Génesis 2:9 - Biblia Dc en Mixe de Quetzaltepec

⁹ Ojts näjyëtu'un tyajyony yë aay kepy oyëtypë tsujëtypë, mëti'ipë yakëpën yë tyëëm ets yajë'kx yajpëkëty. Jam kam'itkujkm ojts tyajyony tu'uk yë kepy mëti'ipë myëët'ajtypyën ja juukyajtën. Ets nän jämyë wiinkpë ja kepy mëti'ipë myëët'ajtypyën ja jot winma'any oypyë ka'oypyë ets tëkokyë jënu'un yajmëët'atyën jootjoty winma'any joty.

Biblia Mixe de Quetzaltepec

⁹ Ojts näjyëtu'un tyajyony yë aay kepy oyëtypë tsujëtypë, mëti'ipë yakëpën yë tyëëm ets yajë'kx yajpëkëty. Jam kam'itkujkm ojts tyajyony tu'uk yë kepy mëti'ipë myëët'ajtypyën ja juukyajtën. Ets nän jämyë wiinkpë ja kepy mëti'ipë myëët'ajtypyën ja jot winma'any oypyë ka'oypyë ets tëkokyë jënu'un yajmëët'atyën jootjoty winma'any joty.

Génesis 2:9 Iomraidhean Croise

Génesis 2:17

mëti'ipë tëy, ka'ap xyjyë'kxëty mëti'ipë myëët'ajtypyën ja jot winma'any oypyë ets ëxëëkpë, këtii xyjyë'kxëty yë tyëëm tääpë kepy. Jä'ä ko pën mjë'kxyp m'ookëp yë'ë.

Génesis 3:22

ets y'ënäny: Tyam jëtu'un yë ye'etyëjk të y'awinpity tä ëëtsajtëmën. Jä'ä ko tyam nyija'ap mëti'ipë oy ka'oyën. Ijxkëm ënät näjyëtu'un tjë'kxpë ja aaytyëëm ujtstëëm mëti'ipë ja juukyajtën myëët'ajtypyën ets y'ëkjuuky'ajtnëty winë xëëw winë jëmëjt.

Génesis 3:24

Ko ënety tëë ja Ye'eytyëjk jap tju'tnë kamjoty, ënät nyäpyëjktakëtë jam awinmtsow ja Wintsën ja kyukäjpxy ets tu'uk yë tëypyujxn jëënmëët wyojpminy wyojpxëpy xiitsow yaatsow, yë'ë kyëwent'ajtëp ja jë'kxykyam. Jä'ä këtiipë pën tmëwinkonëty ja ujtstëëm mëti'ipë myëët'ajtypyën ja juukyajtën.

Génesis 3:3

Mëti'ipë tëy ka'ap tjëkyepyën ëëts një'kxtëty ets ntontëty yë'ë mëti'ipë jap yajpatpën kam'itkujky. Tiosës të xy'ënëëmëtë ko ka'ap mëpaat një'kxtës tääpë kepy yë tyëëm. Jä'ä ko pën ntuuntëpës jëtu'un kopkpëky koos n'ooktëty.

Génesis 3:5

Yë Dios wa'ats tnijawë, ko tääpë ujtstëëm xyjyë'kxtëty, nëjkxëp xynyijawëtë mëti'ipë oy ka'oyën. Tä nëjkx tu'kë'ëyë winë xynyija'awëtya'atë ets nëjkx mja'ay'atë tä Tiosën.

Proverbios 11:30

Yë tëypyë nipaye'eyën, juukyajtën yäjkpy; e tsiptu'un tsipkajpxën yë'ë yaj'atëkoopy.

Proverbios 3:18

Yë ja'ay mëti'ipë wijyën, ets mëti'ipë winë nyija'apën, mëj këjää yë juukyajtën tpaaty t'ixy, janty jotkujk ja ja'ay yajpaaty mëti'ipë tyukjajtypyën wi'ix jëtu'unpë tyajwë'ëmëtyën jyootjoty kyëpajkjoty.

Isaías 44:25

Ëjts ka'apës nyajkutuky ets tyunëtëty jyatëtëty ja aaw ayuk mëti'ipë ka'ap y'oyëtyën, mëti'ipë të t'akajpxtën ja käjpxnyajxpëtëjkëty ka'apë tii oy tnikajpxtën; Ëjts njo'ptaayëpës ja najtsja'apëtëjk ja y'aaw y'ayukëty. Ëjts nyajkutujkpy ets ja ixpëkyjyä'äytyëjk ka'ap nyäjyä'äkyukëtëty ets mëti'ipë jyanimëtyaktëpën tsuu poj yajja'akyukëty.

