Génesis 3:10 - Biblia Dc en Mixe de Quetzaltepec

¹⁰ Tää yë ye'etyëjk y'ëtsooy: Tëës njamëtoy ko ënety mijts jap kamjoty mjëtity, Patyës ënätyë të nyäyu'utsyë. Jä'ä ko tsëtyuunpës koos niwa'ats n'ëxwa'atsëty.

Biblia Mixe de Quetzaltepec

¹⁰ Tää yë ye'etyëjk y'ëtsooy: Tëës njamëtoy ko ënäty mijts jap kamjoty mjëtity, Patyës ënätyë të nyäyu'utsyë. Jä'ä ko tsëtyuunpës koos niwa'ats n'ëxwa'atsëty.

Génesis 3:10 Iomraidhean Croise

Génesis 2:25

Jëtu'un yë ye'etyëjk ets to'oxytyëjk aakniwa'ats ëxwa'ats ënätyëty ets ka'ap nyämyëëtsëtyunëtë.

Génesis 3:11

Ënet ja Dios tyajtëëy ets t'ënëmaay: ¿Pën të m'ënë'ëmxëty ko mniwa'ats m'ëxwa'atsëty? ¿Ijxkëm të xy'ëkjë'kxnë ja ujtstëëm mëti'ipë ntuk'ënëmaaytyën ets ka'ap xyjyë'kxtëty?

Génesis 3:7

Jä'ä xëëw jä'ä jëmëjt ma ojts ja ujts jëtu'unpë tjë'kxtën, mëti'ipë ja Dios ka'ap t'ëwa'atsyën tjë'kxtëty. Ënet ojts wyinma'anytyëkëtë ets ja wyiin y'ëwatstë ets nyäjya'awëpyatëtë nimäjtskëty ko niwa'ats ëxwa'atstëm ënätyëty. Ënet ojts oywyi'ix t'atsuummujkojtë yë ujts'aay ets yë'ë mëët nyätyuk'ëtujkëtë.

Job 23:15

Paaty ntsë'këpës yë'ë, je'eyëpës njamëmay njamëtajy täätsës yë tsë'ëkë xytyuktëkë.

Job 31:33

Ka'apës yë npoky nijëna'a të nyu'utsy, jëtu'un tä wiinkpë y'ëtë'ëtstën ets ka'apës nijëna'a yu'utsy të nmëët'aty

Salmos 119:120

Tsëyuupyës yë njot nini'kx mijts mwintuuy mëët yë tsë'ëkë. Ëjts nwinkutsë'këpës yë m'ënä'ämën mtëyajtën.

Éxodo 20:18

Nitëkokyë yë Israel ja'ayëty y'ijxtaaytyë ko ojts ja ënääw wëtsuk y'ëti'itsy y'ënä'äny, ko ja pujxnxuxn mëk jyänty xyuxy ets ko ja jëënjok tyajnitujktaay ja tun kopk. Ojts ja ja'ayëty may tsyë'ëkëtë ets ka'ap ojts nëkooyë wyinkontë ma kopkën.

Éxodo 20:19

Paaty t'ënëmaaytyë ja Moisés: Mijts ëëts mëëtmëtyaktëk ets npatuntëtyës tëkokyë, mëti'ipë ënety mnikäjpxypën. Ka'apës ntsoktë ets Dios yë'ë xymyëkajpxtëtyës, jä'ä ko tsojkës xy'ëkyaj'o'ktaaynyëtëty.

Éxodo 3:6

Ets ojts tjaaknikäjpxy: Ëjts jëtu'un ojts xyTios'atë yë m'ap m'okëty. Ëjts jëtu'un xyTios'ajtë yë Abraham, Isaac ets Jacob. Yë Moisés ënätyë ojts nyäwyinkumo'kxëty, jä'ä ko yë'ë ojts tsë'ëkë, ko ja Dios jeexyë t'ixy,

Éxodo 32:25

Tä ja Moisés t'ijxy ko ja naax kajpn niwi'ixtsow tkajëkyep wi'ix y'ëmontëtyën ets yajxon tjëkyäjpnë wi'ix ja myëtsiptëjk poj'am tyukja'tëtëtyën, jä'ä ko ja Aarón ka'ap ënety të myäyë wi'ix tyaj'ëmonëtyën,

Isaías 33:14

Jam Sión, janty tsëtyuuytyëp ja pokyjyä'äytyëjkëty ets ja ëxëëkja'aytyëjk janty tsë'këtyëp ets y'ëna'antë: ¿Pën jëtää y'ëkmëmëta'akëp ya'atë mëj jëën mëti'ipë no'ktëkoopyën mëti'ipë jam toopyën jäämpën ma o'ktaknën?

Isaías 47:3

niwa'ats ëxwa'ats m'itëty, wä'än tyaj'ixy ja m'ëmaayajtën. Minës n'ëktuunwinpity ijxtëmës ëxëëk të njaty të nkëpetyën, ni pën xykya''akajpxtukëtyës oy jënu'un pën jyanu'kxta'akëty.

Isaías 57:11

¿Pën tiosën ijty mijts ëxëëk xytsyë'ëkë ets janty mëj'äämpy xyjyëkyepy koos të xykyawintsë'ëkë etsës të xyjyä'äytyëkooynyë? Koos ënety ka'ap xy'ëkmëj'ijxnë, amonyës ijty je'eyë nyajpaaty, ets jëtu'unës nnäpyëjktä'äkyë ka'apës yowë tii nnijawë.

Deuteronomio 5:25

E ka'ap yowë y'oy'atëty ko ya'atë jëën yë'ë ntimnyätyukyaj'o'këmëty. Ko ënät njaaktimmyëto'owmëty ja Wintsën ja kyäjpxy myëtyä'äky jëën'akujky tsojk n'o'kmëty.

1 Juan 3:20

pën nja'awëm jootjoty winma'anyjoty ko ka'ap tii oy ntu'unëmë, Dios wäänë mëj yë'ë këtiinëm ja njoot'ajt nwinma'any'ajtëmë, wa'ats nijawë tii ënety oy nkatu'unëm.

Apocalipsis 16:15

Jëtu'un ja Dios y'ënä'äny: Ixtë, jëtu'unës nminy ajotkumonë ijxtëm yë mä'tspën. Jotkujk yë ja'ay yajpaaty mëti'ipë juuky yajpatpën ets tam wyit tmëëtëty, këtiipë yajtukja'tëty niwa'ats ëxwa'ats ets tsyëtyunëty.