Éxodo 6:2 - Biblia Dc en Mixe de Quetzaltepec

² Ënet yë Dios ojts tmëkäjpxy yë Moisés ets t'ënëmaay: Ëjts WINTSËN.

Biblia Mixe de Quetzaltepec

² Ënät yë Tios ojts tmëkäjpxy yë Moisés ets t'ënëmaay: Ëjts WINTSËN.

Éxodo 6:2 Iomraidhean Croise

Génesis 15:7

Jëtu'un y'ënëmaayë: Ëjts jëtu'un Wintsën. Ëjts mijts të nyajpëtsëmy Ur, ma nyaaxjotmën yë Caldeo ja'ayëty ets ya'atë naax kam mijts ntukkumayä'äny.

Éxodo 12:12

Näy jä'ä tsu'umës ëjts njëtita'any jap Egiptë winjëën wintëjk etsës nyaj'o'kta'aja'any tëkokyë yë kä'äxkopktëjk maajaty yë jëën tëjkën. Näyjyëtu'unës nyaj'o'kta'aja'any tëkokyë yë jëyujkëty yë kyä'äxkopkëty etsës ntëytyuuntaja'any tëkokyë mëti'ipë tios'ajtëpën Egiptë. Ëjts, mëti'ipë Wintsën'ajtpën, ëjts ënaanp.

Éxodo 14:18

Koos ënety jëtu'un të nyajkëxë'ëky ja nmëj'ajtënës ma ja mëj'ënä'ämpën, mëët nitëkokyë ja tsyiptuunpëtëjk ets ja kyepywyintëkäämpëty ets ja kyëwaayëty, ënätnëm nëjkx ja Egiptë ja'ayëty y'ëna'antë ko janty ëjtstëm jëtu'un Wintsën.

Éxodo 15:3

Yë Wintsën yë'ë tu'uk mëjtsiptuunpë. Wintsën, xyëëwajtyp.

Éxodo 17:1

Ënet nitëkokyë tsyo'ontaaytyë ja Israel ja'ayëty ma Sin të'ëts itjotmën ets tyajpuwa'atstë ja tyu'ujëty wäänjaty, jëtu'un tä ënety ja Wintsën të tni'ënä'ämën. Ënet jam tsyënaaytyaknpëjktë, ma ja it txëëwatyën Refidim, ma tääpë it naaxwiinyëtën, kamaa ënety jam yë nëë mëti'ipë y'uuktëpën ja Israel ja'ayëty.

Éxodo 20:2

Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënety mmëtuny m'ëyoyën.

Éxodo 3:14

Ënet ja Dios y'ëtsoowë: ËJTS JËTU'UN MËTI'IPË ËJTS'AJTPËN. Ets tyaa nëjkx xy'ënëëmë yë Israel ja'ayëty: Yë mëti'ipë ËJTS'AJTPËN, yë'ëjës të xykyexy ma yaa miitsëtyën.

Éxodo 3:15

Ojts yë Moisés näjyëtu'un yë Dios y'ënë'ëmxëty: Jëtu'un xy'ënëëmëty yë Israel ja'ayëty: Yë Wintsën mëti'ipë Tyios'ajtëpën yë m'ap m'okëty, yë Abraham, Isaac ets Jacob, yë'ëjës të xykyexy yaa ma miitsëtyën. Ya'atës jëtu'un nxëëwajtyp xëmëkyëjxm, ya'atës jëtu'un nxëëwajtyp winë xëëw.

Éxodo 6:29

jëtu'un t'ënëmaay: Ëjts jëtu'un Wintsën. Tukmëmëtya'ak yë Egiptë mëj'ënä'ämpë tëkokyë mëti'ipë yam ntuk'ënëmääpyën.

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kuttujkën tëypyë jaantypë.

Éxodo 6:8

Jamës yë naax kajpn nyajnëjkxa'any maas ojts yë Abraham, Isaac ets Jacob të ntukwinwanëtën ets yë'ë tjä'ä'atëty. Ëjts jëtu'un Wintsën.

Isaías 42:8

Ëjts jëtu'un Wintsën, jëtu'unës ja nxëëw, ka'apës nkupëka'any ets pën wiinkpë yajmo'ojëty yë nmëj'ajt n'oyajtënës ets oynatii tios xy'ëwtatëty ijxtëmës ëjtsën.

Isaías 43:11

Ëjts xëmë Wintsënajtp; ka'ap maa wiinkpë mëti'ipë yajnitsokpën.

Isaías 43:15

Ëjts jëtu'un Wintsënajtp, mëti'ipë të tyajkojyën yë Israel kajpn, Dios wa'atspë, mëti'ipë yajkutujkpën ma miitsëtyën.

Isaías 44:6

Yë Wintsën mëti'ipë yajtsokën yë Israel kajpn, yë Wintsën mëti'ipë maaytyääyëpën winë, jëtu'un y'ënä'äny: Ëjts jëtu'un tso'ontak ets ëjts jëjpkëjxp; ka'ap maa wiinkpë jëtu'unpë tä ëjtsën.

Jeremias 9:24

Pën nämyëjjawëjanëp, yë'ë nätyukmëjjawëtëp koos ëjts xy'ixy'äty ets koos ëjts nWintsën'aty, koos ëjts winë ntuny mëët ja tsojkën ja'awën, ja nipaye'eyën ets ja tëyajtën, yë jëtu'unpë yë'ëjës ntukxoontäkpy.

Ezequiel 20:5

Jëtu'un xy'ënëëmëty: Jëtu'un yë Wintsën y'ënä'äny: Koos ojts nwin'ixy yë Israel kajpn, ojtsës mëët yë käjpxytyu'unën ntuny yë y'u'unk y'ok ets ojtsës jap Egiptë nnänyikëxë'ëkyë. Mëët tu'uk ja mëj winma'any n'ënëmaaytyës: Ëjts jëtu'un Wintsënajtp, mëti'ipë miits m'ëwtajtëpën.

Malaquías 3:6

Ëjts Wintsën, ka'apës nyajtëkatsy yë njot nwinma'any, paaty miitsëty Jacob yë y'u'unk y'ok ka'ap m'atëkoytyë.