Génesis 19:9 - Biblia Dc en Mixe de Quetzaltepec

⁹ E yë'ëjëty tä ojts y'ëtsowtë: Mijts ëkjëwa'akmës, ka'ap tjëkyepy tu'uk yë jaaypyo'kxyjyä'äy xy'ënä'ämtëtyës. Paaty tyam ni'ikwäänë o'ktëy, ënät yam ntuntëty, këtiinëm tääpë ye'etyëjkëty mëti'ipë të xyajja'ajtä'äkyën. Ënet ojts ja Lot ëxëëk tuntë, ojts ja tyëjk aaw t'awa'kpäjtëtë ets tjakujëpijpnaxantë.

Biblia Mixe de Quetzaltepec

⁹ E yë'ëjëty tä ojts y'ëtsowtë: Mijts ëkjëwa'akmës, ka'ap tjëkyepy tu'uk yë jaaypyo'kxyjyä'äy xy'ënä'ämtëtyës. Paaty tyam ni'ikwäänë o'ktëy, ënät yam ntuntëty, këtiinëm tääpë ye'etyëjkëty mëti'ipë të xyajja'ajtä'äkyën. Ënät ojts ja Lot ëxëëk tuntë, ojts ja tyëjk aaw t'awa'kpäjtëtë ets tjakujëpijpnaxantë.

Génesis 19:9 Iomraidhean Croise

Éxodo 2:14

Ënet tääpë nimäjtskpë ja hebreo ja'ayëty y'ëtsoowtë: ¿E mijts pën të mpëjktakëpë ënä'ämpë yajkutujkpë ma ëëtsëtyën? ¿Ëkë jä'äjëtën m'ëna'any, ko näjyëtu'un ënät yam xyaj'ookëtyës, tä ëxë'ëy xyaj'o'kyën ja Egiptë ja'ayë? Ko yë Moisés jëtu'un tmëtooy ja ayuk, ënät ojts ja tsë'ëkë tyuktëkëty. Jä'ä ko tëëtëm ënety yajnijawë, ko ja Egiptë ja'ay të tyaj'ooky.

Génesis 13:12

Yë Abram jam ojts wyi'imy Canaán tsënääpyë, e yë tsyojkmaank Lot jam ojts nyijkxy tsënääpyë joyjyotm ma ja Jordán mëjnëëjën, winkon mëët ja Sodomë kajpn.

Mateo 7:6

Këtii uk xymyo'otëty mëti'ipë tëë yajkënu'kxyën, këtiipë mnipëtë'ëkëtëty ets mtukwëtsëtëty. Näyjyëtu'un yë ëtsëm këtii xymyo'otëty mëti'ipë tsowëtyën, këtiipë je'eyë tnaaxtäänëty.

Jeremias 8:12

Tsëtyuunëtëp jeexyë mëët ko je'eyë tuntë tkajpxtë ja mëti'ipës n'ëxëëk'ijxypyën. E ka'ap, ka'ap tsyëtyuntë, ka'ap t'ëknija'awënëtë tii ja'ay tyijp tsëtyu'un. Paatykyëjxm koos ënety ntëytyuny nän jam nëjkx kya'atë ëxëëktum ma ja wiink ja'ayëtyën. Ëjts, Wintsën, ëjts ënaanp.

Jeremias 6:15

Tsëtyuunëtëp jeexyë ko yi'iyë tyuuntëp ka'apës nme'kxyën. E ka'ap tsyëtyuntë, jëtu'un yaj'ixy ka'ap yowë nijawëtë tii tsëtyu'unën'ajtp. Paatykyëjxm koos ënety ntëytyuntë, je'eyë y'anäpëja'antë ets kyëtawa'antë jëtu'un tä jyatën yë wiink ja'ayëty. Ëjts, mëti'ipë Wintsën'ajtpën, ëjts ënaanp.

Jeremias 3:3

Paaty ka'ap y'ëktuunë potmjoty ets xëkopkjoty. Jëtu'un mkëxë'ëky into'oxyën.

