Génesis 12:7 - Biblia Dc en Mixe de Quetzaltepec

⁷ Ënet ojts jam yë Dios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënet ojts yë Abram pojën t'oytyuny tu'uk ja wintsë'këntyakn, jä'ä ko ënety jam yë Dios të nyänyikëxë'ëkyë.

Biblia Mixe de Quetzaltepec

⁷ Ënät ojts jam yë Tios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënät ojts yë Abram pojën t'oytyuny tu'uk ja wintsë'këntyakn, jä'ä ko ënäty jam yë Tios të nyänyikëxë'ëkyë.

Génesis 12:7 Iomraidhean Croise

Génesis 12:8

Ënet ojts yë Abram nyijkxy ma ja it naaxwiinyëtën kopkjotmëpë, mëti'ipë wë'ëmpën a'oytsyow ma Betel kajpnën, jam tpëjktäky yë tsyënaaytyakn. Yë Betel anajnytsyow ënety wyi'imy ma ja tsyënaaytyaknën, e ja kajpn mëti'ipë xyëëwajtypyën Aí a'oytsyow wyi'imy. Ma tääpë ja it naaxwiinyëtën ojts yë Abram tyajkojy jam yë wintsë'këntyakn ets ojts tpa'tmëkäjpxy ja Dios ja xyëëw.

Génesis 13:15

Ëjts mijts nmo'ojäämpy tu'kë'ëyë ya'atë naaxwiinyëtë mëti'ipë m'ijxypyën ets xëmëkyëjxm mijts mjä'ä'atëp ets näjyëtu'un yë m'u'unk m'ok.

Génesis 13:17

Ëkpëtë'ëk ets tukye'eyëtya'a ya'atë it naaxwiinyëtë, jënu'un y'ayenyëty ets jënu'un myëjwiinëtyën. Jä'ä ko ya'atë it naaxwiinyëtë mijts yam ntukë'ëtëkëjäämpy.

Génesis 13:18

Paaty ja Abram ojts tyajpëtë'kta'ay yë jyëën tyëjk ma ënety jam y'ity tsyëënën ets ojts nyijkxy tsënääpyë ma ënety jam tu'uk ja it naaxwiinyëtën janty xojjotpë. Yë'ë ënety tu'uk yë ja'ay nyiwäämpy tääpë naax mëti'ipë xyëëwajtypyën Mamré, myëwinkon'ajtyp ja Hebrón kajpn, jam ma tääpë naax kamën jam ojts yë Abram tu'uk yë wintsë'këntyakn tyaj'oyë ets ja Dios tmooy.

Génesis 13:4

Yaa ja naax kam wyi'imy ma ojts tyaj'oyën tu'uk ja wintsë'këntyakn ets jam ja Wintsën tmënu'kxtäky.

Génesis 15:18

Jä'ä xëëw ojts ja Dios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

Génesis 17:1

Ko ënety yë Abram yë jyëmëjnë majkta'px majkmokx majktaxk, ënety yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

Génesis 17:3

Ënet ojts yë Abram nyäkyoxtënaaytyä'äkyë, tyukpatyp yë wyimpok yë naax, tam ënety yë Dios kyäjpxy:

Génesis 17:8

Mijts ets yë'ëjëty nmo'ojantëp yë naaxwiinyëtë jampë Canaán ma mijts tyam mtsëënën ets yë'ë tkuma'ayën'atëty, etsës ëjts nTios'atëty.

Génesis 18:1

Ënet yë Dios ojts nyänyikëxë'ëkyë ma Abrahamën; jam ma ja xoj kepyjyotmën ma txëëwatyën Mamré. Jam ënety yë Abraham y'u'unyë tyëjkwinm jää jëtää nakujkxyëëwën.

Génesis 22:9

Ko ojts jya'të jam ma ja itjotmën ma ënety ja Dios të tyuk'ënë'ëmxëtyën. Ënet ojts ja Abraham tnipëjktaakë ja wintsë'këntyakn ets ojts ja jyä'äxy yajxon tmä'kxy. Tä t'atsuumy tkë'ëtsuumy ja y'u'unk Isaac ets ojts jam tpëjktä'äky ma ënety ja wintsë'këntyakn të tni''ixën.

