Génesis 11:3 - Biblia Dc en Mixe de Quetzaltepec

³ Tu'kxëëw tu'kjëmëjt ojts tkäjpxy'atë: Tsojk nyajkojëm yë muutsy ets jëënjoty nyajkë'ëwmëty. Muutsy kyë'ëw ojts tyajtuntë ijxtëm jeexyë tsaajën ets tukpojtstë yë mo'onts.

Biblia Mixe de Quetzaltepec

³ Tu'kxëëw tu'kjëmëjt ojts tkäjpxy'atë: Tsojk nyajkojëm yë muutsy ets jëënjoty nyajkë'ëwmëty. Muutsy kyë'ëw ojts tyajtuntë ijxtëm jeexyë tsaajën ets tukpojtstë yë mo'onts.

Génesis 11:3 Iomraidhean Croise

Génesis 11:4

Ënet nyäy'ënanëtë: Mintë, tsojk nyajkojëm tu'uk yë kajpn ets nyajpëtë'kmëty tu'uk yë potsy mëti'ipë ja'tëpën tsajpwinm. Jëtu'un nyajjëkyajpmëty mëj'äämpy yaa naaxwiiny. Ka'ap nëjkx xity ko'oy n'ijtëmë.

Génesis 11:7

Nikë tim oy'atëp yowë ko yë y'ayukëty ntimyajnäyjyo'pëmëty, këtiipë nyäjyä'äkyukëtëty yë'ëjëty.

Génesis 14:10

Tu'kë'ëyë ma ja Sitim joyjyotmën tam ijty myäyjyätyë yë may jut ets tsajpkëk ma ijty tyajpëtsëmtën yë yëk mo'onts mëti'ipë o'tspën. Ko ojts ja yajkutujkpëty mëti'ipë tso'ontëpën Sodomë ets Gomorra jyakä'äkanëtë ma ja tsipën, jam ojts kyënajxta'atë jutjoty, e wiinkpë yajkutujkpëty tunkëjxm kopkkëjxm ojts jyaak kä'äktë.

2 Samuel 12:31

e ja ja'ayëty mëti'ipë ojts wyë'ëmtën juuky, ojts tuunkmo'oy, tam mëti'ipë myooyën yë jë'tn, naaxwo'kn, naaxjä'pn ets pujxn mëti'ipë kepy yajtukpujxpën ets mëti'ipë yajkë'ëwtëpën ja muutsy. Maajaty ojts ka'ap tyajmëtä'äkyën ja Amón ja'ay aak ojts tuunkmooytyä'äy. E ja David ojts wyimpijnë mëët ja tsyiptuunpëtëjk jam Jerusalén.

Salmos 64:5

Aakyë'ë nyäjyotmëkmo'ojëtë ets winë ëxëëk tuntëty; yajxon tnimay tnitajëtë wi'ix muum yë myëku'uk yu'utsytyuuy tyajkëtaw tyajkëpiptëty ets ënät myäytyë tyajtë ko ka'ap pën y'ixëtë,

Éxodo 1:14

Mëk tyajtëëy tyajyaxtë mëët ja tuunk ëyo'on mëkëtypë, yajxon ja naax mo'onts tuunk'ajtë mëti'ipë ja muutsy tyukyajkojtëpën, näjyëtu'un ja mëti'ipë ojts jam tyuntën kamwinm tu'uwinm, mëk ojts y'ëyowtë mëët ja tuunk ëyo'on ëxëëkpë tsaatsypë oy myaa'ajnë jap Egiptë.

Éxodo 2:3

E jä'ä ka'ap ënety tjëkyepy jeky yu'utsy tyaj'itëty, ënät ojts tu'uk yë katsy t'oytyuny ets tyaj'ëtujktaay maajaty y'ëwa'atsëtyën mëët yë kepy'u'pky ets pu'unyky këtiipë jap ja nëë tyëkëty, tä ja y'u'unk jap t'ako'kë katsyjoty ets ojts jam tpëjktä'äky nëëpë'am yu'utsy, nëë'awekyjoty ma ja Nilë mëjnëëjën.

Proverbios 1:11

Wä'änxyëp m'ënë'ëmxëtëty: Pamiintëk ëëtsëty, ets nyajpë'o'kmëty muum yë ja'ay ajotkumonë ko n'aye'eyëmëty.

Eclesiastés 2:1

Ënätës ojts kë'ëm nämyä'äy nätyajxëty: Tyam minës n'ëkjuuky'äty ijxtëmës kë'ëm ntimy myäy ntimy tyäjyën, minës n'ëktukxony yë juukyajtën. E ya'atë winma'any natëkë winma'any näjyëtu'un.

Isaías 5:5

E tyam ntuknijawëja'antë wi'ixës ja ntsatsym kam ntuna'anyën: njëpëkäämpyës yam ja nyikemy ets ja kam tyimkutëkoyëty; tyamës ja nyipotsy njijtë'ëkanë ets ja ja'ay jap tyëkëtëty ets tkutä'änta'atëty;

Isaías 65:3

ja naax kajpn mëti'ipë ëjts nwintuuyës të xymyëtëkoyën; mëti'ipë ja wintsë'kën të tmo'oyën ja wiink tios jam muum aayjyotm ujtsjotm; ets të tukwintoy tukwinjoky ja poom ma ja wintsë'këntyaknën mëti'ipë muutsy pyotsyën;

Isaías 9:10

Oy tëë jyaka'ay yë muutsy, tyam jatëkok n'akojëmëty ta'tspëky mëët yë tsaa. Tëë tjapujxtujkta'atë yë tëjkepy, oy kepy ënät npëjktakmëp.

Nahúm 3:14

Kom yë nëë xyajnikoompätëty ets xymyëmëta'akëty yë jëën; may pëjkta'ak yë ja'ay mëti'ipë kuwa'anëpën. Jap mo'ontsjoty tëkë, tuktään yë mo'onts, këëyë'ëk yë kepy mëti'ipë yë muutsy mtukyajkojpyën.

Hebreos 10:24

Tsojk n'ixta'ayëm wi'ix nnäpyutëjkëmëty nixim niyam, wi'ix nätsyojkëmëty ets wi'ix ntu'unmëty ja oypyë.

Hebreos 3:13

Näjyjyotmëkmo'ojëtë nixim niyam winjëpom naam jaakjäänëm ja xëëw, mëti'ipë nyikäjpxypën ja Dios ja y'aaw y'ayuk, këtiipë pën yajwin'ëënëty ets juun ja y'aaw jyot tpëjkta'akëty.

Santiago 4:13

Mëtoow'itë ya'atë, miitsëty ko m'ëna'antë: Tyam ëkë jëpom nja'amëty wiink kajpn ets jam tu'kjëmëjtën n'aju'uy n'ato'kmëty ets meeny npatmëty.

Santiago 5:1

Mëtowtë miits, kumeenyjyä'äyëty. Mëjë'ë mëya'axtë ja m'ëyo'on mjotmayëty mëti'ipë mpaatantëpën.