Génesis 32:4 - Biblia Dc en Mixe de Quetzaltepec

⁴ Ya'atë aaw ayuk tyuknikäjx: Jëtu'un xy'ënëëmëty yë n'ajtyës Esaú: Yë m'uty Jacob yë'ëjës xytyukmëkäjxëp ya'atë aaw ayuk ets m'ënë'ëmxëty: Jamës të n'ity të ntsëënë ma Labán yë jyëën tyëjkën, jënu'un ya'atë xëëw jëmëjt të nyäxyën.

Biblia Mixe de Quetzaltepec

⁴ Ya'atë aaw ayuk tyuknikäjx: Jëtu'un xy'ënëëmëty yë n'ajtyës Esaú: Yë m'uty Jacob yë'ëjës xytyukmëkäjxëp ya'atë aaw ayuk ets m'ënë'ëmxëty: Jamës të n'ity të ntsëënë ma Labán yë jyëën tyëjkën, jënu'un ya'atë xëëw jëmëjt të nyäxyën.

Génesis 32:4 Iomraidhean Croise

Génesis 23:6

Tun yë mëyajtën mijts Wintsën, ëkmëtow yajxon. Mijts Dios m'u'unk'ajtëp ets yë'ë të mwin'ixyë yaa ma ëëtsëtyën. Yajnaaxtëkë yë mto'oxytyëjk ma jawäänë oypyë ja it nnaaxwiinën, ijxtëm mijts mja'ay'ätyën, pën tii mka'ëkmo'ojanëp.

Génesis 25:30

ets y'ënëmaayë: Mooykyës wäänë yë mtuka'any tampë xyyaj'oyën. Ëk'ix, mëpaatëpës, yë yuu xyaj'o'knë. Paatykyëjxm yë Esaú yajtijp näjyëtu'un Edom.

Génesis 27:29

May ja ja'ay mëtunëtëty ets mwinkoxtänëtëty ja naax ja kajpn mijts mwintuuy. Mijts mniwintsën'atëp ja mjëëky mmëku'uk, ets näjyëtu'un mwinkoxtänëtëty. Pën mpojkëp, poky näjyëtu'un wyë'ëmëty; e pën mkënu'kxëp, kënu'kxy näjyëtu'un wyë'ëmëty.

Génesis 27:37

Ënet ja Isaac y'ëtsooy: Ëk'ix, yë m'uty Jacob yë'ëjës të nmo'oy ja kuttujkën ma mijtsën etsës të n'ënëëmë ko tuunpë'atëty ja jyiiky myëku'uk ets ko tmëët'atëty ja jyi'kxy pyiky mëj këjää. ¿Tiijës ënät tyam ntuunta'akëp mëët mijts u'unk maay?

Génesis 31:41

I'px jëmëjt mijts të nku'itë ma mjëën mtëjkën, ix wi'ixës tyam xy'ëktuka'anë: yë nimäjtskpë yë mnëëx majkmajkts jëmëjtës të nituny, e mëët ja mjëyujk mëti'ipës tyam njä'ä'ajtypyën, tëtujkjëmëjtës të xytyuknituny; ets janaam jatsojkës ijty yë nmëju'uny xyajtëkajtsë.

Génesis 32:18

Tyaa xy'ëtsowëty: Mijts wintsën Esaú, yë'ë yë näynyamo'ojë mëti'ipë mtukmëkäjxëyëpën yë m'uty Jacob mëti'ipë m'oyjya'awëyëpën, tä ja näjyëtu'un myiny ëx'ok.

Génesis 32:5

Nmëëtës jëyujk, tsajpkaa, tsajppax, kupixyny, tuunpë, ye'etyëjkpë to'oxytyëjkpë. Tyam nkexyës ya'atë aaw ayuk ma mijts myajpaatyën wintsën, n'ëwxityës ets ya'atë aaw ayuk oy tsuj xy'ëxajëty xykyupëkëty.

Génesis 33:14

Oy mijts mjaamë'ëkëty, ëjts ëtyä'äkyës nnëjkxa'any, mëëtës yë njëyujk ets n'u'unk n'ëna'kës. Jä'ä ko ëtyä'äkyë ye'eytyë. Jam tëy näpyatëmëty ma ja it naaxwiinyëtë txëëwatyën Seir.

Génesis 33:8

Ënet ajotkumonë yë Esaú tyajtëëy yë y'uty Jacob: Tiitën mniwinma'ayëp ko kanaakpëky yë mjëyujk të xy'ëkäjxnë. Xii yaajës muum njanty wyinnajxnë. Ënet ja Jacob y'ëtsooy: Patyës të nkexy ets mijts xytsyok xy'oyjyawëtyës.

