Éxodo 6:6 - Biblia Dc en Mixe de Quetzaltepec

⁶ Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kuttujkën tëypyë jaantypë.

Biblia Mixe de Quetzaltepec

⁶ Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kutujkën tëypyë jaantypë.

Éxodo 6:6 Iomraidhean Croise

1 Reyes 8:42

Pën miintëp ja ja'ayëty wiink kajpnëpë yaa jëëytyak nu'kxtakpë, ma yaa mjëën mtëjkën.

2 Reyes 17:36

Ëjtsyë je'eyë xywintsë'ëkëtëp, mëti'ipë miits mWintsën'ajtëpën, mëti'ipë ojts mjuutëtën jap Egiptë, mëët tu'uk ja mëj'ajtën mëjwiinpë këjääpë. Ëjtsyë mëpaat xy'ëwtatës, xymyëjjawëtës ets xytyukwintsë'ëkëtës winë.

1 Crónicas 17:21

E mëëtpë ënät ja mkajpn, ja Israel kajpn, ka'ap ma wiinkpë jëtu'unpë tä yë'ëjën, ka'ap ma wiinkpë kajpn jëtu'unpë tä yë'ë myëjkajpnëtyën, tu'ukyë je'eyë yajpaaty yaa naaxwiiny naaxkëjxy. Mijts, Dios, mijts të xyaj'ëwaatsëpëtsëmy ets yë'ë xykyajpn'atëty ets ojts mëj'äämpy mijts m'awinpity mëët ko winë xytyuuny xykyäjpxy mëjwiinpë këjääpë. Mijts wa'ats ja naax kajpn xyajkutëkooytyääy maajaty nyajxtën ets ja mnaax mkajpn yë'ë xyajmëtaky, mëti'ipë jap mju'tën Egiptë,

Nehemías 1:10

Ëëtsëty, ëëts mijts xytyuunpë'ajtëpës ets näjyëtu'un ja mnaax mkajpn mëti'ipë ojts xyaj'ëwaatsëpëtsëmyën mëët ja mmëkajtën ets mkutujkën.

Salmos 77:16

Mijts Dios, ko yë mëjnëëmejy jëtu'un m'ijxë, tääts ojts tsyë'ëkë ets ojts tsyëtyuuypyëjkta'atë yë nëëmejy këkëtypë yajpaatën;

Salmos 81:11

E ja nnaax nkajpnës ka'apës ja n'aaw n'ayuk të xymyëtoow'ijtë: yë Israel ja'ay ka'apës të xymyëmëtoy.

Salmos 81:6

Tëë ntuknipëjktu'uty ja mtsëmy mkejkykyijxy, tëë nyajyu'unkëmë ja mtuunk ma ënety mëk mtuny m'ëyoyën.

Salmos 81:7

Jam mijts të xymyëkäjpxyës ma ënety ëxëëk mjaty mkëpetyën, e tëë nyajtso'oky; jap ojts n'ëtsoy jokjoty yootsjoty ma ja ënääw yä'äxy jyokyën; ojts näjyëtu'un nwinma'any'ixy wi'ix mja'ay'ätyën ma ja Meribá nëëjën.

Éxodo 1:11

Ënet ojts ja Egiptë ja'ayëty tpëjkta'aktë ja tuunpëwintsën mëti'ipë nyi'ënä'ämëtëpën mëktä'äky ja tuunk ma ja Israel ja'ayëtyën ma jam ja tuunk tyajtu'uye'eytyën. Ojts atsip tyukojëtë mäjtsk ja kajpn mëti'ipë txëëwajtëpën Pitón ets Ramsés, jam ijty tii winë tpëjkë'ëky ja mëj'ënä'ämpë mëti'ipë jap yajkutujkpën Egiptë.

Éxodo 12:41

Jä'ä xëëw ma ojts kyä'pxyën taxk mëko'px ja i'px majk jëmëjt, jä'ä xëëw ojts ja Dios ja nyaax kyajpn tsyo'onë jap Egiptë.

Éxodo 12:51

Jä'ä xëëw ojts ja Wintsën jap tju'tnë Egiptë ja nyaax kyajpn.