Isaías 47:10

Mijts yi'iyë të xymyëmay të xymyëtajy ja m'ëxëëktu'un m'ëxëëk kajpxën ets të m'ëna'any: Ni pën xykya'ixyës. Ja mwijyajtën ets ja m'ijxpëkyajtën yë'ë të mnätyukwin'ëënyë, ets të mmay të mtajy: Ëjtsyë jëtu'un tu'uk, ka'ap pën wiinkpë.

Ezequiel 31:16

Ko ënety jap nyajjëjptä'äkyës naaxpa'tkë'p ets nëjkx tpaaty ja myëku'uktëjk mëti'ipë tëëyëp o'ktëpën, nëkooyë nëjkx y'ënanë ko ënety jap tyuknokë ets nëjkx tsyë'ëkëtë wiinkëtypë naax kajpn. Ma tääpë itjot naaxjotmën naaxpa'tkë'pë yajpaatyën nëjkxëp xyoonta'aktë yë aay kepy oyëtypë ets mëti'ipë nëëpë'aay të yajpaatën ma Líbano kopkën.

Ezequiel 31:18

Nimëti'ipë kepy ënety kyajëtu'unëty jampë Edén yajpaatën tä yë'ë myëj'äämpyëtyën ets kyëjxmëtyën; e ko të y'o'knë näjyëtu'un jap naaxpa'tkë'p jyëjpta'aka'any tä ja myëku'uktëjkën mëti'ipë jam Edén yajpatëpën ets yajpaata'any mëët ja wiinkëtypë ja aay kepy, mëti'ipë jëënjoty tsipjoty o'ktën tëkooytyën. Tyaapë kepy yajnimëtyä'äkyën yë'ë yaj'antijp yë faraón ets tëkokyë yë jyä'äy.

Ezequiel 47:12

Ma nëëpa'ajën, mäjtskpa'ajëty, aay kepy jam yonaanp mëti'ipë tëëmpätëpën ets yajë'kxëty. Ka'ap yë y'ääy kya'aja'any nijëna'a ets xëmë tyëëmpäta'any. Wimpo'o tyëëmpäta'any jä'ä ko ja nëë mëti'ipë tso'onpën ma tsajptëjkën yë'ë xëmë xook yaj'itäämpy ja naax. Yë tyëëm yë'ë yajjë'kxëp e yë y'ääy tsooy wya'anëty.

Juan 6:48

Ëjts ja tsajpkääky mëti'ipë ja juukyajtën yäjkpyën.

1 Corintios 8:1

Tyamës nnikajpxa'any wi'ix yajtunëtyën ja kääky uuky mëti'ipë ënety të yajtukwintsë'ëkën ja awinax. Tëy ja ayuk y'ënä'äny: Ko ëëtsajtëm aak nnija'awëm winë. Je'eyëp ko tii yajjaty yajnijawë, amëj akëjxm ja ja'ay tyaj'awinpity; e ja tsojkën ja'awën yajmëjnajxyp ja naax kajpn.

Deuteronomio 6:25

Paaty ëëtsëty tëëjës nnijawëtë ko oy'atëp koos mpatuntëty ya'atë ënä'ämën tëyajtën ma ja nWintsën'ajtëm Tiosën, jëtu'un tä yë'ë të tni'ënä'ämën.

Apocalipsis 2:7

Pën yë tyatsk myëët'ajtypyën wä'än tmëtoowkukë wi'ix yë Kënu'kxymyëk'ajtën t'ënëëmën yë mëpëjkpëtëjk. Mëti'ipë mëtaktëpën ka'ap tii jyata'anëtë ko ënety ja mëmäjtsk'okpë o'kën y'ity.

Apocalipsis 22:14

Akujk jotkujk mëti'ipë ja jyot wyinma'any yajwa'ats'ijtëpën, yë'ë tëkëjantëp ma ja jempyë Jerusalén kajpnën ets ja tëyajtën tmëët'atëty ets tjë'kxtëty ja ujtstëëm mëti'ipë yajjuuky'ajtpën xëmëkyëjxm.

Apocalipsis 22:2

Jamts mëjtu'ukujkm ye'ey ja mëjnëë ma ya'atë kajpnën ets jam nëëpë'am, jam ja kepy yony mëti'ipë yajjuuky'ajtpën. Wimpo'o ja tyëëm'aty ets ja y'ääy tsooy'ajtëtë ja naaxwiinyëtë ja'ay.