Génesis 12:8 - Biblia Dc en Mixe de Quetzaltepec

⁸ Ënet ojts yë Abram nyijkxy ma ja it naaxwiinyëtën kopkjotmëpë, mëti'ipë wë'ëmpën a'oytsyow ma Betel kajpnën, jam tpëjktäky yë tsyënaaytyakn. Yë Betel anajnytsyow ënety wyi'imy ma ja tsyënaaytyaknën, e ja kajpn mëti'ipë xyëëwajtypyën Aí a'oytsyow wyi'imy. Ma tääpë ja it naaxwiinyëtën ojts yë Abram tyajkojy jam yë wintsë'këntyakn ets ojts tpa'tmëkäjpxy ja Dios ja xyëëw.

Biblia Mixe de Quetzaltepec

⁸ Ënät ojts yë Abram nyijkxy ma ja it naaxwiinyëtën kopkjotmëpë, mëti'ipë wë'ëmpën a'oytsyow ma Betel kajpnën, jam tpëjktäky yë tsyënaaytyakn. Yë Betel anajnytsyow ënäty wyi'imy ma ja tsyënaaytyaknën, e ja kajpn mëti'ipë xyëëwajtypyën Aí a'oytsyow wyi'imy. Ma tääpë ja it naaxwiinyëtën ojts yë Abram tyajkojy jam yë wintsë'këntyakn ets ojts tpa'tmëkäjpxy ja Tios ja xyëëw.

Génesis 12:8 Iomraidhean Croise

Génesis 13:18

Paaty ja Abram ojts tyajpëtë'kta'ay yë jyëën tyëjk ma ënety jam y'ity tsyëënën ets ojts nyijkxy tsënääpyë ma ënety jam tu'uk ja it naaxwiinyëtën janty xojjotpë. Yë'ë ënety tu'uk yë ja'ay nyiwäämpy tääpë naax mëti'ipë xyëëwajtypyën Mamré, myëwinkon'ajtyp ja Hebrón kajpn, jam ma tääpë naax kamën jam ojts yë Abram tu'uk yë wintsë'këntyakn tyaj'oyë ets ja Dios tmooy.

Génesis 13:3

Ko ojts Négueb tsyoony, ëtyä'äkyë'äämpy ojts nyijkxy ets jyä'äjty ma ja Betel kajpnën. Jam Betel tsyo'ony ets ojts jyä'ty ma ënety wäänë të y'ëk'ijtpën më''ëka'any, mëti'ipë itkujky wë'ëmpën ma Betel mëët yë Aí nyäpyäätyë.

Génesis 13:4

Yaa ja naax kam wyi'imy ma ojts tyaj'oyën tu'uk ja wintsë'këntyakn ets jam ja Wintsën tmënu'kxtäky.

Génesis 21:33

Jam ma ja nëëjut txëëwatyën Beerseba, jam ojts tu'uk kepy tkojy yë Abraham, najëtu'untëkë kyëxë'ëky tä tamarintë kepyën. Jamts ojts yë Wintsën tmëkäjpxy mëti'ipë ijtëëpën winë xëëw winë jëmëjt.

Génesis 22:9

Ko ojts jya'të jam ma ja itjotmën ma ënety ja Dios të tyuk'ënë'ëmxëtyën. Ënet ojts ja Abraham tnipëjktaakë ja wintsë'këntyakn ets ojts ja jyä'äxy yajxon tmä'kxy. Tä t'atsuumy tkë'ëtsuumy ja y'u'unk Isaac ets ojts jam tpëjktä'äky ma ënety ja wintsë'këntyakn të tni''ixën.

Génesis 26:25

Ënet ja Isaac jam tu'uk tya'o'oyëy yë wintsë'këntyakn, ma ja Dios t'ëwtajtyën. Jam wäänë tsyënaay ets ja tyuunpëtëjk jam tu'uk ja nëëjut tyaj'ëwatstë.

