Génesis 24:3 - Biblia Dc en Mixe de Quetzaltepec

³ Ets nikajpx mëët yë Dios xyëëwkëjxm, mëti'ipë Tios'ajtpën tsajpjotm ets naaxwiiny, ko këtii xy'a'ixëty ets nmaankës pyëkëty y'uukëty mëët yë to'oxy'ëna'k yaapë kyukajpn'atën Canaán, maas tyam ntsëënën njuuky'ätyën.

Biblia Mixe de Quetzaltepec

³ Ets nikajpx mëët yë Tios xyëëwkëjxm, mëti'ipë Tios'ajtpën tsajpjotm ets naaxwiiny, ko këtii xy'a'ixëty ets nmaankës pyëkëty y'uukëty mëët yë to'oxy'ëna'k yaapë kyukajpn'atën Canaán, maas tyam ntsëënën njuuky'ätyën.

Génesis 24:3 Iomraidhean Croise

Génesis 14:19

ojts tkënu'kxy yë Abram mëët ya'atë aaw ayuk: Yë Dios Ni'ik Këjxmëpë mkënu'kxëtëp mjëkyäpëtëp, mëti'ipë yajkojën yë tsajp ets naaxwiinyëtë.

Génesis 14:22

Tyaa Abram y'ëtsooy: Tëës yë Dios nwinwanë, yë Dios Ni'ik Këjxmëpë, mëti'ipë tsajp ets naaxwiinyëtë yajkojën,

Génesis 21:23

Paaty tyam nikäjpxyës, mëët Dios xyëëwkëjxm, ma yaa nyajpatëmën. Ko ka'ap wi'ix xytyuna'antës, ëjts mëëtës ja njëën ntëjk ja n'u'unk n'ëna'k, etsës ja n'u'unk n'ok. Nikajpx mëët Dios xyëëwkyëjxm ko oyës xyjyawëja'any, jëtu'un tä mijts oy të njawën, ets näjyëtu'un mëët tu'kë'ëyë mëti'ipë tsënaay juuky'ajtëpën ma ya'atë naax kajpnën ma tyam mtsëënën.

Génesis 24:7

Yë Wintsën, yë Dios tsajpjotmëpë, mëti'ipës ojts xyajtsoonyën maas yë nteety ntaak yë jyëën tyëjkën ma ja y'it nyaaxwiinyëtën ja njëëky nmëku'ukës. Ets ojts xytyukwinwanës ya'atë it naaxwiinyëtë, ko tmo'oja'any yë n'ok'u'unk n'ok'ëna'kës, yë'ë näjyëtu'un ënät kyäxëp ja Dios ja tsyajpjotmëtë kukäjpxy ma mijtsën. Ets xyajmin xyajja'tëty ja to'oxy'ëna'k, mëti'ipës ja nmaank Isaac tyo'oxytyëjk'atëpën.

Génesis 27:46

Tä ja Rebeca t'ënëmaay ja Isaac: Ëjts tëëjës xynyatim tsyijpnë ya'atë juukyajtën mëët yë Hit ja'ayëty, mëti'ipë mëët të pyiky të y'uukyën yë Esaú. Pën Jacob yë'ë mëët pyiky näjyëtu'un yë Hit to'oxy'ëna'këty ijxtëm yë Esaú tyo'oxytyëjkën, mëti'ipë yaa tsënaaytyëpën Canaán, ni'ikë tim oy'atëp koos ëjts ntimy'ookëty.

Génesis 28:1

Tä ja Isaac ojts tmëkäjpxy ja Jacob ets tmooy ja kënu'kxën ets ojts tuk'ëne'emy, t'ënëmaay: Këtii yaa mpëkëty m'uukëty, mëët ja to'oxytyëjk mëti'ipë yaa kukajpnajtëpën, ma Canaán y'itjotmën.

Génesis 28:8

Tä ja Esaú twinja'awëy ets tja'akyujkëy ko ja tyeety ka'ap ënety tukjotkëtä'äky ja to'oxy'ëna'këty mëti'ipë kukajpnajtëpën jam Canaán.

Génesis 34:9

Jëtu'un näjyiiky'ajt näymyëku'uk'ajtëmëty ets oy näjya'awëmëty; jëtu'un pyëktëty y'uuktëty ëëts ja nyä'äy'ëna'këty mëët ja mto'oxy'ëna'këty ets miitsëty mpëktëty m'uuktëty mëët ja nto'oxy'ëna'këtyës.

