Éxodo 7:5 - Biblia Dc en Mixe de Quetzaltepec

⁵ Koos ënety të nyaj'ixyë ja nmëjajtën jap Egiptë, ets koos ënety të njuuty ja Israel kajpn, jëtu'un nëjkx yë Egiptë ja'ay nijawëtë ko ëjts Wintsën.

Biblia Mixe de Quetzaltepec

⁵ Koos ënäty të nyaj'ixyë ja nmëjajtën jap Egiptë, ets koos ënäty të njuuty ja Israel kajpn, jëtu'un nëjkx yë Egiptë ja'ay nijawëtë ko ëjts Wintsën.

Éxodo 7:5 Iomraidhean Croise

Salmos 138:7

Koos muum nyajpaaty o'këntum, mijts kë'ëm mpëjk'ijtyp mmajts'ijtyp yë njuukyajtënës. Pojën yë mmëkajtën xyajkëtä'äky maas yë nmëtsiptëjkën ets jëtu'unës xyajtso'oky.

Salmos 9:16

Yë Wintsën tëë kë'ëm nyänyikëxë'ëkyë ko të tuny ja nipaye'eyën. Ja ëxëëk ja'ay tsumy matsy të wyi'imy ma ja majtstaknën mëti'ipë kë'ëm të tyaj'oyën.

Éxodo 10:2

Ets nëjkx jëna'a xytyukmëmëtyä'äky yë m'u'unk m'ok ets m'ok'u'unk m'ok'ëna'k, wi'ixës ënety të ntukxi'iky të ntuk'ëwë'ëkyën yë Egiptë ja'ayëty ets näjyëtu'un wi'ixës mëj këjää të nyaj'ixyën ja nmëj'ajtënës ma yë'ëjëtyën, jëtu'un'äämpy xynyijawëtëty, ko ëjts Wintsën.

Éxodo 10:7

Ënet ja wintsëntëjkëty y'ënantë: ¿Tyaapë ja'ay jëna'a jëtääjën kyu'uxa'anyë je'eyëpë amay jotmay nëkoo tyajminyën? Wintsën nikë ëxmatstë wä'än tnëjkxtë, wä'än nëjkx yë Tyiosëty t'ëwtatë mëti'ipë yë'ëjëty wyintsën'ajtëpën. ¿Tii këtiitën xytyim'ixy mijts wintsën wi'ix yë Egiptë kajpn o'ktëy jyajnë kyëpäjnë?

Éxodo 14:18

Koos ënety jëtu'un të nyajkëxë'ëky ja nmëj'ajtënës ma ja mëj'ënä'ämpën, mëët nitëkokyë ja tsyiptuunpëtëjk ets ja kyepywyintëkäämpëty ets ja kyëwaayëty, ënätnëm nëjkx ja Egiptë ja'ayëty y'ëna'antë ko janty ëjtstëm jëtu'un Wintsën.

Éxodo 14:4

E ëjts tëëjës kë'ëm ntuknipëjktaakë ets mëj'ënä'ämpë yë mëkwinma'any tpaatëty ets mpapo'ojëtëty, ëjts ntuk'ixäämpyës yam yë nmëj'ajtënës ets tëkokyë yë tsyiptuunpëtëjkëty, jëtu'un nijawëtëty yë Egiptë ja'ayëty ko ëjts Wintsën. Yë Israel ja'ayëty jëtu'un ojts tjantytyuntë.

Éxodo 18:8

Tä ja Moisés jap ja myë't tukmëmëtyaktaay, wi'ix ënety ja Wintsën të tunyën ja Egiptë mëj'ënä'ämpë, näjyëtu'un tëkokyë ja Egiptë ja'ayëty ets wi'ix ënety të yajputëkëtën ja Israel ja'ayëty, ma ja y'amay jyotmayëtyën kanaakpë ets wi'ix ja Dios të yajtso'okëtën.

Éxodo 3:20

E ëjts nyaj'ixanëpës yë nmëjajtën, nëjkxëpës mëj këjää ntëytyuntë yë Egiptë ja'ayëty mëët ja o'kën tëko'oyën ets ntuk'ixtëpës mëjëtypë këjääjëtypë mëj'ajtën ma nyaax kyajpnëtyën; e koonëm ënety jëtu'un të tyuny të jyätyë, täänëm nëjkx m'ëxmatsëtë.

