Éxodo 5:2 - Biblia Dc en Mixe de Quetzaltepec

² Ënet ja mëj'ënä'ämpë y'ëtsooy. ¿Pën Wintsënëtën m'antijpy ets pën timyë'ënë etsës ënät nmëmëtowëty ëkë etsës ënät yam najtsmajtsëpëty yë Israel ja'ayëty? Tääpë wintsën xynyikäjpxyën, ka'apës n'ixy'äty ets näy ka'apës yam n'ëxmatsëty yë Israel ja'ayëty.

Biblia Mixe de Quetzaltepec

² Ënät ja mëj'ënä'ämpë y'ëtsooy. ¿Pën Wintsënëtën m'antijpy ets pën timyë'ënë etsës ënät nmëmëtowëty ëkë etsës ënät yam najtsmajtsëpëty yë Israel ja'ayëty? Tääpë wintsën xynyikäjpxyën, ka'apës n'ixy'äty ets näy ka'apës yam n'ëxmatsëty yë Israel ja'ayëty.

Éxodo 5:2 Iomraidhean Croise

2 Reyes 18:35

¿Jam jëtää tu'ukën ja tios mëti'ipë ja naax kajpn të t'ëkyajtso'oky ko ja Asiria ja'ayëty të tyukja'tëtë? ¿Wi'ixën ko miitsëty je'eyëm maytyë mtajtë ko yë Wintsën yajtso'okäämpy yë Jerusalén kajpn?

2 Crónicas 32:14

¿Pën tëë pyutëkëty yë Wyintsën koos ja nteety n'apëty mëët tsyiptuuntë? ¿Tyam wi'ix ënät jëtu'unpë winma'any xypyatëpë ko yë mTios yë'ë myajtso'okanëtëp?

2 Crónicas 32:15

Këtii xymyëpëktë ijxtëm yë Ezequías m'ënë'ëmxëtën, këtii myajwin'ëëntë, nitu'uk yë naax kajpn të kyamayëtë nyäyajtso'okëtëty mëët ëëtsëty ets mëët ja n'ap n'okëtyës, ni yë'ë miitsëty yë mTios kyamayëtëty etsës xy'awa'ktuktëty.

2 Crónicas 32:19

Jëtu'un ja Jerusalén ja'ay ja Tyios yajtijtë ets yajpëjkta'aktë tä jeexyë oy nyapën Wintsënëty mëti'ipë ja wiinkëtypë kajpn y'ëwtajtëpën.

Nehemías 9:10

Mëjwiin këjää ojts ja mëj'ajtën xyaj'ixyë ets mëjwiin këjää winë xytyuuny ma ja yajkutujkpë ënety yajkutukyën, wa'ats t'ijxtaay tnija'awëtyääytyë ja tyuunpëtëjkëty ets ja wyintsëntëjkëty mëët ko ënety janty amëj akëjxm tyimnäyajnaxyë ets ko ënety o'ktëy ja Israel ja'ay timtyuny timy'ënëëmë. Jëtu'un'äämpy ja'ay mpëjktakë ijtëpën oy tyimmaajëty.

Job 15:25

Jëtu'un jyäty kyëpety ja ja'ay mëti'ipë nyipëtë'kpyën ja Dios, mëti'ipë tsyipwinkajpxëpën ja Dios, mëti'ipë maaytyääyëpën winë,

Job 15:26

mëti'ipë näjya'awëyëpën akëëytyuky yowë yajpaaty ets mëët tsyiptuna'any ja Dios.

Job 21:15

¿Pën maaytyääyëp winë ets yë'ë nmëtu'unmëty? ¿Tii npëjkmëp npatmëp ko yë'ë nmënu'kxtakmëty?

Salmos 10:4

Yë ëxëëk ja'ay amëj akëjxm yë wyiin jyëjp tsajptijy ets y'ënä'äny: ko ka'ap ma Dios, pën xy'ëkyajtëwëpës tiis ntuunpy nkäjpxypën. Yi'iyë myääpy tyäjpy.

Salmos 12:4

mëti'ipë maaytyëp tajtëpën: Yi'iyë ko wiin aaw yajmëëtëty, yë'ë yajtukmëtakp, yë yä'än yë'ë kuwaanp. ¿Pën xy'ëk'ënä'ämëp?