Génesis 38:2

Jam ojts tu'uk yë to'oxy'ëna'k t'ixy, yë'ë nyëëx tu'uk yë Canaán ja'ay, jä'ä xyëëwajtyp Sua ets ojts mëët pyiky.

Génesis 47:31

Tukajpxpät yë Dios ko jëtu'un xytyuna'any. Jëtu'un y'ënëmaay'ëtëtsë ja tyeety. Ënet yë José ojts tukajpxpety yë Dios, ko ënety jëtu'un tuna'any, tääts ja Israel ojts wyintaknë myaapäjnkëjxm.

Génesis 50:25

Ënet ojts tuknikäjpxy yë Israel yë y'u'unk y'ëna'k ets t'ënëmaay: Tëyajtën yë'ë ko Dios yë'ë mniminanëtëp. Ko jëtu'un nëjkx jyäty kyëpety myajtso'onta'atëp yaa yë nwaay npajkës.

Génesis 6:2

Yë Dios yë tyuunpëtëjk ko t'ijxtë ya'atë to'oxy'ëna'këty janty'oy janty tsujëtypë. Ënet ojts twin'ixtë aakjä'ä oyëtypë ets mëët pyëjktë y'uktë, mëti'ipë ënety tyimtsojkën'ajtëpën.

Génesis 6:4

Jää ojts ëka'any jya'të yë ja'ayëty mëti'ipë yajtijtëpën ja'aypyajkyeny ko ja Dios ja tyuunpëtëjk nyämyujkëtë mëët ja to'oxy'ëna'këty mëti'ipë ënety yi'iyë myëmaay myëët'ajtëpën yääyëpë naaxwiinyën. Ko myiintë jyajtë ja y'u'unk y'ëna'këty, yë'ë jëtu'un ojts jotmëk y'itë ko ijty ja tsip tyunyë jeky'äjty.

2 Reyes 19:15

ënät ja Wintsën t'ënëmaay: Wintsën mëti'ipë y'ëwtajtëpën yë Israel ja'ayëty, ma xyaj'ityën ja mkutujktakn jampë itkujky yajpaatyën ma käkn mëëtpë ja mkukajpxpën: mijts tu'uk mwintsën'ajtp ma tëkokyë yajkutujkpëtëjkën mëti'ipë tuuntëpën naaxwiiny naaxkëjxy; mijts myajkoj yë tsajp ets naaxwiinyëtë.

2 Crónicas 2:12

Ets ëpëky, ja aaw ayuk tjaaknikajpxëy ets y'ënäny: Kënu'kxy mëjjawë y'ity yë Wintsën, mëti'ipë y'ëwtajtëpën yë Israel ja'ayëty, mëti'ipë yajkoj pyëjktakën ja tsajp ets naaxwiinyëtë, jä'ä ko tëë tmo'oy yë yajkutujkpë David, tu'uk myaank mëti'ipë wijyën kujkën ets nyija'ap winë, mëti'ipë tyam tyuknipëjktakëpën tkoja'any tu'uk yë tsajptëjk, mëti'ipë tyukmëyoxäämpyën yë Wintsën ets näjyëtu'un tkojja'any tu'uk yë kutujkëntëjk ma y'ënä'äm yajkutukëtyën yë'ë kë'ëm.

Esdras 5:11

Yë'ëjëty jëtu'un të y'ëtsowtë ko yë'ë y'ëwtajtëp yë Wintsën tsajpkëjxmëpë ets naaxwiinypë y'ityën ets ko tyam yë'ë y'akojëtëp ja tsajptëjk mëti'ipë ojts tëëyëp kyojyën ma yajkutujkyën tu'uk ja mëj'ënä'ämpë ma Israel ja'ayëtyën.

Nehemías 13:25

Ojts mëëtëty yajxon näy'ojyës, ets ojtsës mpoky. Ojts pën nwopyës ets ojts mëti'ipë kyuwaay nkatswijxës ets ojts ntukupëktës ets tnikajpxtëty mëët ja nTios'ajtëmë ja xyëëw ko ka'ap tkupëka'antë ets ja y'u'unk y'ëna'k pyëktëty mëët ja jaaypyaat jaaypyo'kxy ja y'u'unkëty y'ëna'këty mëti'ipë mëët ka'ap ntu'kja'ayajtëmën. Ojtsës näjyëtu'un n'ënëëmëtë:

Nehemías 9:6

Ets ja Esdras y'ënäny: Mijts Wintsën ni pën jëtu'un mkamëpaatëtëty tä mijtsën. Jä'ä ko mijts ojts ja tsajp xyajkojy ets mëti'ipë jam waanëkëjxyën ets tëkokyë ja nyimëtsa'a; mijts ojts xyajkojy ja naaxwiinyëtë ets mëti'ipë jää yajpatpën, mijts ja juukymyejy të xyajkojy ets tëkokyë mëti'ipë jap yajpatëpën. Mijts näjyëtu'un myajjuuky'ajtääpy oy tyimtiijëty mëti'ipë juukyajtënmëëtën. Paatykyëjxm m'ëwtatëtë ja mëtsa'a jampë tsajpkëjxm yajpaatën.

