Génesis 28:5 - Biblia Dc en Mixe de Quetzaltepec

⁵ Jëtu'un ijxtëm ja Isaac tkejxën ja Jacob jam Padán-aram, jam ojts nyijkxy ja Jacob ets jam jyä'äjty ma ja jyämy Labán ja tyëjkën, ja y'u'unk ja Betuel, ja arameë ja'ay; yë Labán yë'ë Rebeca y'äy, yë Esaú ets Jacob yë tyaak.

Biblia Mixe de Quetzaltepec

⁵ Jëtu'un ijxtëm ja Isaac tkejxën ja Jacob jam Padán-aram, jam ojts nyijkxy ja Jacob ets jam jyä'äjty ma ja jyämy Labán ja tyëjkën, ja y'u'unk ja Betuel, ja arameë ja'ay; yë Labán yë'ë Rebeca y'äy, yë Esaú ets Jacob yë tyaak.

Génesis 28:5 Iomraidhean Croise

Génesis 22:23

Ya'atë Betuel yë'ë jëtu'un ojts tnëëx'aty ja Rebeca. Ya'atë jëtu'un tuktujk y'u'unk'ajtyp yë Milcá mëët nyiye'etyëjk Nahor, yë Abraham yë myëkä'äx.

Génesis 24:54

Täänëm ojts ja tuunpë kyääytyëkë mëët ja myëku'uktëjk, mëti'ipë ënety të pyaminyën. Jam ojts ja tsuu tyajnaxtë. E ko komjëpom myä'äypyëtë'ktë, ënät ja Abraham ja tyuunpë y'ënäny: Oyës ënät jatëkok nwinpitëty maas ja nwintsën ja jyëën tyëjkën.

Génesis 25:20

Yë Isaac wëxtyikxy ënety jyëmëjt ko ojts pyiky mëët yë Rebeca, yë'ë ënety yë y'u'unk yë Betuel, yë y'uty yë Labán, yë arameë ja'ay mëti'ipë jam tsënaaytyëpën Padán-aram.

Génesis 27:43

Paaty mëtoowit mëti'ipë tyam ntuk'ënëëmëjäämpyën. Kä'äk ets nëjkx jam Harán, jam mja'tëty ma ja tyëjkën ja n'ayës Labán.

Génesis 28:2

Nëjkx jam Padán-aram ma ja tyëjkën yë mtatwelë Betuel ets jam mëët mpëkëty yë nyëëx yë mjämy Labán.

Génesis 29:1

Yë Jacob ojts ja tyu'u tpanëjkxy ets ojts jam jyä'ty ma ja naaxwiinyëtë xëëwpëtsëmtsyowpë.

Génesis 29:12

Ko ja Jacob tukmëmëtyäky ja Raquel, ko yë'ë ënety tyaak'ajtyp yë Rebeca ets yë'ë jyämy'äjtyp yë Labán. Ënet yë Raquel ojts jam pëyi'ikyë tsyoony ets ojts ninëjkxy ja tyeety, tääts tukmëmëtyäky wi'ix ënety të yajmëëtmëtyä'äkyën.

Génesis 31:24

E jä'ä tsu'um ja Labán y'ënëmaayë ja Dios teety kuma'ayjoty: Ëkmëtow yajxon, këtii yë Jacob xymyëkajpxëty mëët yë äkë.

Génesis 35:27

Ënet yë Jacob ojts yë tyeety Isaac tninëjkxy jam Mamré, ma ënety tu'uk ja kajpn txëëwatyën Arbá ëkë Hebrón. Jam ma ënety të tsyëënën yë Abraham ets Isaac.

Ezequiel 27:16

Yë Edom ajuuy ato'kp ijty mëët mijts, jä'ä ko kanaakpëky winë xymyëëtëty: Yë'ë ijty mooyëp yë oyëtypë uky tsaa ets wit oyëtypë mëti'ipë jo'okyën; mëti'ipë linë witën ets myëët'ajtyp yë nëëtsaa ets tsapts tsaa.

Oseas 12:12

Ojts yë Jacob jam nyaskääkë Aram ets jam tnituuny yë tyo'oxytyëjk, kupixyny këwent'ajtk jam tyuunk'ajt.

Deuteronomio 26:5

Ets m'ëna'anëty jam mWintsën wintum: Ëëts yë nteety n'apëty, mëti'ipë arameë ja'ayëtyën, tëëyëp jëtu'unyë ojts jyëtitë, ok ojts jap nyëjkxtë Egiptë ets jap tsyënaaytyaknpëjktë. Japts ojts yajxon nyimayëtë ets tu'uk mëj kajpn y'awinpijtë, tääts ojts myëkta'aktë.