Isaías 65:5

Ets y'ëna'antë: Jääyë ëwxit, këtiis nëkoo xytyony; ëjts kënu'kxyës mëj këjää, ka'ap tjëkyepy nëkoo xytyonëtyës. Tääpë ja'ayëty jëtu'un tä jëënën tu'kxëëwpë yeenyën; je'eyës xyajja'antyixy koos xyjyëjp kujokë.

Eclesiastés 10:13

aakyë'ë nyikäjpxy ka'apë myëtëyëtyën ets ko kyajpxta'ay aak je'eyë të tjo'pta'ay ja winma'any mëti'ipë ënety të jyayajnimëtyä'äkyën.

Eclesiastés 9:3

Yë'ë jëtu'un ya'atë ka'ap oy n'ijxmëty mëti'ipë naaxwiiny naaxkëjxy tuunëpën jajtëpën. Näyjyëtu'un ënät jatu'kpëky ja ayuk, yë naaxwiinyëtë ja'ay jä'ä xëmë myëmääpy myëtäjpy tuuntëko'oy kajpxtëko'oyën; ja tsuuwinma'any kupoj winma'any jä'ä nätyuk'ënä'ämëp mapaat jyuuky'ätyën; ets ko y'ooky tyëkoy nitëyë yajmënëjkxnë jutjoty.

Proverbios 27:3

Yë tsaa ets jin je'emtyëty yë'ë, e yë ëwa'an'ajtën ni'ik jye'emtyëty këtiinëm yë tsaa ets jin.

Proverbios 17:12

Nikë oy ko muum osë npatmëty këtiinëm yë tsuuja'ay ka'apë jyä'äkyukën.

Proverbios 14:16

Yë wijyjyä'äy tsyë'këp yë ëxëëkpë paaty ënätyë jam jyëwä'äky ma tii ëxëëk t'ixyën; e yë tsuuja'ay ka'ap tii tmëjpëjktä'äky.

1 Samuel 25:17

E mijts wintaj wa'ats xynyijawë ko yë mniye'etyëjk ka'ap win'oy a'oy xy'ëtsoy. Paaty tyam, mijts ënät mëmay mëtaj tii mtunëpën, jä'ä ko pën ka'ap tii xytyuny yë nwintsënës Nabal kopkpëky ko ëxëëk jyata'any kyëpäta'any ets näjyëtu'un yë y'u'unk tyo'oxytyëjk.

1 Samuel 17:44

Ëpëky t'ënëmaay: Nimiinkës yaa winkon, wä'änës yë mxixy yë'ë nmo'oy yë joon jëyujk ets nyätyuk'ix nyätyukmëyatëtëty, ëkë jëyujk mëti'ipë ëwa'anëtyën, aayjotypë ujtsjotypë jyëtitën.

Génesis 11:6

Tääts myääy tyäjy: Yë naax kajpn tu'ukyë nyäyaj'itëtë ets tu'ukyë yë aaw ayuk mëti'ipë kyajpxtëpën. Paaty të tyajtso'onta'aktë ya'atë tuunk. Tyam nitii jotmay tkamëët'atë ets t'ëxmatstëty mëti'ipë tëë tnipëjktaakëtën.

1 Samuel 2:16

E ko ja'ay ijty y'ëtsoy ka'ap, jëyëjp tëy n'ukno'okëtyës ja nyi'on täänëm nyakëtyës ijxtëm ja teety timtsyokyën, tääts ja tuunpë y'ëtsoy: ka'ap, mooykyës tyämyë. Pën kajtsës xymyo'oy atsip ënät yam npëjkëty.

Ezequiel 16:49

Jä'ä ko yë m'uty Sodomë, mëët yë mutskëtypë nyaax kyajpn, paaty ijty mëj këjxm nyäyajnaxëtë jä'ä ko tam may tmëët'atë jyi'kxy pyikyëty ets jotkujk yajpaatë, je'eyë ko ka'ap ojts nijëna'a tputëkëtë yë ëyoopëja'ay ets mëti'ipë winë yajmëyäjtypyën.