Génesis 11:2 - Biblia Dc en Mixe de Quetzaltepec

² Ko ja ja'ayëty tsyo'ontë jamtsow ma ja xëëw pyëtsimyën, ënät ojts tpaatë tu'uk ja joy'it jam ma ja it naaxwiinyëtë txëëwatyën Sinar. Tä jam tsyënaaytyaknpëjktë.

Biblia Mixe de Quetzaltepec

² Ko ja ja'ayëty tsyo'ontë jamtsow ma ja xëëw pyëtsimyën, ënät ojts tpaatë tu'uk ja joy'it jam ma ja it naaxwiinyëtë txëëwatyën Sinar. Tä jam tsyënaaytyaknpëjktë.

Génesis 11:2 Iomraidhean Croise

Génesis 10:10

Ya'atë kyajpn'ajt yë Nimrod ma ojts y'ëne'emyën: Babel, Erec, Acad ets Calné, mëti'ipë jam yajpatpën Sinar nyaaxjoty.

Génesis 11:1

Ko jyeky'äjty tu'ukyë ijty ja aaw ayuk mëti'ipë ja naaxwiinyëtë ja'ay kyajpxtëpën.

Génesis 11:9

Ma tääpë ja it naaxwiinyëtën ojts ja Dios tyajtëkajtsta'ay ja aaw ayuk mëti'ipë ënety ja ja'ay naaxwiinyëtë apëtsëmy kyajpxtëpën ets ye'eywya'kxtaaytyë. E paatykyëjxm ojts tampë ja kajpn xyëëpety Babel.

Génesis 13:11

Yë'ë ojts ja Lot twin'ixy ja joyjotm, mëti'ipë jam yajpatpën ma ja Jordán mëjnëëjën. Jamtsow ojts awinm nyijkxy tsënääpyë ma ënety jam të y'itën, jëtu'un ojts ja Abram mëët ja tsyojkmaank Lot nyäyajwa'kxënëtë.

Génesis 14:1

Jä'ä xëëw jä'ä jëmëjt yë Amrafel mëti'ipë yajkutujkpën jam Sinar, yë Arioc jampë yajkutukyën Elásar, Quedorlaomer jampë yajkutukyën Elám ets Tidal jampë yajkutukyën Goím.

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Daniel 1:2

Wintsën ojts kë'ëm tyajkutuky ets Nabucodonosor tmatsëty yë Joaquim ets yë'ë ojts näjyëtu'un tyajkutuky ets Nabucodonosor tyajpëtsëëmta'ajëty jap tsajptëkoty ja apëjk atu'unën mëti'ipë ja Dios jyä'ä'ajtypyën ets jap tpëjktaktaay ja Dios ja y'apëjk y'atu'unën ma ja kyë'ëm tsajptëjkën ma jap y'ityën kanaak ja tios mëti'ipë y'ëwtajtypyën;

Zacarías 5:11

Ets xy'ëtsooyës: Jam Babilonyë nyëjkxtë ets jam tkojanëtë tu'uk yë nyitsajp tëjk. Ko ënety ja nyitsajp tëjk tkoj'apaatëtë, tääts jap tpëjkta'aka'antë ma ënety të yajnipotsën.