Génesis 36:8

Paaty yë Esaú, mëti'ipë näjyëtu'un yajtijpën Edom, ojts jam tsyo'onë ets nyëjkxnë tsënääpyë ma jam ja kopkjot txëëwatyën Seir.

Génesis 36:9

Ya'atë y'u'unk'ajt y'ok'ajt yë Esaú, mëti'ipë txëëwajtën Edom ja'ayëty ets jam ojts tsyëënëtë jyuuky'atë ma ja kopkjot txëëwatyën Seir.

Génesis 4:7

Kooxyëp jeexyë xy'ëktuny mëti'ipë oyën, jotkujk jeexyë m'ijxë'ëky mkoowë'ëky. E ka'ap jëtu'un xytyuny, paaty yë nëë poky ëwxijtp tyim'ity ets mmëmëta'aka'anyë. E ko mijts xytyuk'a'ixëty, mijts yë nëë poky m'ëk mëmëtaknëp.

1 Reyes 20:32

Ënet tuktëjkëtyë ja tukwit tukpatsy ets nyätyukyo'kpëjkëtë ja tejpxy, tä jam ojts nyëjkxtë ma ja yajkutujkpën jam Israel ets t'ënëmaaytyë: Jëtu'un yë Ben-adad y'ënä'äny, ko mëpaatëk jeexyë xytyuny yë mëyajtën ets xynyimä'kxëty yë jyuukyajtën. Tä ja Ahab y'ëtsooy: ¿Tixë juukynyëmën jam yajpaatyë? Jëtu'unës të njawë tääjës yë nmëkä'äxën.

Éxodo 32:22

Ets ojts yë Aarón y'ëtsoy: Wintsën këtiis xytyukjoot'anpëkëty. Mijts wa'ats xynyijawë ko ya'atë naax kajpn yë'ë tyäty tyunantëp yë ëxëëkpë.

Proverbios 15:1

Ko ja'ay oy tsuj y'ëëw'ëtsoy kyajpx'ëtsoy, yë'ëpaat yë äkë tyajxeemy; e ko ja'ay y'ëtsoy, ni'ikyë yë äkë tyajmëjtä'äky.

Proverbios 25:15

Ko ja'ay y'ëwxity myä'kxtuky yajxe'empy yë äkë. Ko ja'ay oy tsuj xyony y'ity yajjotujkpy ja'ay mëti'ipë kujuunën.

Proverbios 6:3

E ko ëwaatsëtum mnäyajwë'ëma'anëtëty, u'unk maay, ma myajpaatyën mmëku'uk kyë'ë'amjotm, mmëktun ja mjot mwinma'any, koonëm xytyukyakëty mëti'ipë të xytyuk'ënu'kxyën.

Eclesiastés 10:4

Pën mtukjoot'anpëjkëp yë ja'ay mëti'ipë yajkutujkpën, mëk xymyajts'itëty yë mjot mwinma'any; mëj tsooy nyäxy ko ka'ap nëkoo ja'ay jyot'ëtë'ëtsy ko tii mëj këjää tuuntëkoy.

Isaías 21:11

Ma yaj'akäjpxyën wi'ix ja Edom ja'ayëty jyata'an kyëpäta'antën: Mëkës yë ja'ay tu'uk xymyëkäjpxy ets xy'ënëëmës: Ëkmëtow këwent'ajtpë, ¿jënaak yaxp tyam tsu'um?

Lucas 14:11

Pën nämyëjpëjktakëp kë'ëm, yë Dios mutsk yajnaxa'anyë, pën yu'unk naxym näpyëjktakëp, mëj'äämpy yë Dios yajnaxa'anyë.

1 Pedro 3:6

Jëtu'un ja Sara jyuuky'äjty, myëmëtoow ja Abraham ets wintsën ijty tijy. E miitsëty yë'ë ja Sara mnëëx'ajtëtëp ko ja oypyë xytyuntëty ets ka'ap mtsë'ëkëtëty.

Jueces 5:4

Ko mijts, Wintsën mtso'ony jam Seir; ko ojts mnëjkxy jam Edom, ojts naaxwiinyëtë yu'kxy, ojts tsajp kyootsë, ets ojts tyu'uy.

1 Samuel 26:17

Ko ja Saúl tmëtoowkujkëy ko jä'ä ja David kajpxp, tääts yujk'ënany: ¿Këtiitën myijtsëtyë David, u'unk maay mëti'ipë kajpxpënë? Tä ja David y'ëtsooy: Jëtu'un Wintsën, ëjts jëtu'un.