Éxodo 7:2 - Biblia Dc en Mixe de Quetzaltepec

² Mijts mtukmëmëtya'akëp yë Aarón tëkokyë mëti'ipë yam ntukmëmëtyäkpyën, e yë'ë tyukmëmëtya'akëp yë mëj'ënä'ämpë ets t'ëxmatsëty yë Israel ja'ayëty ma nyaax kyajpnën.

Biblia Mixe de Quetzaltepec

² Mijts mtukmëmëtya'akëp yë Aarón tëkokyë mëti'ipë yam ntukmëmëtyäkpyën, e yë'ë tyukmëmëtya'akëp yë mëj'ënä'ämpë ets t'ëxmatsëty yë Israel ja'ayëty ma nyaax kyajpnën.

Éxodo 7:2 Iomraidhean Croise

1 Reyes 22:14

Tä ja Micaías y'ëtsooy: Tyam mijts yajxon n'ënëëmëty ets Wintsënës yam ntukajpxypejtyp, ko yi'iyës yam nikajpxäämpy mëti'ipës yë Wintsën xytyuk'ënä'ämpën.

Éxodo 4:15

Kajpx mëtya'ak mëët ets tuk'ëwa'anëtya'a tii kyajpxëpën, ëjts yajpataanpës xëmë mëët yë'ë ets näjyëtu'un mëët mijts, yë'ë mtukni''ixëjanëp tii mëpaat xytyuntën.

Éxodo 4:16

Mijts mëëtmëtya'akëp yë Aarón, jëtu'un tääjës jeexyë ëjts nmëmëtyä'äkyën, e yë Aarón yë'ëts ja naax kajpn tyukmëmëtyakta'ajëp, jëtu'un tä ënety mijts të xy'ënëëmën.

Éxodo 5:1

Ko jëtu'un y'ëknajxy yë xëëw po'o, ënät yë Moisés mëët yë Aarón ojts nyijkxy ma mëj'ënä'ämpë ets t'ënëmaaytyë: Jëtu'un yë Wintsën y'ënä'äny yë Dios mëti'ipë Tyios'ajtypyën yë Israel ja'ayëty: ëxmajtskës yë nkajpn wä'än jam tnëjkxtë ma ja naaxwiinyëtë aanë'ëk tëëtsë'ëkpën, etsës ja nxëëw xymyëjjawëtëty.

Éxodo 6:29

jëtu'un t'ënëmaay: Ëjts jëtu'un Wintsën. Tukmëmëtya'ak yë Egiptë mëj'ënä'ämpë tëkokyë mëti'ipë yam ntuk'ënëmääpyën.

Éxodo 7:6

Moisés ets Aarón jëtu'un ojts winë tuntë ijxtëm ënety ja Dios të tyuk'ënä'ämëtën.

Jeremias 1:17

E mijts jotmëk mnäpyëjkta'akëtëty; nëjkx ets xy'ënëëmëty ijxtëm të ntuk'ëne'emyën. Këtii ni pën xytsyë'ëkëty, jä'ä ko pën mijts mtsë'këp ni'ikyë nyajtsëyuuypyëka'any ma yë'ëjëtyën.

Jeremias 1:7

E yë Wintsën tääjës xy'ënëmaay: Këtii jëtu'un m'ëna'any ko m'ëna'knëmëty. Mijts jam mnëjkxëty ma nkäxa'anyën, yë'ë mkajpxnaxëp mëti'ipë yam ntuk'ënëëmëjäämpyën.

Ezequiel 3:10

Ënätës xy'ënëmaay: Mëtoow'it yajxon mëti'ipë yam ntukmëmëtya'akäämpyën ets jap mjootjoty mwinma'anyjoty yajwë'ëm.

Ezequiel 3:17

Mijts, ye'etyëjk, të mpëjktä'äky ijx'ijtpë këwent'ajtpë ma Israel kajpnën. Ko ntukmëtowëty ja aaw ayuk, mkajpxnaxëp ets mnimëtya'akëp ma yë'ëjëtyën ets nijawëtëty wi'ixës ënety n'ëna'anyën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Hechos 20:27

jä'ä ko tëë xëmë ntuk'ëwaanëtë mëti'ipë ja Dios tsyojkpyën, ka'apës tii të nkuyu'utsy.

Deuteronomio 4:2

Mëti'ipë yam ntuk'ënëëmëjantëpën, këtii kë'ëm xyajni'ikëtëty ëkë kë'ëm xyajwäänëtëty. Jëtu'un xypyatuntëty ya'atë Wintsën yë tyiyajtën tä yam ntuk'ëwaanëja'antën.