Éxodo 5:12 - Biblia Dc en Mixe de Quetzaltepec

¹² Ënet ja Israel ja'ayëty tukye'eyëtyääytyë ja itjot jap Egiptë. Yë'ë y'ëxtaaytyëp yë kepywyäy ets ja mëëy, mëti'ipë yajtunantëpën ets ja mo'onts mëët tukyaj'ooka'antë.

Biblia Mixe de Quetzaltepec

¹² Ënät ja Israel ja'ayëty tukye'eyëtyääytyë ja itjot jap Egiptë. Yë'ë y'ëxtaaytyëp yë kepywyäy ets ja mëëy, mëti'ipë yajtunantëpën ets ja mo'onts mëët tukyaj'ooka'antë.

Éxodo 5:12 Iomraidhean Croise

Éxodo 15:7

Mëët yë mmëkajtën, yë'ë mëët xyjyaamte'eny xynyaaxte'eny, ja mëti'ipë mjanipëtë'kën, ko ja mjoot'an yajxon tyooypyijky. Ënet yë'ëjëty tyooytyëkooytyääytyë jëtu'un tä mëëy tyoyën.

Éxodo 5:11

Tyam miits ënät kë'ëm m'ixtëp pën maa xypyaatë mmëëy. E kajts ënät m'ëna'antëty ko yajkuwijtsy ja mtuunkëty, yë muutsy je'eyëm xyajkojtëty, tääyëm xyajkojtën.

Éxodo 5:13

Mëti'ipë ja yajkutujkpë ojts tpëjktä'äkyën ets ja tuunk jä'ä tniwintsën'atëty, winjëpom ja tuunk tni'ënä'ämëtë ets ja muutsy jëtu'un may tyajkojtëty tääyëm ënety tyajkojtën, ko ja mëëy ënety yajmo'otë. E ma ja ja'ayëty ënety naniwäänë tyuntën ets tkayajtsojka'pxtë ja muutsy, yajxon ënety yajwojpnëtë mëti'ipë nyikopk'ajtëpën ja myëku'uktëjkëty mëti'ipë tuuntëpën. ¿Tiitsën ko ka'ap xytyimyajka'pxnëtë yë muutsy, ëxë'ëy näjyëtu'un xy'ëktuunk'ajtëpë e tyam näy timjëtu'un?

Isaías 47:14

Je'eyëp ko ix, jëtu'un yë nyaxtë aay pu'uxmën, jëtu'unyë tyooytyëkoytyë, ka'ap tjëkyepy nyäyajtso'okëtëty jëënjoty. Jä'ä ko ka'ap jyëtu'unëty tä jëënpajkën ets jëënyä'änkën mëti'ipë jyëkyejpy yajnawäätsëty ets jam ja'ay jyokxpëktëty.

Isaías 5:24

Paaty miitsëty, jëtu'un nëjkx mjatë mkëpätë tä aay pu'uxm nyitoyën ets tä aaykyëta'ak jaam jok jyätyën, tä yë kepypyu'utë'ëkyën ets tä yë pyijy tyëtsta'ayën ets naax y'awinpity. Mëët ko ja Wintsën mëti'ipë maaytyääyëpën winë ja y'ijxpëjkën ets ja y'ënä'ämën ka'ap të xypyatuunëtë.

Joel 2:5

ko nyëputy ma muum nyikopkëtyën jëtu'un yajmëtoy tä pujxn wintëkäämpën, jëtu'un tä aaykyëta'ak pyijyën ko nyitoy. Jëtu'un yaj'ixtë tä tsiptuunpëtëjkëtyën mëti'ipë waatswitsy nëjkxtëpën tsiptuunpë.

Abdías 1:18

yë Jacob yë y'u'unk y'ok ets José yë y'u'unk y'ok jëtu'un yë'ëjëty tä witën, mëti'ipë poj'am jëënmatsanëtpën. Nitu'uk yë Esaú y'u'unk y'ok kyatso'oka'any. Ëjts Wintsën, ëjts ënaanp.

Nahúm 1:10

Jëtu'un tä äpnyën tëëpë yajxon nyämyatsyën, tä yë tsajpmok kepyën të'ëtspë, jëtu'un nëjkx mnitooytya'atë.

1 Corintios 3:12

Pën jää pën ja potsy yë'ë tukjëjpëja'any ja pu'ts pujxn, ja poop pujxn, tsujëtypë tsaa, kepy, mëëy ëkë waxk aay, ma ya'atë tuunk të tsyo'ontä'äkyën,