Salmos 115:15

Wä'än yë Wintsën mëti'ipë yë tsajp ets naax yajkojën, tyajkëtä'äky yë kyënu'kxën ma miitsëtyën.

Salmos 136:26

Mo'otë yë kukkajpxën ja'awëkyëtakkën yë Dios tsajpjotmëpë y'ityën, jä'ä ko yë tsyojkën jya'awën winë xëëw winë jëmëjt yë y'ijtëy.

Éxodo 20:7

Ka'ap yë mWintsën Dios yë xyëëw ëëwpäjn kajpxpäjn je'eyë xywya'anëty, jä'ä ko yë'ë ka'ap jëtu'unyë tnayajninaxa'any mëti'ipë ënety nëkoo ja xyëëw tyuk'ëyë'këpën.

Éxodo 22:11

Ja ja'ay mëti'ipë ënety jëtu'un të y'ëyo'onpaatyën, nëjkxëp tmëëtmëtyä'äky ja kujëyujk ets Dios tyukkajpxpätëp, ko ka'ap ënety wi'ix ja jëyujk të tuny, mëti'ipë ja myëku'uk tukmëët'ajtëpën. Ja mëti'ipë kujëyujk'ajtpën ja'akyukëp näjyëtu'un ets kyupëkëp tä ënety yaj'ënëëmën ets ja tu'ukpë ka'ap nitu'kjënu'un tkujuyëty.

Éxodo 23:13

Tuntë jëtu'un ya'atë mëti'ipë të ntuk'ënëëmëtën ets nijëna'a kyapëtsëmëty ma m'aaw myä'änëtyën yë xyëëw yë wiink tios.

Éxodo 34:16

Ets ni yë'ë mëpaat tkayajpëk tkayaj'uuktë yë nyëëxëty mëët mijts yë mmaankëty, jä'ä ko ënety tuntë tkajpxtë ja ëxëëkpë jam ma ja wyintsënëty t'ëwtatën, tsojk näjyëtu'un ja m'u'unkëty y'ëtëtsta'aktëty.

Isaías 45:23

Ëjts ojts kë'ëm nyänyikäjpxyë, tëëjës nikäjpxy koos nmëta'aka'any, ets jëtu'un jyänty tyuna'any jyänty jyata'anyë: nëjkxëp ni'ëmukë ja'ay xywyinkoxtänëtës ets nikajpxtë yë nxëëwës,

Isaías 48:1

Mëtoow'it ya'atë aaw ayuk, miitsëty jënu'un yë Jacob t'u'unk'aty t'ok'atyën, mëti'ipë xyëëwajtëpën Israel, Judá y'u'unk y'ok. Mëti'ipë tii winë nyikajpxtëpën mëët yë Wintsën xyëëwkyëjxm, mëti'ipë y'ëwtajtëpën yë Dios, mëti'ipë yë Israel ja'ay Tyios'ajtëpën, wiinkë'ëy akë'ëy.

Isaías 65:16

Ko ënety pën ma naax kajpnën t'amëtoy ja näkyënu'kxë, Dios y'amëtowëp, mëti'ipë tëyajtën winë tyuunpyën; ko ënety pën tii tnikajpxa'any ëkë tnikajpxpäta'any, Dios nëjkx ja xyëëw tkajpxpatëyë, mëti'ipë tëyajtën winë tyuunpyën. Ja ëyo'on jotmay mëti'ipë ënety të y'ityën, nëjkxëp yajja'atyëkooytyääynyë, ets ka'ap nëjkx maa y'ëkyaj'ijxnë.

Jeremias 10:11

Miitsëty, Israel ja'ayëty, ënëëmëtë yë ja'ayëty mëti'ipë ka'ap ja Dios t'ëwtatën: Yë tiostëjkëty mëti'ipë ka'ap tyajkojtën yë tsajp ets naaxwiinyëtë, tëkooytya'ajantëp yë'ëjëty, nitu'uk kyawë'ëma'antë tsajp pa'tkë'ëy.