Éxodo 13:14

E ko nëjkx jëna'a yë m'u'unkëty m'ëna'këty myajtëwëtë: ¿Wi'ix jëtu'un ya'atë nyiwijy? Tääts xy'ëtsowtëty: Yë Wintsën ojts jap xyjyuutës Egiptë mëët yë myëj'ajtën kyutujkën ma ënety ëëtsëty nmëtun n'ëyowtën.

Éxodo 13:16

E ya'atë xëëw yë'ë mtukja'amyätsëtëp wi'ix ojts ja Dios jap mjuutëtën Egiptë mëët ja myëk'ajtën, jëtu'un tä jeexyë tu'uk ja tsa'ayajtën xymyëët'atën mkë'ëkëjxmëty ëkë mwinpokëjxmëty.

Éxodo 13:3

Ënet ja Moisés t'ënëmaay ja nyaax kyajpn: Mja'amyätstëp jëtu'un xëmë ya'atë xëëw, ma Wintsën ojts mjuutëtën, mëët yë myëk'ajtën mëjpë këjääpë jap Egiptë ma ënety je'eyë mëtuntën m'ëyowtën. Ko ya'atë jëtu'unpë ja xëëw po'o tpaatëty winjëmëjt, ka'ap mëpaat xykyäytyë ja tsajpkääky mëti'ipë tsooymyëëtën.

Éxodo 15:13

Yë'ë mëët yë mtsojkën mja'awën ya'atë naax kajpn xytyu'uwinwoy mëti'ipë të xyajtso'okyën. Yë'ë mëët yë mëk'ajtën jam xyajnëjkxy jam ma mtsajptëjkën.

Éxodo 16:6

Ënet yë Moisés ets Aarón t'ënëmaaytyë yë Israel ja'ayëty: Tyam ko jyënäkyxyëëw'atëty jää ënät xynyijawëtëty ko yë Wintsën yë'ë ojts mjuutëtë jap Egiptë.

Éxodo 18:1

Yë Jetro mëti'ipë jam teety'ajtpën Madián, yë Moisés yë myë't, ojts tnijawë, wi'ix ënety yë Dios mëj këjää winë të tuktunyën yë Moisés ma ja nyaax kyajpnën, ja Israel kajpn. Ojts näjyëtu'un tnijawë ko tëë ënety ja Dios jap jyuutëtë Egiptë.

Éxodo 2:11

Ko ënety yë Moisés tëë yä'äk'apäjnë, ënät ojts tëkok tninëjkxy yë myëku'uktëjk ma ënety jam yajpaatën. Ënet ojts t'ixy tuny, ko yajxon myëkëty ja tuunk mëti'ipë ja myëku'uktëjk tyuunk'ajtëpën. Ënet jam ajotkumonë t'ijxpaty tu'uk ja Egiptë ja'ay tjantywyopy tu'uk yë hebreo ja'ay, mëti'ipë ënety yë'ë mëët tyu'kja'ay'ätyën.

Éxodo 3:17

Näyjyëtu'unës të xy'ënëëmë, ko mmo'oja'anëtë ëwaatsëtuuy'ajtën yaa Egiptë ma ëxëëk mjatën mkëpätën, ets myajnëjkxa'anëtë jam ma nyaax kyajpnëtyën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty; jam ka'ap yë jë'kxy pëky y'ëmaaytyä'äky, jam jëtu'un yë jë'kxy këtii y'ëmaayëty, tä tu'uk yë komnëë pyëyi'ikyën.

Éxodo 3:8

Paatyës yaa naaxwiiny të nkëtä'äky etsës nyajtso'oka'antë ma Egiptë ja'ayëtyën, nyajpëtsëmantëpës yam ma tääpë kajpnën etsës nyajnëjkxa'antë ma ja oypyë ja it naaxwiinyëtë, ma myëjwiin y'ëwaatsëtyën ets ma ja jë'kxy pëky ka'ap ninu'un y'ëmaaytyä'äkyën; jam jëtu'un ma tsyëënëtën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty.

