Éxodo 4:13 - Biblia Dc en Mixe de Quetzaltepec

¹³ Yë Moisés ni'ikyë y'ënaan'ëtë'ëtsy: Ay Wintsën, yë'ëjës yam n'amëtoopy yë mëyajtën ets wiinkpë xykyäxëty.

Biblia Mixe de Quetzaltepec

¹³ Yë Moisés ni'ikyë y'ënaan'ëtë'ëtsy: Ay Wintsën, yë'ëjës yam n'amëtoopy yë mëyajtën ets wiinkpë xykyäxëty.

Éxodo 4:13 Iomraidhean Croise

Génesis 24:7

Yë Wintsën, yë Dios tsajpjotmëpë, mëti'ipës ojts xyajtsoonyën maas yë nteety ntaak yë jyëën tyëjkën ma ja y'it nyaaxwiinyëtën ja njëëky nmëku'ukës. Ets ojts xytyukwinwanës ya'atë it naaxwiinyëtë, ko tmo'oja'any yë n'ok'u'unk n'ok'ëna'kës, yë'ë näjyëtu'un ënät kyäxëp ja Dios ja tsyajpjotmëtë kukäjpxy ma mijtsën. Ets xyajmin xyajja'tëty ja to'oxy'ëna'k, mëti'ipës ja nmaank Isaac tyo'oxytyëjk'atëpën.

Génesis 41:35

Ets tyajtu'ukmujkta'ajëty yë tsajpmok ma ya'atë jëmëjt myinyën kyëtä'äkyën, ma winë y'ita'any wyintëwa'anyën ets tpëjkta'aktëty ma tu'uk yë ijtaknën, e yë nwintsënës yë'ë kyë'ë'am'atëp, jam tpëjkë'ëktëty ma naax kajpnën, mëti'ipë ja'ayëty nätyuk'ix nätyukmëyatëtëpën ets mëti'ipë jyë'kxtëp pyëktëpën.

Génesis 48:16

Yë Dios yë tsyajpjotmëtë kukäjpxy mëti'ipës xyaj'ëwaatsëpëtsëëmpën ma ëxëëkpë jëpyëkpën. Yë'ë kyënu'kxëp jyëkyäpëp ya'atë ëna'këty. Mëët yë'ëkyëjxmëty ja'amyetsy xëmë yë nxëëwës y'itëty ets xyëëw yë nteetyës n'apës Abraham ets Isaac. Myëët'atëp nimay yë y'u'unk y'ëna'këty, ets jëtu'un nimay y'itëty tsyëënëtëty yaa naaxwiiny.

1 Reyes 19:4

E yë'ë ojts tsyo'onë, jamtsow ojts nyijkxy të'ëts'itjotm, tu'kxëëw ojts yajxon ye'ey, tä jam nyaaxwe'tsy kepypya'tkë'ëm. Nëkooyë y'ënu'kxënyë, mëpaatëp y'o'knë, paaty y'ënäny: Wintsën wä'än jääpaat, pëjkëkës yë njuukyajtën, jä'ä ko ka'apës jëtu'un ntsoowpaaty tääjës yë n'ap n'okën.

Éxodo 23:20

Ëk'ix, ntuknikäxäämpy tu'uk yë nkukexyës, mëti'ipë m'ijx'it mkëwent'atëtëpën ma në'ë tu'ujën ets myajja'tëtëty jam ma ja itjotmën, mëti'ipë të ntuknipëjkë'ëkën.

Éxodo 4:1

Yë'ëjëty ka'apës yë xymyëpëktëty ets nän ka'apës yë xytyuntëty kyëwentë, jëtu'un y'ëtsooy ja Moisés. Yë'ëjëty tsojk nëjkx ni'ikyë y'ëna'antë, ko yë wintsën ka'ap maa të npaatyës.

Éxodo 4:12

Paaty nëjkx tyam, ëjts mijts njämyëët'atäämpy, ko ënety mkajpxa'any mëtya'aka'any, ëjts mijts ntukni''ixëp tii mkajpxëp mëtya'akëpën.

Éxodo 4:14

Yë Dios wiink ojts tjawë ko jëtu'un ja Moisés y'ënä'äny, ënät y'ënëmaayë: Yë'ë ënëëmë yë m'ajty Aarón, yë Leví ja'ay, nnija'apës ko yë'ë oy yë y'iy kyäjpxy, tää mniminyë ets jotkujk ënät nyäjyawëtëty, ko m'ixëtëty.

Jeremias 1:6

Ënätës n'ëtsooy: Wintsën. Ëjts tim ëna'knëmës, ka'apës ntukjaty n'ëwëty nkajpxëty.

Jeremias 20:9

Koos n'ëna'any: Ëjts ka'apës yë Wintsën n'ëkja'amyätsanë ets ka'apës yë xyëëw n'ëknikajpxanë; koos jëtu'un n'ëna'any ënät jap njootjotyës njawë yë m'aaw m'ayuk tsyooypyiky jëënën ets jëtu'unës ntimjyawë tim tsääpy tim no'kp yowë, tyimtuktëjkëp njawës nwaay npajk. Koos njaakkumä'kxëja'any, nijënu'un tkajëkyepy.

Jonás 1:3

E yë Jonás, kyäjpxykyumëtoownajx yë Wintsën ets ni'ikyë tkukeky, jam ojts nyijkxy Jope ma kepy nëëwinye'epyë tsyoontën jya'tën. Tam ënety tu'uk yë kepy nëëwinye'epyë tyimtsona'any mëti'ipë nëjkxpën Tarsis ko jam jyä'äjty, jä'ä tyuktëjkëy, jëyëjp t'ajuuytyujky ja y'ënyääytyakn ets ojts nyijkxy jam Tarsis.

Jonás 1:6

Ënet ojts nyijëjptä'äkyë ja kepy nëëwinye'epyë wintsën ets y'ënëmaayë: Mijts ¿tiitën ko je'eyë mtimmyaanë? Pëtë'ëk ets xymyëkajpxëty yë mTios. Wä'än xyjyä'ämyäjtsëm ets xyajtsokmëty.

Mateo 13:41

Yë naaxwiinyëtë ja'ay y'U'unk kyäxäämpy ja y'anklëstëjk ets twoowmujkta'aja'any ma kyutujktaknën mëti'ipë ja myëku'uk yajpokytyuuntëpën ets mëti'ipë ja ëxëëkpë tyuunk'ajtëpën.

Juan 6:29

Ënet ja Jesús y'ëtsoowëtë: Mëti'ipë Dios tsyojkpyën ets xytyuntëty, yë'ë ets miits xymyëpëktëty mëti'ipë të tkexyën.

Jueces 2:1

Ënet ojts tu'uk yë Dios yë kyukäjpxy jam tsyoony Guilgal ets ojts nyijkxy Boquim, jam t'ënëmaay ja Israel ja'ayëty: Ëjts miits të njuutë jap Egiptë ets yaa të nyajmintë ma ya'atë it naaxwiinyëtën mëti'ipës ojts ja m'ap m'ok ntukwinwanëtën: Ja käjpxytyu'unën mëti'ipë të ntu'unëmën ka'ap ja nijëna'a nyaj'atëkoyä'änyës,