Éxodo 5:9 - Biblia Dc en Mixe de Quetzaltepec

⁹ Mëk tääpë ja'ayëty xyajtuntëty ets këtii ninu'un xyajpo'kxtëty, këtiipë tmëpëktëty mëti'ipë ja win'ëënanëtëpën.

Biblia Mixe de Quetzaltepec

⁹ Mëk tääpë ja'ayëty xyajtuntëty ets këtii ninu'un xyajpo'kxtëty, këtiipë tmëpëktëty mëti'ipë ja win'ëënanëtëpën.

Éxodo 5:9 Iomraidhean Croise

2 Reyes 18:20

¿Ëkë jä'äjën m'ëna'any ko ja aaw ayuk oypyë yajmëtoyën näjyëtu'un yë tsyowpaaty tä ja jot winma'anyën mëti'ipë yajmëët'ajtpën ko ja jëën tsip yajniwinmayë? ¿Pën mtuk'ijxpejtyp ets ënät ka'ap mëj xy'ëk'ijxnëtyës?

Job 16:3

¿Këtii jëtää tjëkyepy ëxëëkpë aaw ayuk nijëna'a kyutëkoytyë? ¿Tii winma'any tääpë xyajnätyijëtë? Ko aak wiink xymyëtowtë ja aaw ayuk mëti'ipës nkäjpxypën.

Éxodo 5:10

Ënet ojts jam tsyo'onëtë ja ja'ayëty mëti'ipë ja tuunk nyiwintsën'ajtëpën ets myiintë ma ënety jam ja mayjyä'äyëtyën ets t'ënëmaaytyë: Yë mëj'ënä'ämpë jëtu'un y'ënä'äny, ko ka'apëk m'ëk yajmooynyëtëty yë mëëy.

Éxodo 5:8

E yë muutsy näjyëtu'un may je'eyëm xytyuk'ënä'ämtëty, jëtu'un tä tyampaat tyajkojtën, nitu'uk kyatëkoy'atëty. Yë'ëjëty nëkoo je'eyë nyuux'atë, paaty ya'axtë jyoktë ets y'ëna'antë: nëjkx ëëts yë Dios yë wyintsë'kën n'ëkmo'otë.

Jeremias 43:2

tä yë Azarías, yë Hosaías yë myaank, yë Johanán, yë Caréah myaank ets wiinkëtypë ja'ayëty amëj akëjxmëpë jyä'äy'atën, jëtu'un t'ënëmaaytyë ja Jeremías: Mëti'ipë mnimëtyäkpyën ka'ap myëtëyëty. Yë Wintsën mëti'ipës nTios'ajtëpën, ka'ap jyëtu'unëty të m'ënë'ëmxëty ets ka'ap të y'ënä'äny ets ka'ap nnëjkxtëtyës jap Egiptë tsënääpyë.

Zacarías 1:6

E yë n'ayukës ets n'ënä'ämënës, mëti'ipës ënety të ntuknipëktën ja nkäjpxynyajxpëtëjkës, ojts pyaatëtë yë m'ap m'okëty. Yë'ëjëty ojtsës xynyiwinpitë ets ojts tja'akyukëtë ko paatyës ënety o'ktëy të nyajjat të nyajkëpätë jä'ä ko jëtu'unëtën ënety nyitëkëtë ja y'ëxëëktu'un y'ëxëëkkajpxënëty, ko ka'ap ënety tii oy të tuntë.

Malaquías 3:14

Jëtu'un të m'ëna'antë: Nëkoopë Dios nmëtu'unmëty. ¿Tii mpatmëp n'ijxmëp ko ëëtsajtëm näpyëjktakëmëty mon tuk jëtu'un tä ja'ay nyäxyoxyën ko o'kën tëko'oyën y'ity jam Dios wintum mëti'ipë maaytyääyëpën winë?

Efesios 5:6

Këtii pën mnätyukwin'ëënëtëty mëët ja aaw ayuk mëti'ipë ka'ap tyunyën; jä'ä ko yë'ëkyëjxm jëtu'un ja Dios ja tsyäätsy tyu'unën myina'any ma ja ja'ayëtyën mëti'ipë ka'ap të myëmëtoyën.