Génesis 28:19

Ma tampë ja it naaxwiinyëtën tam ënety tu'uk yë kajpn, mëti'ipë yajtijpën Luz, yë Jacob ojts ja xyëëw tyajtëkajtsë ets ojts tijy Betel.

Génesis 31:25

Yë Labán jam ojts tnajtspaatë yë Jacob ma ja Galaad kopkjotmën, ma ënety ja Jacob të jyajtä'äkyën, najamtëkë tni''ijxëtyë ja jya'ajtakn myaatakn ja Labán mëët ja myëku'uktëjk, winkon ma ënety ja Jacob jam näjyëtu'unën

Génesis 33:20

Ënet näjyëtu'un t'oytyuuny tu'uk ja wintsë'këntyakn ets tyajxëëwpejty El-Elohé Israel.

Génesis 35:3

Jam tyam nja'amëty Betel, maas tu'uk yë wintsë'këntyakn n'oytyuna'anyën etsës yë Dios nwintsë'ëkëja'any mëti'ipës ojts xypyutëkën ma ënety mon tuk nyajpaatyësën ets mëti'ipës xëmë të xyjyämyëët'atyën oyës maa nnaxy ntëkë.

Génesis 35:7

Tä ojts tu'uk tyaj'oyë yë wintsë'këntyakn ets jä'ä txëëwmooy El-betel, paaty jëtu'un txëëwmooy jä'ä ko jam ojts yë Dios t'ixy, ko ënety ja y'äjty tkuke'eky.

Génesis 4:26

Yë Set ojts näjyëtu'un tu'uk yë y'u'unk myääyëty tpaatë t'ixtë, mëti'ipë xyëëwmooytyën Enós. Ko yë Enós myëxu'unk'ajty, ënät ojts ëka'any yë ja'ayëty t'ëwtajtsoontë yë Dios.

Génesis 8:20

Tä yë Noé ojts tnipëjktaakë ets t'oytyuuny tu'uk wintsë'këntyakn. Yë Noé ojts yë Dios tukwintsë'ëkë jëyujk ets joonëty jëyujkëty mëti'ipë wa'atsëtyën, tu'kë'ëyë jëyujk wi'ixëty y'ixë'atën.

Nehemías 11:31

E ja jyä'äy ja Benjamín jam tsyënaaytyaknpëjktë Gueba, Micmás, Aías, Betel mëët ja nyinaax nyikamtëjk;

Salmos 116:4

Ënätës ojts ja Wintsën ja xyëëw npa'tmëkäjpxy etsës ojts nmënu'kxtä'äky tääts tyajtso'okëty ja njuukyajtënës.

Éxodo 17:15

Yë Moisés ojts tu'uk t'oytyuny yë wintsë'këntyakn mëti'ipë ojts txëëwmo'oyën, Yë Dios yë'ëjës nwitwintëy'äjtyp,

Isaías 10:28

Jam jyä'ty Aíat, Migrón nyäxy, jam Micmás ja tsyimy kyi'iy tyajwë'ëmy,

Joel 2:32

E tu'kë'ëyë mëti'ipë yë Wintsën y'ëwtajtëpën, nëjkxëp tsyo'oktë o'këntuuy; jä'ä ko jam ma Sión kopkën ets ma Jerusalén kajpnën, jam'ataanp ja nitsokën tä yë Wintsën të twinwanën. Mëti'ipë të twin'ixyën nëjkxëp jyuuky'atë.

Hechos 2:21

Ets ni'ëmukë ja ja'ayëty mëti'ipë ja Wintsën ja xyëëw kyajpxpatëpën, jä'ä nëjkx nyitso'oktë. Tääts ja Pedro jyaak'ënany:

1 Corintios 1:2

Tyamës ja mëpëjkpëtëjk ntuknikäxtë ja noky mëti'ipë ye'eymyujktëpën jam Corinto ets tu'ukyë y'itë mëët ja Kristë Jesús, mëti'ipë ja Dios të yaxtsowëtën ets jyuuky'atëty wa'ats, miits ets ni'ëmukë mëti'ipë ja Jesukristë xyëëw kyajpxpatëpën, ëëts nWintsën'ajtëmë ets näjyëtu'un yë'ëjëty.

