Éxodo 7:23 - Biblia Dc en Mixe de Quetzaltepec

²³ Tä ja mëj'ënä'ämpë ojts wyimpijnë nyëjkxnëpë jatëkok ma ja kyutujktaknën, mëti'ipë ënety të tyuny të jyätyën, ka'ap ja tmëjpëjktäky.

Biblia Mixe de Quetzaltepec

²³ Tä ja mëj'ënä'ämpë ojts wyimpijnë nyëjkxnëpë jatëkok ma ja kyutujktaknën, mëti'ipë ënäty të tyuny të jyätyën, ka'ap ja tmëjpëjktäky.

Éxodo 7:23 Iomraidhean Croise

Job 7:17

¿Tii yë naaxwiinyëtë ja'ay tyimkëjxm'ajtyp ko mëj'äämpy xypyëjktä'äky? ¿Wi'ix ko ni'ik xytyimmëjotmaypyääty?

Salmos 62:10

Këtii yë'ë xy'oyjyawëtëty yë tsip käjpxy; këtii yë'ë janty mëj xyjyawëtëty yë to'onën mä'tsën. E ko jëna'a mkumeenytya'aktëty këtii ënät yi'iyë ja wit meeny xytyuk'ijxpätëty.

Éxodo 7:22

E ja xëëwmääpyëtëjkëty ets ja wijyjyä'äytyëjkëty ojts näjyëtu'un tyaj'awinpitë ja nëë ne'pny, jëtu'un ojts tuntë tä ënety yë'ëjëty tuunk'atën, yë mëj'ënä'ämpë je'eyëm ka'ap tja'akyukë ja aaw ayuk tä ja Moisés ets ja Aarón jya'ëna'antën, jëtu'un ojts y'ëti'itsy tä ënety ja Dios të t'akäjpxyën.

Éxodo 7:24

Tä ja Egiptë ja'ayëty je'eyë ojts may tyajkojtë ja nëëwooky jam nëëpë'am ets jap tyajwintë'kxtë ja nëë, jëtu'unts ja wya'atsnëë tjaakpaatë, jä'ä ko ja mëjnëë ka'ap ënety tjëkyepy t'uuktëty.

Éxodo 9:20

Jënaakën ja wintsëntëjkëty ojts tmëpëktë, jëtu'un tä ënety ja Dios të tnikäjpxyën ets tpëjktaktë ja tyuunpëtëjkëty tëkoty ets näjyëtu'un ja jyëyujkëty.

Éxodo 9:21

E mëti'ipë ka'ap ojts ninu'un timmyëpëktë ja aaw ayuk, jëtu'unyë t'ëxmajtstaaytyë winë ëwaatsëtuuy.

Proverbios 22:17

Yë'ë tyam ëkmëtoow'itë ya'atë aaw ayuk mëti'ipë ojts tmëtya'aktën yë wijyjyä'äytyëjkëty. Yi'iyë jëtu'un tu'uk tyam mëmay mëtajtë mëti'ipë yam miitsëty ntukni''ixëjantëpën.

Proverbios 24:32

Koos jëtu'un të n'ixy, täätsës të nmëmay të nmëtajy etsës të npaaty ja winma'any.

Proverbios 28:14

Janty jotkujk yë ja'ay yajpaaty mëti'ipë wyinkutsë'këpën yë Dios; e ja'ay mëti'ipë ka'ap jyä'äkyukën, ëxëëk jyata'any kyëpäta'any.

Proverbios 29:1

Mëti'ipë ja'ay juun yë jyot wyinma'any pyëjktäkpyën ko yaj'ojy, ka'ap jeky jyuuky'ata'any; ets ni pën jää kya'ëna'anëty ëkë wi'ix ko të y'ooky.

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Isaías 47:7

Ets m'ënany: Ëjts xëmë wintaj'ataanp yajkutujkpë'ataanp. Mijts ka'ap ojts nijënu'un xymyëmay xymyëtajy wi'ix mkukëxëja'anyën.

Jeremias 36:24

Yë yajkutujkpë ets ja wintsëntëjkëty mëti'ipë myëtoowtën wi'ix ja noky axaatsy jyä'äyëtyën, nijënu'un kyatsë'këtyë ets nitii tkamëkja'awëtyë.

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Ezequiel 40:4

Ënet tääpë ja'ay xy'ënëmaayës: Ëk'ix yajxon ets yajxon mëtoow'it; yajxon xytyim ix xytyimtunëty mëti'ipë yam ntuk'ixäämpyën, jä'ä ko mijts Wintsën yaa të mwoowminyë ets ntuk'ixëty ya'atë. Ok nëjkx xytyuk'ëwaanë yë Israel ja'ayëty tëkokyë mëti'ipë yam m'ixäämpyën.

Habacuc 1:5

Ixtë ja naax kajpn mëti'ipë mëët mnäpyaatëtën; ixtë wi'ix jyatë kyëpätë ets mtsë'ëkëtëty. Ëjts mëjës winë ntuna'any ets ka'ap nëjkx xymyëpëktë ko pën mjatukmëmëtya'akëtëty.

Malaquías 2:2

Pën miitsëty ka'ap xymyëmëtowtës ets ka'ap xywyinkutsë'ëkëtës, nëjkxëp mpoktë. E miitsëty mëët ko ka'ap të xymyëmëtowtës ëjts ëxëëkës yam nyaj'awinpita'any yë oypyë tu'unën kajpxën ets yë'ëpaat mëti'ipë yë teetytyëjkëty oy të tjatuntën. Yë Wintsën mëti'ipë maaytyääyëpën winë yë'ë jëtu'un ënaanp.

Deuteronomio 32:46

Ko y'ëëwtaaytyë ënät yë Moisés t'ënëmaay ja naax kajpn: Mëmay mëtajtë tyam mëti'ipë të ntukmëmëtya'aktën, nëjkxëp näjyëtu'un xytyukmëmëtya'aktë ya'atë aaw ayuk, mëti'ipë ja ënä'ämën tëyajtën nyimëtyäkpyën.

1 Samuel 4:20

E ko t'ijxtë ja to'oxytyëjkëty ko mëpaatëp y'o'knë, ënät t'ënëmaaytyë: Këtii mtsë'ëkë mjawë, ye'etyëjk m'u'unk'ajtypy. Yë'ë ka'ap y'ëtsooy ets ka'ap tuuny këwentë.