 16:22

Ojts ja Saúl tu'uk ja noky tkexy ma ja Jesé yajpaatyën ets t'ënëmaay: Tun yë mëyajtën ëxmats wä'än yë David twë'ëmy mëët ëjts. Jä'ä ko yë Saúl janty jotkujk ënety nyäjyawëty ko jyam'aty ja David.

1 Samuel 2:26

E ja Samuel yä'kp päjtp ja ni'ikyë ets mëti'ipë tyuunpyën y'oy'ijxyp ja Wintsën ets näjyëtu'un ja ja'ayëty.