Génesis 24:7

Yë Wintsën, yë Dios tsajpjotmëpë, mëti'ipës ojts xyajtsoonyën maas yë nteety ntaak yë jyëën tyëjkën ma ja y'it nyaaxwiinyëtën ja njëëky nmëku'ukës. Ets ojts xytyukwinwanës ya'atë it naaxwiinyëtë, ko tmo'oja'any yë n'ok'u'unk n'ok'ëna'kës, yë'ë näjyëtu'un ënät kyäxëp ja Dios ja tsyajpjotmëtë kukäjpxy ma mijtsën. Ets xyajmin xyajja'tëty ja to'oxy'ëna'k, mëti'ipës ja nmaank Isaac tyo'oxytyëjk'atëpën.

Génesis 26:25

Ënet ja Isaac jam tu'uk tya'o'oyëy yë wintsë'këntyakn, ma ja Dios t'ëwtajtyën. Jam wäänë tsyënaay ets ja tyuunpëtëjk jam tu'uk ja nëëjut tyaj'ëwatstë.

Génesis 26:3

E tyam jaakjuuky'ajtkoj ma tampë kajpnën. Ëjtsës mëët mijts nyajpaata'any ets nkënu'kxäämpy. Jä'ä ko mijts ets mëët yë m'u'unk m'ok, yë'ëjës ya'atë it naaxwiinyëtë nmo'ojantëp. Jëtu'unës ëjts npatuna'any ja käjpxytyu'unën mëti'ipës ja mteety Abraham të ntukwinwanën.

Génesis 28:13

Näyjyëtu'un t'ijxy kootëm ja Dios wyintänëty ets y'ënë'ëmxëty: Ëjts jëtu'un Wintsën, mëti'ipë Tyiosajtën yë mtatwelë Abraham ets mteety Isaac. Mijts nmo'ojäämpy ya'atë naaxjot ma jam mko'knën ets m'u'unk m'ëna'k.

Génesis 28:4

Wä'än mo'oyë ja kënu'kxën ets näjyëtu'un ja m'u'unk m'ëna'k mëti'ipë ojts tukwinwanën ja Abraham ets yë'ë tjä'ä'atëty ya'atë naax kam ma tyam ntsëna'ayëmën ijxtëm yë jaaypyaat jaaypyo'kxyën, jä'ä ko jëtu'un ojts yë'ë tukwinwanë ja Abraham.

Génesis 32:30

Tä yë Jacob tyajxëëwpejty ja jampë ja it naaxwiinyëtë Penuel, jä'ä ko y'ënäny: Tyam tëëjës ënät ja Dios kë'ëm ntim'ixy wiinxë jëjpxë ets ixës tyam njaakjuuknyëmëty.

Génesis 33:20

Ënet näjyëtu'un t'oytyuuny tu'uk ja wintsë'këntyakn ets tyajxëëwpejty El-Elohé Israel.

Génesis 35:12

Yë it naaxwiinyëtë mëti'ipë të nmo'oyënës yë Abraham ets Isaac, näjyëtu'un mijts tyam nmo'oy, e nmo'ojäämpyës näjyëtu'un yë m'ok'u'unk m'ok'ëna'k.

Génesis 35:7

Tä ojts tu'uk tyaj'oyë yë wintsë'këntyakn ets jä'ä txëëwmooy El-betel, paaty jëtu'un txëëwmooy jä'ä ko jam ojts yë Dios t'ixy, ko ënety ja y'äjty tkuke'eky.

Génesis 50:24

Tu'kxëëw tu'kjëmëjt yë José t'ënëmaay yë myëkä'äxtëjk: Ëjts tsojkës n'ookanë, këtii mmaytyëty mtajtëty, yë Dios yë'ë tsojk mniminëtëp ets mputëkëtëty tä mtsoontëty ma ya'atë naax kajpnën ets myajnëjkxëtëty ma it naaxwiinyëtën mëti'ipë tyukwinwa'anëyën yë Abraham, Isaac ets Jacob.

Génesis 8:20

Tä yë Noé ojts tnipëjktaakë ets t'oytyuuny tu'uk wintsë'këntyakn. Yë Noé ojts yë Dios tukwintsë'ëkë jëyujk ets joonëty jëyujkëty mëti'ipë wa'atsëtyën, tu'kë'ëyë jëyujk wi'ixëty y'ixë'atën.