Éxodo 6:1

Ënet ja Dios y'ëtsoowë: Tyam xy'ixtëty wi'ixës yam yë mëj'ënä'ämpë ntuna'anyën, yë'ë atsip nëjkx m'ëxmajtsënëtë ma nyaax kyajpnën, yë'ëpaat nëjkx kë'ëm y'ënanë: Nëjkxtë.

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kuttujkën tëypyë jaantypë.

Éxodo 7:17

Paaty tyam, jëtu'un yë Dios y'ënä'äny: Tyam xynyijawëty ko ëjts Wintsën. Koos ënät yam nwojpyu'kxëty yë nëë, mëti'ipë pëyë'kpën ma mëjnëëjën, mëët yë ntajkës, m'ixëp ënät ko ne'pynyën y'awinpitëty.

Éxodo 8:10

Oy jopy, jëtu'un ja mëj'ënä'ämpë y'ëtsooy. Tä ja Moisés y'ëtsoowëmpijty: Tyam jëtu'un yajtunëty ets xynyijawëty, ko ka'ap maa wiinkpë jëtu'unpë tä nWintsën'ajtëm Tiosën.

Éxodo 8:19

Paaty ja wijyjyä'äytyëjkëty ojts t'ënëmaaynyëtë ja yajkutujkpë: Tyaapë n'ijxëmën, Dios yë kyejxyp. Yë mëj'ënä'ämpë ninu'un kyakäjpxyjyä'äykyujkëy, ka'ap timmyëpëjky oy pën wi'ix jya'ënany, jëtu'un ojts nyäpyëjktä'äkyë tä ënety ja Dios të tnikäjpxyën.

Éxodo 8:22

Ko jëtu'un tyunëtëty jyatëtëty, ka'ap jam Gosen nëjkx jëtu'unpë yaj'ixy, maas yë nnaax nkajpn yajpaatyën. Jam nitu'uk yë aktsa'ak kya'ita'any, jëtu'un'äämpy xynyijawëty ko ëjts mëti'ipë Wintsën'ajtpën, ëjts jam yajpatp ma tääpë kajpnën.

Ezequiel 25:17

Ntuunwinpitäämpyës ets jëtu'un nyanaxa'anyës yë ntsip n'äkës ma yë'ëjëtyën. Koos ënety jëtu'un ntuny, jäänëm nëjkx tnijawëtë ko ëjts Wintsën.

Ezequiel 28:22

Jëtu'un xy'ënëëmëty: Ya'atë yë Wintsën të tkäjpxy: Ëjts mmëtsipës yam n'awinpity ma mijtsën Sidón kajpn; ëjts mëj'äämpyës naxa'any ma mijtsën. Ko ënety mijts myajnitëkë maas nyaj'ixa'anyën ja nmëj'ajtënës ets nwa'ats'ajtënës, ënät nëjkx yajnijawë ko ëjts Wintsën.

Ezequiel 32:15

Koos yë Egiptë kajpn nyaj'awinpitëty tä yë itjotmën aanë'ëk tëëtsë'ëkpë ets ja naax kajpn tukwa'ats wyë'ëmëty, ka'ap jap pën y'ëktsënaaynyëty, ënät nëjkx tnijawëtë ko ëjts Wintsën.

Ezequiel 36:23

Yë'ë yam ntuk'ixäämpyës yë naax kajpn wi'ixës yë nxëëw wya'atsëtyën, mëti'ipë miitsëty të xynyi'ojëtën ma tääpë naax kajpnëtyën; koos ënety ntuny ja nmëj'ajtënës ënät nëjkx tnijawëtë ko ëjts Wintsën. Ëjts Wintsën, ëjts ënaanp.

Ezequiel 39:22

Jä'ä xëëw ets jëtu'un y'ita'any yë xëëw jëmëjt nëjkxëp yë Israel kajpn xy'ixkaptës ko ëjts Wintsën, mëti'ipë yë'ë Tyios'ajtëpën.

Ezequiel 39:7

Ëjts ntsojkpyës ets nxëëwës wa'atspë yajnijawëty ma Israel kajpnën ets ka'apës nkupëka'any ets nëxi'iky tukxi'iky wyë'ëmëty. Nëjkxëp wiinkëtypë naax kajpn tnijawë ko ëjts wa'atsës yë nxëëw nyaj'ity ma Israel.