Génesis 13:1 - Biblia Dc en Mixe de Quetzaltepec

¹ Ko ojts ja Abram jap tsyo'onë Egiptë mëët yë tyo'oxytyëjk ets mëët tu'kë'ëyë mëti'ipë ënety myëët'ajtypyën, jam ojts jyä'ty ma ja naaxwiinyëtë txëëwatyën Négueb, mëët ja tsyojkmaank Lot.

Biblia Mixe de Quetzaltepec

¹ Ko ojts ja Abram jap tsyo'onë Egiptë mëët yë tyo'oxytyëjk ets mëët tu'kë'ëyë mëti'ipë ënäty myëët'ajtypyën, jam ojts jyä'ty ma ja naaxwiinyëtë txëëwatyën Négueb, mëët ja tsyojkmaank Lot.

Génesis 13:1 Iomraidhean Croise

Génesis 20:1

Ënet yë Abraham ojts jam tsyo'onë ma ënety tsyëënën ets ojts nyëjkxnë ma ja naaxwiinyëtë txëëwatyën Négueb. Jam tu'uk ja kajpn txëëwaty Guerar, jam ojts wyi'imy tsënääpyë. Itkujky wyi'imy yë Guerar mëët yë Cadés ets Shur.

Génesis 21:33

Jam ma ja nëëjut txëëwatyën Beerseba, jam ojts tu'uk kepy tkojy yë Abraham, najëtu'untëkë kyëxë'ëky tä tamarintë kepyën. Jamts ojts yë Wintsën tmëkäjpxy mëti'ipë ijtëëpën winë xëëw winë jëmëjt.

2 Samuel 24:7

Ko jam t'aye'eytyääytyë tääts ojts nyëjkxtë ma ja Tirë kajpnën ets tukjëtijtëtyääytyë ja Heve ja'ayëty ets ja Canaán ja'ayëty ja nyaax kyajpnjotmëty, tyimpëtsëëmtë jam ëpa'tkë'ëmtsow ma ja Judá nyaax kyajpnën ets jyajtë Beerseba.

Josue 10:40

Jëtu'un'äämpy yë Josué ojts tniwa'kta'ay tampë ja it naaxwiinyëtë. Ojts tyaj'o'kta'ay ja yajkutujkpëtëjk jampë yajpaatën ma ja kopkjotmën, ma ja Négueb tnitänën, jam joyjyotm ma ja winjënakën. Yajkutëkooytyääy winë ets ojts tyaj'o'kta'ay ja ja'ay jampë tsyëënëtën. Ni pën ojts juuky tkayajwë'ëmy, jëtu'un tuuny tä ënety ja Wintsën mëti'ipë Tyios'ajtypyën yë Israel ja'ayëty të tyuk'ëne'emyën.

Josue 18:5

Ya'atë ja'ayëty nitëkëëkpë ënety nkäjxtënës wëxtujkpëky nëjkx t'ijxwa'kxtë ja it naaxwiinyëtë, ëpëky ja Judá ja jyä'äy ja nyaaxëty mëti'ipë jam yajpatpën ëpa'tkë'ëmtsow ets ja José ja y'u'unk y'ok ja nyaaxjotëty jampë yajpaatyën anëkëjxmtsow.

1 Samuel 27:10

Tääts ijty ja Aquis yajtëyë: ¿Mëti'ipë kajpn ojts tyam të xymyeetsy? Tä ja David y'ëtsoy: Jam ëpa'tkë'ëmtsow ma Judá y'itjotmën ets näjyëtu'un jam ëpa'tkë'ëmtsow ma Jerahmeel tnitänën, näjyëtu'un jam ëpa'tkë'ëmtsow ma quenitëja'ay yajpaatën.