Génesis 19:2 - Biblia Dc en Mixe de Quetzaltepec

² Tä t'ënëmaay: Mëku'ukëty tuntë mëyajtën nmënu'kxtaktëp yam ets mjamtëty maas yë ntëjkën, jam yë tsuu xyajnaxtëty ets mkë'ëpuj mtekpyujtëty, jopynyëm tsojk jatëkok mtu'upëktëty. Ënet ojts y'ëtsowtë: Ka'ap, Dios kyujuyëp ko jëtu'un mja'ëna'any, jëtu'unyë ëëts yë tsuu muum nyajnaxa'antë muum tu'ujoty.

Biblia Mixe de Quetzaltepec

² Tä t'ënëmaay: Mëku'ukëty tuntë mëyajtën nmënu'kxtaktëp yam ets mjamtëty maas yë ntëjkën, jam yë tsuu xyajnaxtëty ets mkë'ëpuj mtekpyujtëty, jopynyëm tsojk jatëkok mtu'upëktëty. Ënät ojts y'ëtsowtë: Ka'ap, Tios kyujuyëp ko jëtu'un mja'ëna'any, jëtu'unyë ëëts yë tsuu muum nyajnaxa'antë muum tu'ujoty.

Génesis 19:2 Iomraidhean Croise

Génesis 18:4

Tyamës nëjkx yë nëë nyajtsoony ets mkë'ëpuj mtekpyujtëty. Tääts wäänë mwinpo'kxnaxtëty yaa kepypya'tkë'ëy ma nyiktuuyëtyën.

Génesis 19:1

Tsu'ujënëp ënätynyë ko ojts nimäjtsk jya'të yë tsajpjotmëpë kukäjpxy jam Sodomë. Jam ënety yë Lot ma kajpn yajnitëkën, ma ja'ay may yajpaatën. Ko ojts yë t'ixy ja tsajpjotmëtë kukäjpxy ënät ojts tjëjpye'eyi'iky. Tä nyäkyoxtënaaytyakë ets nyaaxkooy.

Génesis 19:3

Yë Lot ni'ikyë y'ënaan'ëtë'ëtsy ets ja ja'ay wyë'ëmtëty, ënätnëm ojts tkupëktë ets tpanëjkxtë ja Lot ma ja tyëjkën. Ko ojts jya'të, ënät yë Lot tyaj'o'oyëy ja a'ux, ojts tyaj'oyë tsajpkääky jëtu'unyë tsäk ka'apë tsyooymyëëtëtyën ets y'a'ux'ajtë ja'ajtakpëty.

Génesis 24:31

tä t'ënëmaay: Min maas yë njëën ntëjkën, mijts Dios y'u'unk, ko yë Dios mtsokyë mjawëty. Wi'ix ko yaa muum m'ëk wë'ëmpëty, ëjts tëëjës jam ni''ix nipëjktaakë ma mpo'kxtëtyën ets ma ja mjëyujk jëku'ux pyo'kxtëtyën näjyëtu'un.

Génesis 43:24

Tä ojts tu'ukmukyë twoownëjkxta'ay ma ja José ja tyëjkën, tmooy ja nëë ets tyekpyujtëty ets ojts näjyëtu'un ja jëyujk tjë'kxymyo'oy.

2 Samuel 11:8

Ok kyäjxë jam ma tyëjkën ets nëjkx myä'äy pyo'kxy. E ja Urías je'eyë tsyo'ony jam ma kutujktaknën ets ojts ja ënä'ämpë tyuknikexyë ja kääky tojkx jëtu'un tä tu'uk yë näynyamo'ojën;

Job 31:32

ëjts ka'apës ijty jap tëja'p nyajwë'ëmy koots tääpë jaaypyo'kxy. Xëmës të ntëjkmo'oy yë në'ëye'epyë tu'uye'epyë.

Proverbios 25:17

Ko mmëku'uk xykyu'ixëty ma jyëën tyëjkën, këtii janty xëmë jam mnëjkxëty, këtiipë jëna'a mmëtsipkä'äxëtëty ets je'eyë m'ëk jaak'ëxëëk'ijxënëty.

Cantares 5:3

Tëës yë nwit njäänë; ntuktëkëpës ënät jatëkok. Tëës yë nteky npujnë; ëxëëkëp ënät jatëkok mëët yë naaxway.

Lucas 7:44

Ënet ja Jesús t'ijxy ja to'oxytyëjk ets t'ënëmaay ja Simón: ¿M'ijxyp ya'atë to'oxytyëjkë? Nikë tëëjës yë nteky xyajkxo'kë mëët yë wyiin nëë ets wyääy të tukmäxtë'ëtsy; e koos yaa të ntëkë ma mtëjkën, ni nëës mijts të xykyamo'oy ets jeexyë ja ntekyës të npujy.

Juan 13:5

Tääts ja nëë t'atä'ämëy ma ja kë'ëpujtaknën ets ja y'ijxpëjkpëtëjk ja tyeky ojts tpujë ets tmäxtëtsy mëët ja wit mëti'ipë myoxwëën'ajtypyën.

Hechos 16:15

Tää ojts nyëëpety mëët ni'ëmukë mëti'ipë jam tsënaaytyëpën ma tyëjkën. Täätsës xymyënu'kxtaktës ets y'ënäny: Tuntë mëyajtën, mintë maas yë ntëjkën, pën m'oyjya'awëtëp miits koos nmëpeky ja Wintsën. Ënätës kwanë ojts xyajnëjkxtë.

Hebreos 13:2

Këtii xyjyä'ätyëkoytyëty ja oyjä'äyajtën; oyjyawëtë mëti'ipë ja'ajtëpën ma ja mjëën mtëjkëtyën; jä'ä ko jëtu'un jënaakën të tuntë, ka'ap tnijawëtë ko tsajpjotmëtë kukäjpxy të tyajjajta'aktë.