2 Samuel 24:25

jamts ojts tu'uk ja wintsë'këntyakn tjantyyajpëtë'ëky, ma ja Wintsën ja wyintsë'kën tmooyën ets mëët tuuny ja nay'ëëw'oy näykyajpx'oyë. Jëtu'un ja Wintsën ojts tpa'ëyoy ja naax kajpn ets tjëpëjky ja pa'am ëyo'on ma ja Israel kajpnën.

1 Reyes 18:32

Yë'ë ojts mëët tyaj'oyë ja Wintsën ja wyintsë'këntyakn ets ojts tnëëtu'utajy na'ëwtity ma ja wintsë'këntyaknën. Jää i'px tsimën ja nëë jap tyëkëty.

1 Crónicas 16:16

Ja käjpxytyu'unën mëti'ipë myëët'ajtën mëët ja Abraham, ja käjpxy mëtyä'äky mëti'ipë yaj'ijtën mëët Isaac

1 Crónicas 16:18

ko y'ënäny: Mijts nmo'ojäämpy yë naax kam ma txëëwatyën Canaán ets yë'ë xykyuma'ayën'atëty.

2 Crónicas 20:11

E yë'ëjëty jëtu'unts ënät tyajwinpitë, tyam je'eyë xynyipëtë'knëtës ets xypyëjkëjanëtës ja naax kam mëti'ipë mijts xymooytyënës etsës njä'ä'atëty.

2 Crónicas 20:7

Wintsën, mëti'ipës n'ëwtajtëpën, m'ëxwojptaay ja ja'ayëty yaa, ma tyam tsyëënëtën ja Israel ja'ayëty ets yë'ë xykyë'ëmooy xëmëkyëjxm ja Abraham ja y'u'unk y'ok, mëti'ipë oy mëët mnäjya'awëyën.

Esdras 3:2

Ja Josué, Josadac yë myaank ets ja myëku'uktëjk ninu'un tyeety'atën, näjyëtu'un yë Zorobabel, Salatiel yë myaank ets ja jyiiky myëku'uk. Ojts tyajtso'onta'aktë ja tuunk ma tkojë'ëktën ja Wintsën ja wyintsë'këntyakn, ma tyaktëtyën ja wintsë'kën nino'okpyë, tä jap myinyën këxja'ay ma ja ënä'ämën tëyajtënën mëti'ipë ja Moisés yajkën, Dios yë tyuunpë.

Éxodo 17:15

Yë Moisés ojts tu'uk t'oytyuny yë wintsë'këntyakn mëti'ipë ojts txëëwmo'oyën, Yë Dios yë'ëjës nwitwintëy'äjtyp,

Éxodo 24:4

Yë Moisés ojts tjaaypyäjta'ay tëkokyë mëti'ipë ënety ja Dios të tnikäjpxyën, ko kyomjëpom'ajty, tsojk ojts myä'äypyëtë'kojy ets t'oytyuuny tu'uk yë wintsë'këntyakn jam ma kopk'ëjxën, majkmäjtsk ojts ja tsaa tkoontä'äky jëtu'un ijxtëm ënety ja Israel ja'ayëty ja tyeety y'apetyën nimajkmäjtskpë.

Éxodo 32:13

Yë'ë ja'amyäts mëti'ipëjaty oy mmëtuunën tä yë Abraham, Isaac ets Jacob, mëti'ipës ojts kë'ëm xy'ënëëmë ma ja mxëëw kë'ëm xytyukkajpxpejtyën. Ëjts nyajnimayëjäämpyës yë m'u'unk m'ok, jëtu'un nyimay'atëty tä yë mëtsa'ajën, mëti'ipë jamën tsajpjotm ets ya'atë it naaxwiinyëtë, mëti'ipë yam ntukwinwa'anëtyëpën yë'ëjës nmo'ojantëp.

Éxodo 33:1

Tä yë Dios t'ënëmaay yë Moisés: Nëjkx ënät tyam, tsoon yaa ma ya'atë it naaxjotmën, woownëjkx ya'atë naax kajpn mëti'ipë jap mju'tën Egiptë. Jam tyam nëjkxtë ma ja it naaxjotmën mëti'ipës ojts ja Abraham, Isaac ets Jacob ntukwinwanëtën, koos yë y'u'unk y'okëty nmo'oja'antës tääpë it naaxwiinyëtë.