Salmos 12:5

Yë Wintsën jëtu'un të y'ënä'äny: Yë ëyoopëja'aytyëjk ets paki'ixtëjk; o'ktëypyë jyatën kyëpätën, mëti'ipë jëëytyëp yaxtëpën. Yë'ëjës yam mputëkëjantëp etsës nkuwa'ana'antë, ijxtëm yë'ë tsojkën'atën.

Salmos 14:1

Ja'ay mëti'ipë winma'anytyukën ënaanp ko ka'ap ma Dios, tëë wyinma'any tyëkooytya'atë, aakyë'ë të tuntë ëxëëkpë. Ka'ap ma pën mëti'ipë oypyë tyunëpën.

Éxodo 3:19

E ëjts wa'atsës nijawë ko ja mëj ënä'ämpë japë Egiptë tyunyën ka'ap mtsojk'ëxmatsa'anëtë; atsip nëjkx m'ëxmatsëtë.

Éxodo 7:17

Paaty tyam, jëtu'un yë Dios y'ënä'äny: Tyam xynyijawëty ko ëjts Wintsën. Koos ënät yam nwojpyu'kxëty yë nëë, mëti'ipë pëyë'kpën ma mëjnëëjën, mëët yë ntajkës, m'ixëp ënät ko ne'pynyën y'awinpitëty.

Proverbios 30:9

Jä'ä koos nëkooyë mëj këjää winë nmëët'atëty, tsojk mijts nja'atyëkoya'anëty ets n'ënanëtyës ko ka'ap n'ixy'äty; e koos ntim'ëyoowni'ikëty tsojkës ntëjkënëty mä'tspë ets jëtu'un nyajtëkooynyëtyës ja wintsë'kën ma mkënu'kxyxyëëwën.

Jeremias 42:13

E pën miitsëty kajts mwë'ëma'antë ma ya'atë naax kajpnën ets ka'ap xymyëmëtowtë ja Wintsën mëti'ipë mTiosajtëpën,

Jeremias 48:26

Yajmukpëkëtë yë Moab, jä'ä ko tëë yë Wintsën tkäjpxykyumëtoownaxy. Ënet yë Moab tuk'yätsëja'any yë y'iitsy ets ja'ay tyukxi'ika'anyë.

Daniel 3:15

¿Wi'i m'ëwtatantëp ets mwinkoxtänëjantëp yë awinax mëti'ipës të ni'ënä'ämën ets kyojëtyë ko ënety ja xuxpë wojpë tyëkëtë xuxpë? Jä'ä ko pën miitsëty ka'ap xy'ëwtatë ya'atë awinax, jap ënät jëëntooytyaknjoty myaj'ajëpipëtëty mëti'ipë jap tyam aanpëjkpën; e ko ënät jap myajpëjkta'aktëty ¿pën tios ënät mnäyajtso'okëtëp?

Juan 16:3

Paaty nëjkx jëtu'un y'ëtë'ëtstë, jä'ä ko ka'ap ja Dios Teety t'ixy'atë, ets ëjts nän ka'apës xy'ixy'atë.

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

2 Tesalonicenses 1:8

Yë'ë nyiminäämpy ets tukumëtowa'any mëti'ipë ja Dios ka'ap tmëmëtowtën ets ka'ap tpatuntën ja oy aaw oy ayuk ma ja Wintsën Jesukristë yajnimëtyä'äkyën.

Jueces 2:10

Ja Israel ja'ayëty mëti'ipë ënety mëët ja Josué tu'ukyë të jyuuky'atën ojts y'o'knëtë. Jëtu'un'äämyp ja ja'ayëty mëti'ipë ojts ok myintën naaxwiinyëtë ka'ap ojts näjyëtu'un tnijawëtë Wintsën ets ja myëj'ajtën mëti'ipë ënety të tuny të tkäjpxyën ma ja Israel ja'ayëtyën.

1 Samuel 2:12

Yë Eli y'u'unk y'ëna'k ëxëëk ijty jyä'äy'atë. Nijä'ä tkatuntë këwentë ma ja Wintsën ja tyuunk yajtuna'anyën,

1 Samuel 25:10

E ja Nabal tyaa ja y'ëtsooy: ¿Pënën tääpë mtijtëp David? ¿Pën ja'ayën tääpë xynyikajpxtën ko Jesé tmaankëty? tyam ya'atë xëëw ya'atë jëmëjt may yë ja'ay kye'eky jyëtity, mëti'ipë mëtuuntëpën ko ja wyintsën wyintaj tkamëj'ixtë.