Éxodo 40:2 - Biblia Dc en Mixe de Quetzaltepec

² Ma tyu'uk anyën mëtu'kpo'opë jää nëjkx xymyä'kxy ja wit tëjk ma ja näpyaatë y'itëtyën mëët ja Dios.

Biblia Mixe de Quetzaltepec

² Ma tyu'uk anyën mëtu'kpo'opë jää nëjkx xymyä'kxy ja wit tëjk ma ja näpyaatë y'itëtyën mëët ja Tios.

Éxodo 40:2 Iomraidhean Croise

1 Crónicas 17:5

Maju'unëm jap mtso'ontën Egiptë, ëjts ka'apës nijëna'a muum tsajptëkoty të n'ity, je'eyës ja ntëjk witnikemyë muum yajpëjktakojy ets janaam jatsojk muum yajmënëjkxy.

2 Crónicas 29:3

Yë'ë ojts tyaj'ëwa'atsy yë tsajptëjk, ma mëtu'uk jëmëjt yajkutukyën ets ja tsajptëjk tkoj o'oyëy.

Éxodo 13:4

Miitsëty ya'atë xëëw jëtu'un yaa mtso'ontë, ma y'änyën ja po'o mëti'ipë xyëëwajtypyën Abib.

Éxodo 19:1

Ënet ojts ja Israel ja'ayëty jya'të jam ma tu'uk ja itjot txëëwatyën Sinaí jam të'ëts'itjotm, tëkëëk po'o ënety të nyäxy ma tsyo'ontën jap Egiptë.

Éxodo 26:1

Oytyun tu'uk yë tsajptëjk, majkwitsy xyajtunëty yë linë wit awiity, ukywyit, tsu'unk wit ets tsaptswit; jam xykyëxjo'okëty yë tsajpjotmëtë kukäjpxy y'awinax.

Éxodo 26:30

Tääts ënät xyajkojëty ja tsajptëjk, tä të nmo'oyën ja nyi''ijxpät ma ya'atë tun kopkën.

Éxodo 26:7

Oytyun näjyëtu'un majktu'uk yë po'o'atëëytyuk, aakyë'ë tsajppax nyipo'o myajtuunëp ets yë'ë xytyuknitëyëty ja tsajptëjk.

Éxodo 27:21

Yë Aarón ets y'u'unk y'ëna'k yë'ë ya'atë kutë'kxn xëmë yaj'oyëtëp ets jëtu'un tu'ktsu'um tyë'kxëty jyajëty ma ja wit tëjkën ma ja näpyaatë y'ityën mëët yë Wintsën, jëxkë'ëytsyow ma ja wit'atëëytyukën mëti'ipë y'atëëytyujkypyën ja kaaxë mëti'ipë ja käjpxytyu'unën myë'ijtypyën. Ya'atë ënä'ämën xëmëkyëjxm y'itëty ma ja Israel ja'ayëtyën ets ma ja y'ok'u'unk y'ok'ëna'këtyën.

Éxodo 30:36

Tääts wäänë xymyä'äjëty ooky yajxon ets jam xypyëjkta'akëty winkon ma kaaxë y'ityën, jap ma ja wit tëjkën ma ja näpyaatë y'ityën mëët ja Dios, jap n'antijyës maas jap näpyaata'anyën mëët mijts. Ya'atë on wa'ats y'ita'any ma miitsëtyën.

Éxodo 35:11

Yë tsajptëjk mëët yë nyiwittëjk, yë nyiyä'äp ja wit tëjk, yë jyo'knëty, yë nyikepy, yë nyikepyëty mëti'ipë yajtukpakë'ëtëpën, yë nyixeny, yë nyi'ëjx,

Éxodo 36:18

Ojts t'oytyuny wëxtyikxy majk yë jo'kn, mëti'ipë oytyunyën mëët yë tsuxkpujxn ets jä'ä mëët yajtuk'ajo'kmukëty ja wit tëjk.

Éxodo 40:1

Ënet yë Dios ojts tmëkäjpxy yë Moisés ets t'ënëmaay:

Éxodo 40:6

Tä ënät näjyëtu'un xykyiiytya'akëty ja wintsë'këntyakn ma jëyujk nyitoytyëtyën, winkon xypyëjkta'akëty ma ja tsajptëjk yajnitëkën, jä'ä ja wit tëjk ma ja näpyaatë y'ityën.

Ezequiel 40:1

Ma myajk anyën yë po'o, jä'ä xëëw ma jemy jëmëjtën, ojts yë Wintsën yë kyë'ë tpëjktä'äky maas ëjtsën ets ojts nwin'ixyës xywyoownëjkxy jam ma Israel nyaaxjotmën. I'px mëkoxk jajëmëjt y'apäjnë ma ënety të nyajmënëjkxtënës tsum matsy jam Babilonyë ets majkmajkts jëmëjt ma ënety ja Jerusalén kajpn të yajnitëkën. Jam ma Israel yë nyaaxjotmën jam ojts yë Wintsën xyajpetyës ma tu'uk yë kopkën; jam n'ijxpatyës ëpa'tkë'ëmtsow, tamtëm yë tëjk jyätyë, mëj kajpnën kyëxë'ëky.

Ezequiel 45:18

Ëjts Wintsën, jëtu'unës yam n'ëna'any: Ko tyu'uk'anëty yë mëtu'kpo'opë, yë'ë nëjkx jää xyaktë yë tsajpkaa ayääkë mëti'ipë oy mëkën ets yë'ë mëët wya'atsëty yë tsajptëjk.