Éxodo 32:7 - Biblia Dc en Mixe de Quetzaltepec

⁷ Ënet ja Dios t'ënëmaay ja Moisés: Jotëkoy ets mjëjpta'akëty jap ëpa'tkë'p, jä'ä ko ja mnaax mkajpn mëti'ipë jap myajpëtsëëmën Egiptë, tëë ja nyäyajtu'utëkoyëtë.

Biblia Mixe de Quetzaltepec

⁷ Ënät ja Tios t'ënëmaay ja Moisés: Jotëkoy ets mjëjpta'akëty jap ëpa'tkë'p, jä'ä ko ja mnaax mkajpn mëti'ipë jap myajpëtsëëmën Egiptë, tëë ja nyäyajtu'utëkoyëtë.

Éxodo 32:7 Iomraidhean Croise

2 Crónicas 27:2

Jotam oy winë tuuny ma Wintsënën, jëtu'un tä Uzías ënety winë të tunyën mëti'ipë yë'ë tyeety'ajtën. Je'eyëp ko yë'ë ka'ap jap tsajptëkoty tyëjkëy. E oy jyajëtu'unëty ja naax kajpn je'eyëm ojts winë ëxëëk tuny tkäjpxy.

Salmos 78:36

E nëkoopë ja tyajmëtowëtë, jä'ä ko aak antaktëp ënety je'eyë,

Éxodo 19:24

E yë Dios tyaa y'ëtsoowë: Nëjkx, jëjptakoj ets ok mëët mku'tëty yë Aarón. E yë teetytyëjkëty ets ja'ayëty ka'ap mëpaat twinnaxtë yë tsëpa'an ets yaa näjyëtu'un myina'antëty maas ëjts nyajpaatyën, këtiipës ëxëëk n'ëtë'ëtsëtyës ma yë'ëjëtyën.

Éxodo 32:1

Ko ja Israel ja'ayëty t'ijxtë ko ja Moisés nëkooyë pyoxnë jam kopkëjxm, ënät ojts jam nyämyukëtë ma ja Aaronkën ets t'ënëmaaytyë: Jotëkoy ets xy'oytyunëty tu'uk yë nwintsënëtyës mëti'ipës xytyu'uwinwowtëpën, jä'ä ko yë Moisés ka'ap y'ëkyajnija'awënë pën tii të jyätyë, mëti'ipë ojts ëëtsëty xyjyuutën jap Egiptë.

Éxodo 32:11

Yë Moisés ojts tjayajxäämanë mëktä'äky ja Wyintsën Dios ja jyoot'an mëët ya'atë aaw ayuk: Wintsën, ¿wi'ix ko nëkooyë xytyimtukjoot'anpëky yë mnaax mkajpn, mëti'ipë mijts kë'ëm mju'tën jap Egiptë mëët yë mmëjajtën, mëti'ipë jap myaj'ijxën mëj këjää?

Éxodo 32:4

ets t'ëxajëy ja pu'ts pujxn ets jap tyajwin'ë'tsy jëënjoty, yë'ë ojts mëët tyajkojy tu'uk yë awinax, jëtu'unpë kyëxë'ëkyën tä tsajpkaajën. Ënet ja mayjyä'äy y'ënaantaaytyë: Israel ja'ayëty, ya'atë jëtu'un mwintsën'ajtëp, mëti'ipë ojts jap mjuutëtën Egiptë.

Éxodo 33:1

Tä yë Dios t'ënëmaay yë Moisés: Nëjkx ënät tyam, tsoon yaa ma ya'atë it naaxjotmën, woownëjkx ya'atë naax kajpn mëti'ipë jap mju'tën Egiptë. Jam tyam nëjkxtë ma ja it naaxjotmën mëti'ipës ojts ja Abraham, Isaac ets Jacob ntukwinwanëtën, koos yë y'u'unk y'okëty nmo'oja'antës tääpë it naaxwiinyëtë.

Isaías 1:4

Mëkës njajantyjyawë ko je'eyë nëë poky tuntë tkajpxtë, ja naax kajpn mëti'ipë je'eyë ëxëëkpë myë'ijtypyën, ets ja ja'ay mëti'ipë je'eyë jyot wyinma'any yajtëkooytyëpën; ja u'unk ëna'k ka'apë nijënu'un jyä'äkyukëtën. Tëë ja Wintsën tmëjëkämkäknëtë, tëë tpuwa'ktutnëtë ja Dios mëti'ipë wa'ats yajpatpën jam ma Israel ja'ayëtyën, tëë yajxon t'ëxmajtsnëtë.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Oseas 9:9

Ko ëxajë mjëtitë mëët yë wit meeny jä'ä të mnätyuk'ëxëëktunëtë, tä ojts jyäty kyëpetyën jam Guibeá. E yë Wintsën jyä'ämyätsäämpy yë m'ëxëëktu'un m'ëxëëk kajpxënëty ets mtuktëytyunanëtëp yë mnëë mpokyëty.

Deuteronomio 31:29

Jä'ä ko wa'atsës nijawë, koos ënät n'o'knëty yajtëkoytyëp ënät ja jyot wyinma'anyëty ets t'ëxmajtsnëtëty ja n'aaw n'ayukës, mëti'ipë të ntuk'ënä'ämtënës tpanëjkxtëty. Ets nän ntimnyija'apës wa'ats, ko ënät jëtu'unpë ja winma'any tpaatëty, ëxëëk nëjkx tmëjat tmëkëpätë, mëët ko ja Wintsën ënety tkamëmëtowtë ets tkamëjpëjkta'aktë ets jëtu'un të tyajjoot'anpëktë.

Deuteronomio 32:5

Miitsëty ëxëëkja'aytyëjkëty, mëti'ipë ka'ap oypyë ja jot winma'any xymyëët'atën, mëti'ipë je'eyë yajjoot'anpëjktëpën yë Dios, ets ka'apë pyaatëtë yaj'u'unkniwa'antëty.

Deuteronomio 4:16

Ets këtii oynatii xyajnikojtu'utëty, ëkë xyaj'akojnaxtëty tu'uk yë to'oxytyëjk ëkë ye'etyëjk,

Deuteronomio 9:12

Ënätës xy'ënëmaay: Jënak poj'am jä'ä ko ja naax kajpn mëti'ipë të xyajpëtsëmyën jap Egiptë, tëë ja nyäyajtu'utëkoyëtë. Ka'ap ninu'un të jyeky ets të t'ëxmatstë, mëti'ipës të njatuk'ënä'ämtën tuntëty, tëë tu'uk tyajkojtë ja awinax, pujxn të tuk'oytyuntë.

Deuteronomio 9:8

Ko ënety jam myajpaatë ma ja Horeb kopkën, ojts yë Wintsën yajxon xyajjoot'anpëktë, ojts jya'ëna'any ets jeexyë mtimyajkutëkooytyääyëtë.

Jueces 2:19

E ko ja ja'ay y'o'knë mëti'ipë ënety tsip'ixyën ets tëë ja nyaax kyajpn twinye'ey ënätyë ijty jatëkok ja wyinma'any tyajtëkoytyë ets ni'ik o'ktëy winë tuntë këtiinëm ja y'ap y'okëty, t'ëwtatë ja wiink tios ets tmëtuntë. Ninu'un ënety tkatimy'ëxmatstë ja y'ëxëëktu'un y'ëxëëkkajpxënëty ets ja y'ëxëëkjot y'ëxëëk winma'anyëty.