Éxodo 32:11

Yë Moisés ojts tjayajxäämanë mëktä'äky ja Wyintsën Dios ja jyoot'an mëët ya'atë aaw ayuk: Wintsën, ¿wi'ix ko nëkooyë xytyimtukjoot'anpëky yë mnaax mkajpn, mëti'ipë mijts kë'ëm mju'tën jap Egiptë mëët yë mmëjajtën, mëti'ipë jap myaj'ijxën mëj këjää?

Éxodo 6:2

Ënet yë Dios ojts tmëkäjpxy yë Moisés ets t'ënëmaay: Ëjts WINTSËN.

Éxodo 6:29

jëtu'un t'ënëmaay: Ëjts jëtu'un Wintsën. Tukmëmëtya'ak yë Egiptë mëj'ënä'ämpë tëkokyë mëti'ipë yam ntuk'ënëmääpyën.

Éxodo 6:8

Jamës yë naax kajpn nyajnëjkxa'any maas ojts yë Abraham, Isaac ets Jacob të ntukwinwanëtën ets yë'ë tjä'ä'atëty. Ëjts jëtu'un Wintsën.

Éxodo 7:4

Yë mëj'ënä'ämpë nijënu'un nëjkx kyakäjpxyjyä'äkyukë ets ka'ap tmëpëkëty ja m'aaw m'ayukëty, e ëjts mëj këjääjës yë nmëjajtën ets nkutujkën jap nyaj'ixa'anyë Egiptë, mëët tu'uk yë ënä'ämën kuttujkën mëjpë jaantypë njuuta'anyës yë nnaaxës nkajpnës, yë'ë jëtu'un yë Israel kajpn jap Egiptë.

Éxodo 7:5

Koos ënety të nyaj'ixyë ja nmëjajtën jap Egiptë, ets koos ënety të njuuty ja Israel kajpn, jëtu'un nëjkx yë Egiptë ja'ay nijawëtë ko ëjts Wintsën.

Isaías 9:12

Maatsow yë xëëw pyëtsimyën, Siria ja'ayëty jam miintëp; maatsow kyëtä'äkyën, filistejë ja'ay jam miintëp. Poj'am të yajmëmëta'aktë yë Israel ja'ayëty, jëtu'un tä ja'ay poj'am jyi'kxy tkujë'ënaxyën. E yë Wintsën yë tsyip y'äkë ka'ap nyäknyäxy.

Isaías 9:17

Paatykyëjxm ja Wintsën ka'ap të tpa'ëyoy ja ëna'ktëjk, ja ku'ooky u'unktëjk ets ja ku'ookytyo'oxy. Jä'ä ko aak ëxëëk ja ja'ay ja jyot wyinma'anyëty, aakyë'ë myääytyëp tyajtëp ka'apë mëpaat tuntën, ko kyajpxpëtsëmtë tsaatsy ma'atëty yajmëtoy. Paatykyëjxm ka'ap ja Wintsën ja jyoot'an xyeemy ets ka'ap tyajjëwä'äky ja tsyip y'äkë.

Isaías 9:21

Ja Manasés ja'ay nyipëtë'knëtëp ja Efraín ja'ay, ja Efraín ja'ay nän nyipëtë'knëtëp ja Manasés ja'ayëty ets yë'ëjëty tëë näjyëtu'un tnipëtë'ëktë ja Judá ja'ayëty. Ja Wintsën kä'äpyëm jyotxeemy, je'eyëm ja ëyo'on jotmay tyajkëtä'äky.

Jeremias 21:5

Ëjts kë'ëm tsiptunaanp ets miitsëty nipëtë'ëka'antë mëët yë mëk'ajtën, tsip äkë ets joot'an.

Jeremias 27:5

Mëët yë mëj'ajtën kuttujkën ojts nyajkojyës yë naaxwiinyëtë; yë ja'ayëty ets jëyujkëty mëti'ipë jam yajpatëpën, njëkyejpyës pën nmo'ojëty mëti'ipës ënety nmo'ojäämpyën.