Éxodo 6:3

Ojtsës nnänyikëxë'ëkyë ma Abraham, Isaac ets Jacob, etsës ojts jëtu'un ja nxëëw nkë'ëyäky, Dios mëti'ipë maaytyääyëpën winë. Ëjts ka'apës nëkoo ja nxëëw ojts ntimkyë'ëyajkojy, tääjës mëtëy nxëëwatyën: Wintsën.

Éxodo 6:4

Ntuunës tu'uk yë käjpxytyu'unën mëët yë'ëjëty etsës ojts ntukwinwanëtë, ko nmo'oja'antë tu'uk yë it naaxwiinyëtë jam Canaán. Yë'ës n'antijpy ja naax kam ma ojts miitsëty m'ëk tsënaaytyëpën, tä yë jaaypyaat jaaypyo'kxyën.

Jeremias 3:18

Ko ënety jëtu'unpë xëëw po'o tukja'ty, nëjkxëp yë Judá mëët yë Israel tyu'ukmuky ets nëjkx tu'ukyë tsyoontë jam ma naax kajpnën mëti'ipë anëkëjxmtsow yajpatpën ets wyimpitëty tu'knax ma it naaxwiinyëtën mëti'ipës ojts yë y'aptëjk nmo'otën.

Hechos 7:5

E kä'äp ojts ja Dios tii tyukumayë ma tääpë itjotmën, oyxyëp jeexyë yi'iyë'ajty ma ja tyeky tpëjkta'akëtyën. Ojts je'eyë tyukwinwanëty ko myo'oja'anyë, ets ko ënety y'o'knë yë'ë jyä'ä'attëp ja y'u'unk y'okëty. Oy ja Abraham ka'ap ënety nitu'uk ja y'u'unknëm.

Romanos 9:8

Jëtu'unts ya'atë yajja'akyukë ko ka'ap yë'ëkyëjxmëty ja'ay Dios y'u'unk'atyë ko ko ja tyeety y'ap pyënja'ayëty; Dios yë'ë y'u'unkniwäämpy yë ja'ay mëti'ipë pyatuumpyën ijxtëm ja Dios të twinwanën, yë'ë tëyëty u'unk o'k jyänty yajtijtë.

Gálatas 3:16

Näyjyëtu'un ënät, Dios ojts tukwinwanë ja Abraham mëët ja y'u'unk y'ok ja oypyë ja juukyajtën. Yë Dios yë y'aaw y'ayuk ka'ap ni'ëmukë ja'ay tijta'ay: U'unk ok, jä'ä y'ënäny mijts yë m'u'unk m'ok, ja Kristë yajtijp.

Gálatas 4:28

Mëku'uktëjkëty, jëtu'un ëëts'ajtëmë ijxtëm ja Isaac, näjyëtu'un ja xypyaat'ajtëmë mëti'ipë Dios të twaantä'äkyën.

Deuteronomio 1:8

Tääpë it naaxwiinyëtë mijts të nmo'otë, nëjkxtë jam ets jä'ä'atë tääpë naax kam, ëjts maas nWintsën'atyën, yë'ë ojts ntukwinwanëtës yë m'ap m'okëty tä yë Abraham, Isaac ets Jacob ets näjyëtu'un yë y'u'unk y'okëty.

Deuteronomio 30:20

Tsoktë jawëtë yë mWintsën, mëmëtowtë ets tu'ukyë yë'ë xypyanëjkxtëkëtëty. Jä'ä ko, ënät mjuuky'atëty ets jeky jam mtsëënëtëty ma ja it naaxwiinyëtën, mëti'ipë ojts tukwinwanën mëët ja aaw ayuk ja kutujkënmëëtpë ja Abraham, Isaac ets Jacob mëti'ipë miits m'ap'ajt m'ok'ajtëpën.

