Éxodo 32:12 - Biblia Dc en Mixe de Quetzaltepec

¹² ¿Wi'ix jëtu'un ko ënät xy'ëwa'atsa'any ets Egiptë ja'ayëty y'ëna'antëty: Dios tëkatsy ënety yë wyinma'any, ko ojts yaa Egiptë yajpëtsëmëtë, paaty ojts yaa jyuutëtë, jä'ä ko jam yaj'ooka'anëtë muum kopkkëjxm ets jëtu'un'äämpy jyo'otsa'anëtë yaa naaxwiiny naaxkëjxy? Yajjëwa'ak jëtu'unpë winma'any ma mijtsën, ko m'ëna'any ko xyajkutëkoyä'äny yë mnaax mkajpn.

Biblia Mixe de Quetzaltepec

¹² ¿Wi'ix jëtu'un ko ënät xy'ëwa'atsa'any ets Egiptë ja'ayëty y'ëna'antëty: Tios tëkatsy ënäty yë wyinma'any, ko ojts yaa Egiptë yajpëtsëmëtë, paaty ojts yaa jyuutëtë, jä'ä ko jam yaj'ooka'anëtë muum kopkkëjxm ets jëtu'un'äämpy jyo'otsa'anëtë yaa naaxwiiny naaxkëjxy? Yajjëwa'ak jëtu'unpë winma'any ma mijtsën, ko m'ëna'any ko xyajkutëkoyä'äny yë mnaax mkajpn.

Éxodo 32:12 Iomraidhean Croise

Génesis 6:6

Mëk ja Wintsën tja'awëy jä'ä ko kë'ëm ënety të t'ëkyajkojy ja ja'ay. Mëët ja mëkjotmay,

1 Reyes 8:51

Jä'ä ko mkajpnën yë'ë, mëti'ipë ojts xyajpëtsëmyën jap Egiptë, ma ënety yajpaatën jëënjoty yowë nyitoytyë.

Esdras 10:14

Nikë oy jeexyë ëëts yë nkutuunk wyë'ëmtë, mëti'ipë jää y'ixtëpën wi'ix ya'atë jotmay y'oyë ets ëpëky xyëëw jeexyë näjyëtu'un myiintëpë ja ja'ayëty mëti'ipë të pyëktën mëët wiink to'oxytyëjk ka'apë t'ëwtatën yë Wintsën, paminëtëp ja kyutuunktëjkëty, koonëm ja Wintsën ja jyoot'an xyäämëty.

Salmos 106:45

ënety ojts tja'amyetsy ja käjpxytyu'unën mëti'ipë ënety mëët të tunyën, tää tyajtëkajtsy ja jyot wyinma'any, jä'ä ko yë tsyojkën jya'awën ni'ik myëj kyëjääjëty.

Salmos 74:18

Mijts Wintsën mja'amyätsëp wi'ix yë mmëtsip myajjoot'anpëkyën ets wi'ix yë ja'ay winma'anytyukpë ëxëëk mnikäjpxy mnimëtyä'äkyën.

Salmos 78:38

E yë Dios mëj këjää yë pa'ëyo'owën najts'ëyo'owën tmëët'aty, nyimä'kxëp ja pyoky ets ka'ap tyajkutëkooynyëpë; kanaak ok jëtu'unyë tyajninajxy ja tsyip y'äkë, ets ka'ap ojts nëkooyë tunyë këwentë ko jya'ëwa'antäky.

Salmos 85:3

tëë mjotxeemy jatëkok ets tëë mjoot'an xyajnaxy.

Salmos 90:13

Wintsën, niwinpijtëkës jatëkok Këtii mpo'oxy. Tun yë mëyajtën, mëët'at pa'ëyo'owën mëët ya'atë ja'ayëty mëti'ipë mmëtuunëtëpën.

Éxodo 32:14

Yë Dios, ojts jëtu'unpë ja winma'any tjantyajjëwä'äky ma yë'ëjën, ko jya'ënany ja nyaax kyajpn tyajkutëkoyä'äny.

Éxodo 33:13

E pën janty tëy m'ëna'any, tuknija'awëkës tii mtuknipëjktakëp etsës akujk jotkujk nwë'ëmëty, jëtu'un mijts xëmë ntuk'ijxpätëty, yë'ë ëkmëmay ëkmëtaj, ko ya'atë naax kajpn mijts yë mjä'ä.

Isaías 64:7

Ka pën mkamëkäjpxyë ets ni pën kya'ëna'any jamës näkyuwanëja'anyë ma mijtsën; paaty je'eyë të mnäyu'tsënë etsës të xy'ëxmajtsnëtë ko je'eyë ëxëëkpë ntuntë nkajpxtës.

Isaías 64:8

E mijts Wintsën, je'eyëm nteety'atë e ëëtsëty jëtu'un tä mo'ontsën ets mijts mnajxp tä tu'ts pojtspën; aakmijts ëëts të xyajkojtë.

Jeremias 28:16

Paaty yë Wintsën y'ënä'äny: Oy nkäxëty naaxwiiny, je'eyëp ko tu'ukyë nyajtëkoyä'äny. Ya'atë jëmëjt m'ooka'any, jä'ä ko je'eyë naax kajpn të xy'akajpxë etsës xymyëtsiptsoontëty.

