Éxodo 5:6 - Biblia Dc en Mixe de Quetzaltepec

⁶ Jä'ä xëëw ojts ja mëj'ënä'ämpë t'ënä'ämta'ay ja ja'ayëty mëti'ipë ja tuunk nyiwintsën'ajtëpën maajaty ja ja'ay tyuntën ets t'ënëmaay:

Biblia Mixe de Quetzaltepec

⁶ Jä'ä xëëw ojts ja mëj'ënä'ämpë t'ënä'ämta'ay ja ja'ayëty mëti'ipë ja tuunk nyiwintsën'ajtëpën maajaty ja ja'ay tyuntën ets t'ënëmaay:

Éxodo 5:6 Iomraidhean Croise

2 Crónicas 26:11

Tam ijty yë Uzías näjyëtu'un tmëët'aty may yë ja'ay mëti'ipë tsip'ixyëtyën, jëna'ajëty ijty tsyoontë ets nëjkx muum tsyiptuntë, jaaypyëtsimy ijty muum nyëjkxtë; yë'ë yë Jehiel jaaypëtsëëmëtëp mëti'ipë ja yajkutujkpë jyääpyë'ajtypyën ets Maaseías, mëti'ipë nyiwintsën'ajtypyën yë tsiptuunpëtëjkëty, yë Hananías yë'ë tu'uwinwoowëtëp, mëti'ipë ja yajkutujkpë tyukwinkuwa'këpën ja tsip.

Éxodo 1:11

Ënet ojts ja Egiptë ja'ayëty tpëjkta'aktë ja tuunpëwintsën mëti'ipë nyi'ënä'ämëtëpën mëktä'äky ja tuunk ma ja Israel ja'ayëtyën ma jam ja tuunk tyajtu'uye'eytyën. Ojts atsip tyukojëtë mäjtsk ja kajpn mëti'ipë txëëwajtëpën Pitón ets Ramsés, jam ijty tii winë tpëjkë'ëky ja mëj'ënä'ämpë mëti'ipë jap yajkutujkpën Egiptë.

Éxodo 3:7

e ja Dios ojts jyaak mëtyä'äky ets y'ënäny: Ëjts wa'atsës të n'ixy të ntuny wi'ixës yë nnaax nkajpn jap y'ëyoyën Egiptë. Tëës nmëtoow'ity yë y'ëjën tyu'kënëty, mëët ko mëk y'ënä'ämëtë myëkajpxëtë mëti'ipë nyiwintsën'ajtëpën ja tuunk ëyo'on ets tëëjës wa'ats nijawë wi'ix jap jyatën kyëpätën.

Éxodo 5:10

Ënet ojts jam tsyo'onëtë ja ja'ayëty mëti'ipë ja tuunk nyiwintsën'ajtëpën ets myiintë ma ënety jam ja mayjyä'äyëtyën ets t'ënëmaaytyë: Yë mëj'ënä'ämpë jëtu'un y'ënä'äny, ko ka'apëk m'ëk yajmooynyëtëty yë mëëy.

Éxodo 5:19

Ja mëti'ipë nyikopk'ajtëpën ja Israel ja'ayëty mëk tja'awëtyë ko jëtu'un ja mëj'ënä'ämpë y'ëtsoowëtë, ko näy je'eyëm ja muutsy tkë'ëyaktëty xëmë winjëpom ets ka'ap mëpaat yajkuwitsy.

Éxodo 5:7

Këtii xy'ëkmooynyëtëty yë Israel ja'ayëty yë mëëy jëtu'un tä të y'ityën ets yë'ë myuuty tukyajkojtëty, ko tyajmëyatëty yë myiiyëty, kë'ëm nëjkx t'ixta'atë.

Proverbios 12:10

Yë wa'ats ja'ay wyinja'ap ko jëyujk jya'ap winë, yë ëxëëk ja'ay ka'ap tnijawë tii yajtijp näpya'ëyowë.

Deuteronomio 1:15

Paatyës ojts nikajpxpety ja ja'ayëty tu'ukjaty ma tu'kkajpnjatypë yajpaatën, mëti'ipë wijyëtyën ets nyijawëtëp ja tuunk ets ojts yë'ëjëty nkutujkënmo'oyës ma miitsëtyën. Tam mëti'ipës ntuknipëjkën twintänëty ja ja'ay nitu'kmilpë, nimëko'pxpë, niwëxytyikxymyajkpë, nimajkpë ets tam mëti'ipë tu'kkajpn ojts je'eyë pyäätyën.

Deuteronomio 16:18

Nikajpxpätë yë ja'ayëty mëti'ipë kutuunk'atëpën ma ja naax kajpnën mëti'ipë yë Wintsën mo'ojanëtëpën ets yë'ë myëku'uk tnikopk'atëty ets tnipaye'eytyëty yajxon ja jyiiky myëku'uk ja nyëë pyokyëty ets ja y'amay jyotmayëty.

Josue 24:1

Ënet yë Josué tyajtu'ukmujktaay yë Israel ja'ay jam Siquem. Ojts tmëkajpxmuky jam Wintsën wintum yë mëjja'aytyëjkëty, kopktëjkëty ets tsiptuunpë wintsëntëjkëty,

Josue 24:4

e yë Isaac mäjtsk ja myaank y'ijty, Jacob ets Esaú. Yë Esaú yë'ëjës ojts nmo'oy ja Seir tunjot kopkjot ets yë'ë tnaax'atëty; yë Jacob ets y'u'unk y'ëna'k Egiptë ojts nyëjkxtë.

Josue 8:33

Tëkokyë ja ja'ayëty jam nyäpyëjktakëtë, ma ja kaaxën mëti'ipë ja käjpxytyu'unën myë'ijtypyën mëti'ipë ja Dios jyä'ä'ajtypyën, yë kukajpn ets jaaypyaat jaaypyo'kxyëty. Näyjyëtu'un ja mëjja'aytyëjkëty, ënä'ämpëtëjkëty ets ja tsiptuunpë wintsëntëjkëty. Jëtu'un ja näkyënu'kxë tpaata'antë ni'ëmukë, jam ma ënety ja teetytyëjkëty mëti'ipë Leví ja'ayëtyën myëtënaaytyëpën kyejkyijxyëty. Nikujkwä'kxy jam yajpaatë ma ja Guerizim kopkën, ets ja kujkwä'kxy jam yajpaatë ma ja Ebal kopkën, jëtu'un tä ënety tëëyëp yë Moisés të tni'ënä'ämën, ja Wintsën ja tyuunpë.