Jeremias 12:16

Mëtëy ja ijty ko yë'ë ojts tukni''ixëtë ja nnaax nkajpnës wi'ix tii tnikajpxtëtyën mëët xyëëwkyëjxm yë Baal, e tyam jyëkyejpy tsyënaaytyaknpëktëty nkajpnjotyës, pën kyupëjktëp ja mëpëjkën ijxtëmës nkajpn myëpëkyën ets pën ënantëp ko tii tnikajpxtëty: Mëët yë'ëkyëjxm yë Wintsën yë jyuukyajtën.

Jeremias 29:6

Pëktë uuktë, mëët'atë m'u'unk m'ëna'këty ets wä'än m'u'unk m'ëna'këty näjyëtu'un tpëktë t'uuktë. Nimayëtë jam ets këtii mniwäänëtë.

Jeremias 4:2

jäänëm tëy, jyëkyäpëp xykyajpxpaatëty yë nxëëwës ko ënety tii xynyikäjpxy mëët yë tëyajtën, mëët ja oypyë ja paye'eyën ets oypyë tu'unën kajpxën. Nëjkxëp ja ja'ay tukxoonta'aktë ja nxëëwës ma ja naax kajpnën.

Sofonías 1:5

Nyajkutëkoyäämpyës pënjaty jap tëjkkëjxy päjtëpën mëti'ipë y'ëwtajtëpën yë mëtsa'a, mëti'ipë näkyoxtënaaytyakëtëpën ets tkajpxpaatë yë nxëëwës, näjyëtu'un tkajpxpaatë yë tios Milcom yë xyëëw.

1 Corintios 7:39

Ja to'oxytyëjk pëkpyë myëëttsëënëp ja nyiye'etyëjk ko ënety ja nyiye'etyëjk jyuuky'äty; ets ko ja nyiye'etyëjk y'ookëty, najtspëkë ja to'oxytyëjk wyi'im ets jyëkyejpy jatëkok pyëjktëkatsëty mëët ja wiinkpë ja ye'etyëjk, nëkoo ko ënety myëpëky.

Deuteronomio 10:20

Winkutsë'ëkëtë yë mWintsën ets ëwtatë yi'iyë tu'ukyë. Mëtuntë oy yajxon ets pën tii ayuk mnikäjpxantëp mëët yë kuttujkën, yë'ë xyëëw myajtuunëtëp.

Deuteronomio 6:13

Yë Wintsën yë'ë m'ëwtatëp ets mëtuntëp xëmë ets ko tii xynyikajpxa'antëty mëët yë kuttujkën, yë Dios yë xyëëw myajtuunëtëp.

Hebreos 6:16

Ko ja ja'ay tii tyajtëytyëkëja'antë, yë'ë kyajpxpatëp mëti'ipë ni'ik mëj'äämpyën këtiinëm yë'ë kë'ëmëty ets ko jëtu'un tii tyajtëytyëkëtë ka'ap t'ëkjëkyäjpnë wi'ix jyaak yajnimëtya'akëty.

Josue 2:12

Paaty yam n'ënëëmëtë ets xynyikajpxtëty yaa Dios wintuuy ko ka'ap ëxëëk xytyuna'antë ja njëëky nmëku'ukës, ko jëtu'un xy'oyjyawëja'antë tä yam miitsëty n'oyjyawëtën. Tuknija'awëtyëkës ko miitsëty jaanty yam m'ëna'antë,

Jueces 14:3

E yë tyeety tyaak jëtu'un y'ëtsoowtë: ¿Wi'ix ko jam muum yë to'oxytyëjk xy'ixta'ajaanpë ma filistejë ja'ayëtyën ka'apë yë Dios t'ëwtatën? ¿To'oxytyëjk jëtää yaa ka'ijtpë ma mëkunaax mëkukajpnënë? Yë Sansón y'ëtsooy: Tääpë kiixy yë'ëjës jëtu'un të ntsojkën'aty ets yë'ëjës mpëkäämpy.

1 Samuel 20:17

E ja Jonatán mëj këjää ënety t'oyjyawë ja David, paaty ojts jatëkok tnikäjpxy mëët yë Dios yë xyëëw ko tmëku'ukjawë ja David, jä'ä ko mëk ënety tsoky tjawë.

1 Samuel 30:15

¿Oyës jam xywoownëjkxëty ma tääpë mä'tspë yajpaatanë? Jëtu'un ja David tyajtëëy. E ja Egiptë ja'ay tyaa ja y'ëtsooy: Tyam nwoownëjkxëty je'eyëp ko ënät pën ka'apës xykyë'ëyäky maas yë nwintsënën ets näjyëtu'un pën ka'ap mijts xyaj'ookyës.