Ezequiel 20:14

e ëjts koos yë nxëëw nkayajnipäxëtëkëja'any ka'apës jëtu'un ntuuny, këtiipë tëkatsy nwë'ëmëtyës ma ja wiinkëtypë ja naax kajpnën mëti'ipë ënety të t'ixtën koos jap Egiptë nyajpëtsëëmtë.

Ezequiel 20:22

je'eyëp ko mëkës ojts nmä'kxtuky, këtiipës ja nxëëw nyipäxëtëkëty ma ja naax kajpnëtyën mëti'ipë y'ijxtën wi'ixës ënety ja Israel kajpn të nyajpëtsëmyën jap Egiptë.

Ezequiel 20:9

E ëjts kë'ëmës ojts nämyëmay nämyëtajyë ets ka'apës ja nxëëw nyajnipäxëtëkëjany, këtiipë tëkatsy nwë'ëmëtyës ma ja wiinkëtypë ja naax kajpnën ma ënety yë'ëjëty jyuuky'atën; jä'ä ko tëëjës ënety ja wiinkëtypë ja naax kajpn ntukmëtoy koos ja Israel kajpn nyaj'ëwaatsëpëtsëma'any jap Egiptë.

Joel 2:17

Wä'än yë teetyëjk tjë'ëtë tya'axtë, mëti'ipë jap tsajptëkoty tuuntëpën, mëti'ipë yajpatëpën itkujky ma ja wintsë'këntyaknën ets ma ja tëjkëtyaknën, wä'än t'ëna'antë: Mä'kx, Wintsën yë mnaax mkajpn; këtii xyajkutukëty ets mnaax mkajpn pën tyukxi'ikëtëty; këtii xy'ëwa'atsëty ets wiinkëtypë naax kajpn myëmëta'akëtëty ets y'ëna'antë mëti'ipë ka'ap yë Wintsën t'ëwtatën: ¿Maa ënät ja Tyiosëty?

Amós 7:3

Ënet ja Wintsën të t'akajpxtuky ja ëyo'on mëti'ipë ënety të tuknipëjktaakën ets të y'ënä'äny: Ka'ap tyunanënëpë ya'atë ëyo'on.

Amós 7:6

Ënet ja Wintsën të t'akajpxtuky ja ëyo'on mëti'ipë ënety të tjatuknipëjktaakën ets të y'ënä'äny: Ka'ap tyunanënëpë ya'atë ëyo'on.

Jonás 3:9

wä'änxyëp yë Dios xynyijoowinpijtmëty ets xyäämëty yë tsyip y'äkë ets jëtu'un ka'ap n'o'kmëty.

Zacarías 8:14

Jëtu'un yë Wintsën y'ënä'äny mëti'ipë maaytyääyëpën winë: Ëjts tëëjës ënety ntuknipëjktaakë koos ntëytyuna'antë yë m'ap m'okëty mëët koos xyajjoot'anpëjktë ets jekyës ojts jëtu'unpë winma'any nmëët'aty.

Deuteronomio 13:17

Nitii xykyamëwë'ëmtëty, mëti'ipë ënety yë Wintsën të tuknipëjktaakën kyutëkoyëty ets jëtu'un nëjkx ka'ap mtukjoot'anpëkëtë. Ni'ikyë nëjkx mpa'ëyow mnajts'ëyowëtë ets nëjkxëp myajmëj myajmayëtë jëtu'un tä ojts tukwinwanën ja m'ap m'okëty.

Deuteronomio 32:36

Yë Wintsën nyiwaantu'utäämpy yë nyaax kyajpn, ko ënety t'ixy të y'ënu'kxëtyääynyëtë. Yë Wintsën pya'ëyowäämpy yë tyuunpë kyupëjkpë, ko ënety t'ix, ko ka'ap ma pën mëti'ipë ka'ap myëkëtyën ets mëti'ipë mëkëtyën.

Deuteronomio 9:28

Këtiipë käjpxy jam y'ëna'anëty ma ojts xyajpëtsëmyën: Yë Wintsën ka'ap të myäyë ets tääpë naax kajpn jam tyajja'tëty ma ja it naaxwiinyëtën, mëti'ipë tyukwinwa'anëyën, e jä'ä ko wyiink'ijxypytyëm jëtu'un, je'eyë ojts yaa twoowtsoony ets jam të'ëts'itjotm t'ëxmajtsy ets y'o'kta'atëty.

Josue 7:26

Ok ojts may tuknipiwtë yë tsaa, tyampaat je'eyëm jam tsaanipiy yaj'ixy. Paaty ojts txëëwmo'otë ja it naaxwiinyëtë Acor. Koonëm jëtu'un jyajtë kyëpäjtë täänëm ja Wintsën ojts tuk'ëwa'anxeemy ja Israel kajpn.

Josue 7:9

Ja Canaán ja'ayëty mëti'ipë winkon tsënaaytyëpën ko ënät nijawëtëty koos ka'ap ja nmëtsip të xyajmëta'aktë, yë'ë nämyukëtëp ënätëty ets xyajkutëkoya'antëtyës. E ko ënety ëëts të n'o'kta'atë, ¿pën ja mxëëw nyaja'amyätsëp?

1 Samuel 12:22

Jä'ä ko yë Wintsën mëti'ipë ënety m'ëwtajtëpën ka'ap nëkoo xyëëw tukxi'ika'any, paaty ka'ap yë m'ëxmatsa'anëtë, ni'ikyë tkuwa'ana'any ja mkajpnëty.