Génesis 19:3 - Biblia Dc en Mixe de Quetzaltepec

³ Yë Lot ni'ikyë y'ënaan'ëtë'ëtsy ets ja ja'ay wyë'ëmtëty, ënätnëm ojts tkupëktë ets tpanëjkxtë ja Lot ma ja tyëjkën. Ko ojts jya'të, ënät yë Lot tyaj'o'oyëy ja a'ux, ojts tyaj'oyë tsajpkääky jëtu'unyë tsäk ka'apë tsyooymyëëtëtyën ets y'a'ux'ajtë ja'ajtakpëty.

Biblia Mixe de Quetzaltepec

³ Yë Lot ni'ikyë y'ënaan'ëtë'ëtsy ets ja ja'ay wyë'ëmtëty, ënätnëm ojts tkupëktë ets tpanëjkxtë ja Lot ma ja tyëjkën. Ko ojts jya'të, ënät yë Lot tyaj'o'oyëy ja a'ux, ojts tyaj'oyë tsajpkääky jëtu'unyë tsäk ka'apë tsyooymyëëtëtyën ets y'a'ux'ajtë ja'ajtakpëty.

Génesis 19:3 Iomraidhean Croise

Génesis 19:2

Tä t'ënëmaay: Mëku'ukëty tuntë mëyajtën nmënu'kxtaktëp yam ets mjamtëty maas yë ntëjkën, jam yë tsuu xyajnaxtëty ets mkë'ëpuj mtekpyujtëty, jopynyëm tsojk jatëkok mtu'upëktëty. Ënet ojts y'ëtsowtë: Ka'ap, Dios kyujuyëp ko jëtu'un mja'ëna'any, jëtu'unyë ëëts yë tsuu muum nyajnaxa'antë muum tu'ujoty.

Génesis 21:8

Ko ojts yë Isaac ya'knë pyajnë ënät yë tyi'tsk t'ëxmajtsnë, jä'ä xëëw ma ja tyi'tsk t'ëxmajtsnën ojts ja Abraham tnixëëwtuny.

Génesis 24:31

tä t'ënëmaay: Min maas yë njëën ntëjkën, mijts Dios y'u'unk, ko yë Dios mtsokyë mjawëty. Wi'ix ko yaa muum m'ëk wë'ëmpëty, ëjts tëëjës jam ni''ix nipëjktaakë ma mpo'kxtëtyën ets ma ja mjëyujk jëku'ux pyo'kxtëtyën näjyëtu'un.

Génesis 26:30

Ënet ja Isaac nipëjktakëy tu'uk yë xëëw ets tyajkaay tyaj'uky ja Abimélec mëët ja mëti'ipë ënety jämyëët'ajtëpën.

2 Reyes 4:8

Tëkok ma ënety tyu'uye'eyën yë Elisejë, jam nyäjxy ma Sunem kajpnën, jam tu'uk yë to'oxytyëjk mëj'äämpyë wyoowë kääpyë, mëti'ipë ënety jam tsënääpyën. E ja Elisejë ko xëmë ijty jam nyäxy ets jam kyäy ma tääpë to'oxytyëjkën.

Éxodo 12:15

Ja tsajpkääky mëti'ipë mkaytyëpën ka'ap tii tsooy tmëët'atëty ets wëxtujk xëëw y'itëty. Paaty ma ënety më''ëka'any tsyo'ontä'äkyën ja mëtu'kxëëwpë, kamaa yë tsooy kyayajpaatëty ma ja mjëën mtëjkëtyën, e pën jëtu'un ja tsajpkääky kyääpy tsooymyëëtpë, ma ya'atë ja wëxtujk xëëwpë ënety të yajpëjktä'äkyën, nëjkxëp yajjo'otsy ma ja Israel kajpnën.

Éxodo 12:39

Ka'ap ojts ja ka'ayën ukën oy t'ëknipëjktakënyëtë, jä'ä ko ja Egiptë ja'ayëty mëktä'äky jyänty y'ënëmaayënëtë ets tsyoontëty, paaty ko ënety jam tu'u'am yajpatnëtë, yë'ë ojts tyajmë'ëkykyojtë ja tsajpmookjëtsy mëti'ipë ënety ka'ap tsyooymyëëtëtyën ets tkaaytyë.

Lucas 11:8

Jëtu'unts miits nëëmëtë, oy ja kyapëtë'ëka'any, myooytya'ajëp tii ja myëku'uk y'amëtoopy, ka'ap yë'ëkyëjxmëty ko mëët nyämyäyë, yë'ë ko tsyojkpy ets ka'ap ja myëku'uk yajjotkëxëtëty.

Lucas 14:23

Tääts ja wintsën ja tyuunpë t'ënëmaay: Nëjkx mjëtity kajpnpa'a kajpn nux ets xywyoowminëty yë ja'ay atsip koonëmës yë ntëjk y'utsëty.

Lucas 5:29

Ok ja Leví tnixëëwtuuny ja Jesús, mëj ojts ja xëëw tnipëjktaakë; jam ma kaaypyäjnën, tam ënety jyatëtë ja yajkukëpäjtpëtëjkëty mëti'ipë ja Roma myëtuuntëpën, ets ja ja'ayëty wiinkëtypë.

Juan 12:2

Jam ja a'ux ojts t'oytyuntë ets ja Jesús twintsë'ëkëtë; Marta jam wiinkëëpy kujkëëpy ets ja Lázaro yë'ë nätyu'uk myëëtkääpy ja Jesús.

1 Corintios 5:8

Mëtëy ja Dios nwintsë'këmëty, ka'ap tii ntu'unmëty mëët ja ëxëëk winma'any, jëtu'un ijxtëm ja levadura tëëpë y'ëxëëkën, nikë jä'ä ntu'unmëty oypyë ijxtëm ja tsajpkääkyën mëti'ipë oyën mëti'ipë yajkääpyën ëmaay xyëëwjoty, ets ka'ap ja levadura tmëëtëty.

2 Corintios 5:14

Ja Kristë ja tsyojkën jya'awën yë'ë yajpatp ma ëëtsëtyën maju'unëm yajnijawën ko tëë tku'o'këtyä'äy ja ja'ay, ets ja ja'ay jëtu'un ni'ëmukë të y'o'kta'atë.

Hebreos 13:2

Këtii xyjyä'ätyëkoytyëty ja oyjä'äyajtën; oyjyawëtë mëti'ipë ja'ajtëpën ma ja mjëën mtëjkëtyën; jä'ä ko jëtu'un jënaakën të tuntë, ka'ap tnijawëtë ko tsajpjotmëtë kukäjpxy të tyajjajta'aktë.

Jueces 6:19

Ënet ja Gedeón ojts nyijkxy pëyi'ikyë ma tyëjkën ets ja tojkx tyaj'o'oyëy, yaj'o'k tu'uk yë tsajppax ets ja tsajpkääky tyaj'o'oyëy mëët i'px tsim yë tsajpmokway ka'apë tsyooymyëëtëty, ko tyaj'o'oyëtyääy jap ja tsu'utsy t'apëjkëy katyjoty, ja tojkxnëë jap t'apëjkëy tu'tsjoty ets ojts jam tmënëjkxy kopkëjxm.

1 Samuel 28:24

Ja to'oxytyëjk tu'uk ja tsajpkaani'kx tyaj'o'ky, jampë ënety tmëëtëtyën ma tyëjkën ets näjyëtu'un ja tsajpmok kääky tyaj'o'oyëy, ka'apë tsyooymyëëtëtyën.