Deuteronomio 34:4

Tä ja Wintsën y'ënëmaayë: Ya'atë it ya'atë naaxwiinyëtë jëtu'un ojts ntukwinwanëtës yë Abraham, Isaac ets Jacob ets n'ënëmaaytyës yë y'u'unk y'okëty yë'ë nëjkx ya'atë naaxwiinyëtë tjä'ä'atë. Täätsës të ntuknipëjktaakë, ko mijts oy je'eyë jëkäm xyjyaaknajts'ixëty, jä'ä ko ka'ap nëjkx jam m'ëk ja'ajnë.

Deuteronomio 6:10

Yë Wintsën mëti'ipë miits mTiosajtëpën, yë'ë jam myajtëkëjanëtëp ma ja naax kamën mëti'ipë ja Abraham, Isaac ets Jacob tyukwinwa'anëyën ko mo'oja'anëtë. Tääpë it naaxwiinyëtë myëët'ajtyp oyëtypë naax kajpn, mëti'ipë miits nijënu'un xykyanijawëtën wi'ix ojts kyojyën.

Deuteronomio 9:5

E paaty ka'ap yë'ëkyëjxmëty ko miitsëty oy mja'ay'atë ets ko mëtowtë myajmo'otë ja kuma'ayën; yë Wintsën paaty t'ëxwojpta'ay tääpë ja'ay jä'äkyëjxm ko ja tyu'unën kyajpxënëty ka'ap myëtëyëty ets näjyëtu'un mëët ko tniwa'aka'any ja y'ayuk, mëti'ipë tyukwinwa'anëyën ja Abraham, Isaac ets Jacob, miits ja m'ap m'okëty.

Hebreos 11:13

Tëkokyë ya'atë ja'ayëty ojts y'o'kta'atë ets kä'äpyëm t'ëxajëtyë mëti'ipë ja Dios ënety të tyukwinwanëtën; je'eyëp ko mëët ko myëpëjktë ojts jëkämpaat myäytyë tyajtë ets jotkujk nyäjya'awëtë jä'ä ko jëtu'un yaa najxëmë naaxwiiny jaaypyaat jaaypyo'kxyën.

Hebreos 11:8

Mëët ko myëpëjky ja Abraham paaty ojts ja Dios tmëmëtoy ko y'ënëmaayë ets pyëtsëmëty ma ja nyaax kyajpnën, ënät tsyo'ony ets ojts nyijkx ma ja Dios ënety ja naax tyukumayä'änyën. Ko tsyo'ony ma ja nyaax kyajpnën, ni tkanijawë maa ënety nyijkx.

Josue 1:6

Jotkujk ets jotmëk mtimnyäyjyawëtëty, jä'ä ko mijts nëjkx xyajwä'kxy ja it naaxwiinyëtë ma ya'atë naax kajpnën, yë'ëjës ntukwinwa'anëy ja m'ap m'okëty koos n'ënëmaaytyë ko ja kyuma'ayën nmo'oja'antës.

Josue 22:10

Ko ja Rubén, ja Gad ets nikujkwä'kxy ja Manasés ja jyä'äy jam jyajtë ma ja Jordán mëjnëëjën, Canaán y'itjotm; ënät ojts jam tyajpëtë'ëktë tu'uk yë wintsë'këntyakn.

Josue 8:30

Jam ma Ebal kopkën, jam ojts yë Josué tu'uk wintsë'këntyakn tyaj'oyë ma Wintsën mëti'ipë Israel ja'ayëty Tyios'ajtëpën yajmëjjawëty.

Jueces 6:24

Tä yë Gedeón tu'uk yë wintsë'këntyakn jam t'oytyuuny mëti'ipë ja Wintsën tyukmëjja'awëyënën ets txëëwmooy: Yë Wintsën yë'ë jotkuj'ajtën'ajtp. Ya'atë wintsë'këntyakn yajpatp tyampaat jam Ofrá ma ja kajpnën mëti'ipë yë Eliézer yë jyä'äy nyitënaaytyëpën.

1 Samuel 7:17

Ko tyajwintu'upëjktaay tääts ijty jatëkok jam wyimpity Ramá ma ja y'ijtaknën ets ijty t'ëne'emy tëkokyë ja Israel kajpn. Ojts jam näjyëtu'un tyajkojy tu'uk yë wintsë'këntyakn mëti'ipë yë Wintsën tyukyajnikojëyën.