Éxodo 30:8 - Biblia Dc en Mixe de Quetzaltepec

⁸ Näyjyëtu'un ko jyënäkyxyëëwajnëty yajtoyëp jää ko näjyëtu'un ja kutë'kxën tjëjpkonëty. Ya'atë jëtu'unpë xëmë yaj'oytyuntëty Wintsën wyintum, tyim itëty jëtu'un kë'ëyxyëëw kë'ëyjyëmëjt.

Biblia Mixe de Quetzaltepec

⁸ Näyjyëtu'un ko jyënäkyxyëëwajnëty yajtoyëp jää ko näjyëtu'un ja kutë'kxën tjëjpkonëty. Ya'atë jëtu'unpë xëmë yaj'oytyuntëty Wintsën wyintum, tyim itëty jëtu'un kë'ëyxyëëw kë'ëyjyëmëjt.

Éxodo 30:8 Iomraidhean Croise

2 Crónicas 26:18

ets ojts t'ojtë ja yajkutujkpë, jëtu'un t'ënëmaaytyë: Mijts yajkutujkpë tëë mtëkoy, jä'ä ko ka'ap myijtsëty mpaatyë xyakëty yë wintsë'kën ets mijts xytyukwino'ok xytyukwinxamëty yë poom yë Wintsën, yë teetytyëjkëty yë'ë patëtëp, yë Aarón yë y'u'unk y'ok, mëti'ipë të yajtukmëkënu'kxëtën. Paaty tim pëtsëm tyämyë, jä'ä ko mijts ka'ap yë Wintsën të xymyëj'ixy, yë'ë ka'ap t'oy'ixy ko mijts jëtu'un të m'ëtë'ëtsy.

Salmos 141:2

Wä'änës yë ntsajpkäjpxy jam tja'ty ma mijtsën tä poom jyokyën, koos yë nkë'ë nxajë'ëkëty jëtu'un nyaxëty tä jeexyë wintsë'kën myajmo'oyën ko jyënäkyxyëëw'aty.

Éxodo 12:6

Jam xymyëët'atëty ets këwent'aty xyaj'itëty koonëm ënety ja xëëw tpaaty ma ya'atë po'o myajkmajkts anyën. Tukë'ëyë ja Israel ja'ayëty jää nëjkx tyaj'ooktë ja tsyajppaxëty ëkë kyupixynyëty ko jyënäkyxyëëw'atëty.

Éxodo 25:37

Oytyun wëxtujk yë nyikutë'kxn, jam xypyëjkta'akëty këjxm ma naje'eyë kyutë'kxëtyën wintuuytsyow,

Éxodo 27:21

Yë Aarón ets y'u'unk y'ëna'k yë'ë ya'atë kutë'kxn xëmë yaj'oyëtëp ets jëtu'un tu'ktsu'um tyë'kxëty jyajëty ma ja wit tëjkën ma ja näpyaatë y'ityën mëët yë Wintsën, jëxkë'ëytsyow ma ja wit'atëëytyukën mëti'ipë y'atëëytyujkypyën ja kaaxë mëti'ipë ja käjpxytyu'unën myë'ijtypyën. Ya'atë ënä'ämën xëmëkyëjxm y'itëty ma ja Israel ja'ayëtyën ets ma ja y'ok'u'unk y'ok'ëna'këtyën.

Éxodo 30:7

Xëmë winjopy yë Aarón tpëjkta'akëty yë poom ets yë'ë jap pa'akxuukëp, jää xëëw tpëjkta'akëty ma ja kutë'kxn tyaj'oyëtën.

Éxodo 30:9

Këtii oymyëti'ipë poom xypyëjkta'akëty ma ya'atë wintsë'këntyaknën ets ni yë'ë tsajpmok jam xykyapëjkta'akëty ets ni yë'ë tsatym nyëë jam xykyaxijkxjëtitëty.

Romanos 8:34

¿Pën xy'ëkyajnitujkëmëp? Kristë Jesús mëti'ipë ojts y'ookyën ets mëti'ipë ojts jyuukpyikyën ets tam yajpaaty Dios y'aka'anytsyow ma xynyinu'kxtakëmën.

1 Tesalonicenses 5:17

Ja'amyätstë ja Dios xëmë.

Hebreos 7:25

Paaty myäyë tyaj'ëwaatsëpëtsëmëty xëmëkyëjxm mëti'ipë myëwinkoontëpën ja Dios, jä'ä ko jyuuky'äty xëmëkyëjxm ets tninu'kxta'akëty ma ja Tiosën.

Hebreos 9:24

Jä'ä ko ja Kristë ka'ap jap tyëjkëy ma ja wit tëjkën mëti'ipë ja naaxwiinyëtë ja'ay të tkojtën, mëti'ipë je'eyë y'awinax'ajtypyën ja mëtëypyë ja tsajptëjk, ma tyam yajpaatyën Dios wyintum ets xëmë xynyinu'kxtakëmë.

1 Samuel 2:28

E ma tëkokyë yë Israel ja'ayëtyën, mijts ojts nwin'ixtë etsës xymyëtuntëty ets mteety'atëty. Xyaktëty ja wintsë'kën ets xynyino'oktëty jam ma ja wintsë'këntyaknën, xyajtoytyëty ja poom ets xëmë xymyëët'atëty ja mwitëty mëti'ipë mëteety'atëpën ëjts nwintuuyës. Ojts näjyëtu'un nmo'oyës yë m'ap m'okëty ja jë'kxy pëky tä ja tsyu'utyën mëti'ipë myëmiintëpën ja Israel ja'ayëty ets yë'ë tsu'utstëty tjë'kxtëty.