Éxodo 7:11 - Biblia Dc en Mixe de Quetzaltepec

¹¹ E yë mëj'ënä'ämpë ojts tnikäxë ja wyijyjyä'äytyëjk ets ja xyëëwmääpyëtëjk, yë'ëjëty jëtu'un tä ënety winë tuntën, näjyëtu'un ojts y'ëtëtstëpë.

Biblia Mixe de Quetzaltepec

¹¹ E yë mëj'ënä'ämpë ojts tnikäxë ja wyijyjyä'äytyëjk ets ja xyëëwmääpyëtëjk, yë'ëjëty jëtu'un tä ënäty winë tuntën, näjyëtu'un ojts y'ëtëtstëpë.

Éxodo 7:11 Iomraidhean Croise

Génesis 41:8

Komjëpom, yi'iyë ënety myëmääpy myëtäjpy ja wyinkuma'ay, ënät ojts ni'ënä'ämë ko myintëty ja najtsja'apëtëjkëty ets ja wijyjyä'äytyëjkëty. Tä yë yajkutujkpë tnimëtyaktaay yë wyinkuma'ay, e ni pën ojts tkayajniwijy.

Éxodo 7:12

Nitu'ukjaty ojts tnajtsjëpipëtë ja tyajkëty ets ojts y'awinpijta'ay tsa'any, ja Aarón ja tyajk jä'ä ojts tjë'ënta'ay ja xëëwmääpyëtëjk ja tsyä'änyëty.

Éxodo 7:22

E ja xëëwmääpyëtëjkëty ets ja wijyjyä'äytyëjkëty ojts näjyëtu'un tyaj'awinpitë ja nëë ne'pny, jëtu'un ojts tuntë tä ënety yë'ëjëty tuunk'atën, yë mëj'ënä'ämpë je'eyëm ka'ap tja'akyukë ja aaw ayuk tä ja Moisés ets ja Aarón jya'ëna'antën, jëtu'un ojts y'ëti'itsy tä ënety ja Dios të t'akäjpxyën.

Éxodo 8:18

Ja xëëwmääpyëtëjkëty näjyëtu'un ojts tjatunankojnëtëpë tjayajpëtsëmantë ja tsukts, e ka'ap ojts y'ëkmaayënëtë. Ya'atë tsuktsëty ëxëëk y'ëtëtstë ma ja'ayëtyën ets ma jëyujkëtyën.

Éxodo 8:3

Yë nëëjot nëjkxëp y'ujtsta'ay mëët yë maynyooty, e jap nëëjoty pyëtsëma'antë ets myäjya'ta'antë ma mkutujktaknën, näjyëtu'un ma mma'ay mpo'kxyën ets ma mwëëty mmapäjnën; näjyëtu'un jam ma ja jyëën tyëjkëtyën ja mwintsëntëjkëty mëti'ipë mëët mtuunmukyën ma ja mtsajpkääky kyi'iyën ets ma ja'ayëty tijtëwtën ja tsajpmokjëtsy.

Éxodo 8:7

E yë'ë ënät ja xëëwmääpyëtëjkëty näjyëtu'un ojts tuntë, ojts tyajmintë näjyëtu'un ja maynyooty jap Egiptë, jëtu'un tä ënety yë'ëjëty tnijawëtën winë tuntëty.

Daniel 2:2

Ënet twinwoowmujky kanaak ja këpetyjyä'äytyëjk, najtsja'apëtëjk, kajpxpojkpëtëjk ets ja ijxpëkyjyä'äytyëjk ets tyajniwijtëty ja kuma'ay. Ojts myiinta'atë ja ja'ayëty jam ma ja yajkutujkpën mëti'ipë ojts yajmëkajpxtën,

Daniel 2:27

Ënet ja Daniel y'ëtsooy: Ka'ap maa wiyjyä'äy, ka'ap ma nasja'apë, xëëwmääpyë, wijyjyä'äy mëti'ipë nyija'apën wi'ix nyiwijyën yë yajkutujkpë wyinkuma'ay.

Daniel 4:6

Ënätës nikajpxëtyääy ja wijyjyä'äytyëjk mëti'ipë yajpatëpën ma Babilonyë kajpnën, etsës xytyukmëmëtya'aktëty wi'ix ja nkuma'ayës nyiwijyën.

