Éxodo 4:18 - Biblia Dc en Mixe de Quetzaltepec

¹⁸ Ënet ja Moisés wyimpijty ma ja myë't ja tyëjkën ets t'ënëmaay: Tyam kopkpëky ko nëjkxëtyës jap Egiptë, ma jap tsyëënëtën ja njëëky nmëku'ukës. Yë'ëjës nëjkx n'ixa'antë etsës nijawëja'any, pën jap jyaak juuky'atë. Oy, ka'ap tääpë wyi'ixëty, tyam nkexy oy tsuj, jëtu'un ojts y'ëtsoyë ja Jetro.

Biblia Mixe de Quetzaltepec

¹⁸ Ënät ja Moisés wyimpijty ma ja myë't ja tyëjkën ets t'ënëmaay: Tyam kopkpëky ko nëjkxëtyës jap Egiptë, ma jap tsyëënëtën ja njëëky nmëku'ukës. Yë'ëjës nëjkx n'ixa'antë etsës nijawëja'any, pën jap jyaak juuky'atë. Oy, ka'ap tääpë wyi'ixëty, tyam nkexy oy tsuj, jëtu'un ojts y'ëtsoyë ja Jetro.

Éxodo 4:18 Iomraidhean Croise

Génesis 45:3

Ënet ja José t'ënëmaay ja myëkä'äxtëjk: Ëjts jëtu'un José. ¿Jamës ja nteety jyuuky'ätynyëmë? Tä ojts nyäy'ëtsë'ëkëtë ko ojts tjawëtë ko tam twin'u'unyëtë ets ka'ap ënety t'ëkjëkyäjpnë y'ëtsowtëty.

2 Reyes 5:10

E ja Elisejë ojts tu'uk tkexy ja kyukäjpxy ets ja ayuk tyajnaxëty, ma y'ënä'änyën: Nëjkx jam mtsi'iy wëxtujk'ok ma mëjnëëjën mëti'ipë yajtijpën Jordán, jëtu'unts ja mnini'kx wa'ats wyë'ëmëty ets ja pu'uts pa'am jyëwa'akëty ma mjot mnini'kxën.

2 Reyes 5:19

Tä ja Elisejë y'ëtsoowë: Nëjkx akujk jotkujk. Jëtu'un ojts ja Naamán jam tsyo'onë. E tam ënety këjäätëkë nyëjkxnë,

Éxodo 2:21

Jëtu'un'äämpy ojts yë Moisés jam wyi'imy tsënääpyë ma ja Reuel yë tyëjkën, kom ok tääts yë Reuel tyajpëjky yë Moisés mëët yë nyëëx mëti'ipë xyëëwajtypyën Séfora.

Éxodo 3:1

Yë Moisés yë'ë ënety kyëwent'ajtëp ja myë't Jetro kyupixyny, mëti'ipë jam teety'ajtpën Madián, e tëkok ojts jam twojpnëjkxy ma të'ëts'it të'ëtsnaaxën, jam tyimja'ajty ma tu'uk ja mëj kopkën, mëti'ipë ja Dios jyä'ä'ajtypyën, jä'ä txëëwaty Horeb.

Lucas 7:50

Tääts ja Jesús tjaaknëmaay ja to'oxytyëjk: Jä'äkyëjxm të mnitso'oky ko mijts të xymyëpekyës, oy mnëjkxnëty akujk jotkujk.

Hechos 15:36

Komjeky ja Pablo t'ënëmaay ja Bernabé: Oy nja'amëty jatëkok kajpn kajpn maajëty ja Dios ja y'aaw y'ayuk të nkajpxwa'kxëmën ets n'ijxmëty ja nmëku'uk'ajtëmë wi'ix jam jyatë kyëpätë.

Hechos 16:36

Ënet ja pujxntëjk këwent'ajtpë t'ënëmaay ja Pablo: Tëës ja kutuunktëjk xytyuk'ënä'ämtë ets n'ëxmatstëty. Oy mnëjkxtëty akujk jotkujk.

1 Timoteo 6:1

Yë mëtuunpëtëjkëty mëti'ipë nitookyën, myëmay myëtajtëp ko ja wyintsënëty patëtëp ets yawintsë'ëkëtëty, këtiipë tëkatsy ja Dios ja xyëëw yajnimëtya'akëty ets näjyëtu'un mëti'ipë ëëts n'ijxpëjkëmën.

Jueces 18:6

Ets ja teety y'ëtsoowëtë mëti'ipë Leví ja'ayën: Nëjkxtë akujk jotkujk, yë Wintsën yë'ë mkëwent'atanëtëp oy maa mja'tëty.

1 Samuel 1:17

Nëjkx akujk jotkujk Jëtu'un y'ënëmaayë ja Eli, yë Dios mëti'ipë Tios'ajtpën ma Israel kajpn, yë'ë mo'ojëtëp mëti'ipë të xy'amëtoy të xypyëjktsoyën.