Jeremias 32:21

Mijts ojts yë Israel kajpn xyajpëtsëmy jap Egiptë mëët yë mëk'ajtën kuttujkën ets xyaj'ijxë yë mmëjajtën wi'ix kawi'ixëty, wa'ats yë ja'ay xy'atsë'këtyääy.

Ezequiel 20:33

Ëjts Wintsën, njuukyajtënës yam ntukkajpxpejtyp, jëtu'unës n'ëna'any, ko mëj këjää yë ëyo'on nyajkëta'aka'anyës ma miitsëtyën ets ntëytyuna'antë mëët ja ntsip n'äkës, jëtu'unës n'ënä'äma'any ma miitsëtyën.

Hechos 13:17

Ja Dios, mëti'ipë ja Israel ja'ay Tyios'ajtëpën, jä'ä ojts twin'ixy ja nteety'ajt n'ap'ajtëmë ets ojts tyajnimayë ko tsyënaaytyë jap Egiptë. Ok ojts tyajpëtsëmy mëët ja myëk'ajtën mëkpë.

Deuteronomio 11:2

Ja'aykyukëtë tii ja Wintsën mtukni''ixëjanëtëp, oy ja m'u'unk m'ëna'këty tyam ka'ap tja'akyukëtë ets ka'ap tnijawëtë. Mëmay mëtajtë wi'ix yë'ë myëjëtyën ets wi'ix winë tunyën.

Deuteronomio 15:15

Këtii xyjyä'äytyëkoyëty ko mijts ojts jap Egiptë mmëtuny m'ëyoy ets mWintsën yë'ë ojts jap mjuutyë. E paatykyëjxm tyam mijts ya'atë ënä'ämën nmo'oy.

Deuteronomio 26:8

Ënet ja myëj'ajtën ojts mëj këjää tyaj'ixyë ets ojts ëëts jap xyjyuutë Egiptë,

Deuteronomio 4:23

E yë'ë tëy ijxkëm xyjyä'äytyëkoytyë ja Wintsën ja kyäjpxytyu'unën, mëti'ipë yë'ë të tunyën mëët miitsëty. Nitii xykyayajnikojtu'utëty mëti'ipë yë Dios ka'ap t'ëwa'atsyën.

Deuteronomio 4:34

¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Dios jap Egiptë?

Deuteronomio 5:15

Ja'amyäts ko näjyëtu'un ojts mijts mmëtuny jap Egiptë ets Dios mëti'ipë mTios'ajtypyën ojts jap mjuutyë mëët yë myëj'ajtën kyutujkën. E paaty tyam yë mWintsën Dios, mtuk'ëne'emyë ko kopkpëky ko xymyëjjawëty yë po'kxënxëëw.

Deuteronomio 6:12

Ko ënety jëtu'un tyunyë jyätyë, këtii xyjyä'äytyëkoytyëty ja Dios, mëti'ipë ojts mjuutëtën jap Egiptë ma ënety mëtun m'ëyowtë.

Deuteronomio 7:19

Yë ëkja'amyätstë wi'ix yë Dios yë mëj ëyo'on kanaakjëjp jap tyajkëtäkyën Egiptë ets miitsëty ojts kë'ëm xy'ixtë, wi'ix ojts yë myëj'ajtën tyaj'ixyë ets ja kyutujkën ets jëtu'un jap myajpëtsëëmëtë. Näyjyëtu'un ja Dios tuna'any ja naax kajpn mëti'ipë miitsëty mtsë'këtyëpën.

Deuteronomio 7:8

E yë Wintsën tëë jap myajpëtsëmëtë Egiptë ma ënety mëtun m'ëyowtën, ko jap myajpëtsëëmëtë mëj këjää yë myëj'ajtën tyaj'ijxë ma yajkutujkpën, jä'ä ko mëk ënety mtsokëtë mjawëtë ets niwa'aka'any ja y'ayuk mëti'ipë tyukwinwa'anëyën ja m'ap m'okëty.

Deuteronomio 9:29

E mijts Wintsën wa'ats xynyijawë, ko ya'atë naax kajpn, mijts mkajpn'ajtyp, mijts kë'ëm të xyjyuuty jap Egiptë mëët yë mmëjajtën ets mkutujkën.