Daniel 5:11

ma kutujkëntaknën tam tu'uk yë ja'ay yajpaaty mëti'ipë tu'uwinye'eyëpën yë Wintsën yë myëj'ajtën y'oyajtën. Ko ijty yë'ë ja mteety kyutujkpë'aty tääpë ja'ay ojts tyaj'ixyë wi'ix wyijyëtyën ets wi'ix y'ijxpëkyëtyën, jëtu'un yaj'ijxy tiosën. Paaty yë Nabucodonosor yajkutujkpë ojts yë'ë tpëjktä'äky ets tniwintsën'atëty yë wijyjyä'äytyëjk, najtsja'apëtëjk, ijxpëkytyëjk ets xëëwmyääpyëtëjk mëti'ipë yajpatëpën ma Babilonyë naaxwiinyëtë tnitänën,

Daniel 5:7

Tääts mëk tyëjkëy yaxpë jojkpë ets tmëkajpxmujktaay ja nyasja'apëtëjk, ja wyijyjyä'äytyëjk ets ja xyëëwmääpyëtëjk mëti'ipë jam Babilonyë yajpatëpën ets t'ënëmaay: Pën yajniwijpy xiipë këxja'ay yajpaatyën ets pën xytyukmëmëtyakpës wi'ix y'ënä'änyën, yë'ë yajtukxoxëp yë tsapts yëk wit ets yajtukyo'kwitsëty yë pu'ts pujxn jo'oky ets yë'ë nëjkx y'ity ënä'ämpë ma ja mëtëkëëkpë ja ënä'ämpën ëpa'tkë'ëytsyowpë yajpaatyën.

Mateo 24:24

Jä'ä ko minantëp ja ja'ayëty mëti'ipë nëjkx nyätyijëtën Kristë ets mëti'ipë nätyijëtëpën Dios kyäjpxynyajxpë; nëjkxëp tyaj'ixëtë ja mëj'ajtën ets wi'ix kawi'ixëty nëjkx winë tuntë ets yë'ëpaat nëjkx yajwin'ëëntë mëti'ipë ënety ja Dios të twin'ixyën.

Gálatas 3:1

Miits, Galacia ja'ayëty kutsuujëty. ¿Pën të mpatoy të mpanaxëtë? Tëëts yajxon ntuk'ijxpëktë miits mwintuuyëty ijxtëm ja Jesukristë ojts kyëruutspetyën.

Efesios 4:14

Ka'ap jëtu'un n'ëkja'ay'ajtënëty ijxtëm ja pi'k ëna'kën, mëti'ipë maaymyiin maayxyëjptëpën, ka'apë tnijawëtën mëti'ipë tëy katëyën, mëti'ipë pojën myëpëjktëpën ko ja ja'ay nyë'ëmxëtë ets t'ëxmatstë ja ijxpëjkën mëtëypyë.

2 Tesalonicenses 2:9

Ko ya'atë ëxëëkajtën myinëty, mëjku'u nëjkx pyutëkëty ets mëj nëjkx winë tuny mëët ja mëj'ajtën ets ja ijxpäjtën ka'apë tyiyëtyën.

2 Timoteo 3:8

Ets jëtu'un ijxtëm ja Janes ets Jambrés tmëtsippëjktën ja Moisés, näjyëtu'un tääpë ja'ayëty tmëtsippëktë ja tëyajtën. Ma'at yë wyinma'anyëty ets tëë ja myëpëjkën tyajtëkooynyëtë.

2 Timoteo 3:9

Je'eyëp ko ka'ap yë jyä'ä myëjtëkëja'antë, jä'ä ko nyijawëjantëp yë ja'ay ko tsuu ets kunëpap yë'ëjëty, näjyëtu'un ijxtëm jyaajtën ja nimäjtskpë ja ja'ayëty mëti'ipë myëtsippëjktën ja Moisés.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

1 Samuel 6:2

Ets ja filistejë ja'ayëty tyaxmujktaaytyë ja teetytyëjkëty, xëëwmääpyëtëjkëty ets tyajtëëwtë: ¿Tii mëpaat n'ëktu'unëmë mëët ja Wintsën ja kyaaxë? Tuk'ëwa'anëtëkës wi'ixës mëpaat jatëkok nyajwinpitë.