Hebreos 11:9

Mëët ko myëpëjky jëtu'un tsyënaay tä jaaypyaat jaaypyo'kxyën wiink naax wiink kajpn, ma ja Dios ënety të tyukwinwanëtyën. Yë'ë tyuktsënaay yë wit tëjk, ujts tëjk, näjyëtu'un ja Isaac ets ja Jacob mëti'ipë y'ëxajëtyën ja waantakën.

Josue 18:22

Bet-arabá, Semaraim, Betel,

Josue 22:10

Ko ja Rubén, ja Gad ets nikujkwä'kxy ja Manasés ja jyä'äy jam jyajtë ma ja Jordán mëjnëëjën, Canaán y'itjotm; ënät ojts jam tyajpëtë'ëktë tu'uk yë wintsë'këntyakn.

Josue 7:2

Yë'ë Josué ojts jëyëjp tkexy yë ja'ay jam Aí mëti'ipë tso'ontën Jericó ets nëjkx t'ixtë tuntë ja naax kajpn wi'ix yajpaatyën, tääpë kajpn a'oytsyow ënety wyi'imy mëët yë Betel, winkon ma txëëwatyën Bet-avén. Ja ja'ayëty ojts jam nyëjkxtë ets ojts y'ixtë tyuntë.

Josue 8:12

Josué jä'ä ënety yë tsyiptuunpëtëjk të tyu'utsy nimëkoxk mil, jam anajnytsyow ma Betel mëët yë Aí nyäpyäätyë.

Josue 8:17

Nitu'uk ojts yë tsiptuunpë kyawë'ëmy jam Aí ets Betel, jä'ä ojts tpatso'onta'atë ja Israel ja'ayëty ko kyäktë, tääts ja kajpn ojts jëtu'unyë t'ëxmatstë, ka'ap jap pën ja kuwaanpë.

Josue 8:3

Ënet ja Josué ojts tyajtu'ukmujkta'ay ja tsyiptuunpëtëjk ets t'ijxka'pxtaay. Tääts tnitëkëja'antë ja Aí kajpn. I'px majk mil twin'ijxy ja tsiptuunpëtëjk mëti'ipë yajxon tsip'ixyëtyën mëti'ipë ojts koots tkexyën,

Josue 8:30

Jam ma Ebal kopkën, jam ojts yë Josué tu'uk wintsë'këntyakn tyaj'oyë ma Wintsën mëti'ipë Israel ja'ayëty Tyios'ajtëpën yajmëjjawëty.

Josue 8:9

Ënet ja Josué ojts tkexy ja ja'ayëty ets jam nyäyu'utsëtëty ma Betel mëët nyämyëwinkon'atyën yë Aí, anajnytsyow ma Aí yajpaatyën. E ja Josué jam ojts wyi'imy ma ja tsyënaaytyaknëtyën.

Jueces 6:24

Tä yë Gedeón tu'uk yë wintsë'këntyakn jam t'oytyuuny mëti'ipë ja Wintsën tyukmëjja'awëyënën ets txëëwmooy: Yë Wintsën yë'ë jotkuj'ajtën'ajtp. Ya'atë wintsë'këntyakn yajpatp tyampaat jam Ofrá ma ja kajpnën mëti'ipë yë Eliézer yë jyä'äy nyitënaaytyëpën.

1 Samuel 30:27

Ojts näjyëtu'un tuknikexy ja näynyamo'ojë ja myëku'uktëjk mëti'ipë jam yajpatëpën Betel, Ramot ma Négueb y'itjotmën, jam Jatir,