Éxodo 30:12 - Biblia Dc en Mixe de Quetzaltepec

¹² Ko xyajpëtë'ëkëty tu'uk yë jaaymyujkën, ma tu'ukjaty ja Israel ja'ay yajkëxja'ayën ja xyëëw, yakëp wäänë oytyiijëty ets yë'ë ja jyuukyajtën tukuyakëty, mëti'ipë ja Dios jä'ä myo'ojëpën, këtiipë tii ëyo'on kyëta'akëty ma jyuuky'ajtënën mëët ko ënety ja jaaymyujkën myuky.

Biblia Mixe de Quetzaltepec

¹² Ko xyajpëtë'ëkëty tu'uk yë jaaymyujkën, ma tu'ukjaty ja Israel ja'ay yajkëxja'ayën ja xyëëw, yakëp wäänë oytyiijëty ets yë'ë ja jyuukyajtën tukuyakëty, mëti'ipë ja Tios jä'ä myo'ojëpën, këtiipë tii ëyo'on kyëta'akëty ma jyuuky'ajtënën mëët ko ënäty ja jaaymyujkën myuky.

Éxodo 30:12 Iomraidhean Croise

1 Crónicas 21:1

Ënet ja mëjku'u jam jyä'äjty ma ja Israel ja'ayëtyën ets mëktä'äky ja David tuktuuny ja mëti'ipë ka'ap y'oyëtyën ma ja Israel yajjaaymyuktën.

1 Crónicas 21:12

win'ix pën mtsojkpy tëkëëk jëmëjt ja yuu, ëkë tëkëëk po'o ma ja mëtsip mëët mtsiptunëty, ëkë tëkëëk xëëw ma ja pa'am ëyo'on yajpaatëty ma naax kajpnën mëti'ipë ja Wintsën yaj'itäämpyën ma mëët ja kyukäjpxy tyaj'ita'anyën ja ëyo'on jotmay. Mëmay mëtaj mëti'ipës ënät ntuk'ëwaanëpën mëti'ipës të xykyexyën.

1 Crónicas 21:14

Ënet ja Wintsën tkejxy ja pa'am ëyo'on jam ma Israel kajpnën ets mayjyä'äy y'o'ktë tyëkooytyë, jä'ä nyiwinë'ajtë ja o'kpëty tëkë'px majk mil.

1 Crónicas 21:3

E Joab tyaa y'ëtsooy: Wintsën tyunëp yë mëyajtën ets mëko'pxnaxy ja'ay jyaak nimayëty; ¿je'eyëp ko yë'ëjës oy ka'ap nijawë, wi'ixën ko xytsyojkpë ja'ay yajjaamyukëty pë aakmijts yë ja'ay mnitënääpy? ¿Tii ko nëkoo je'eyë mpoky xy'ixta'aja'any?

1 Crónicas 27:24

Ënet ja Joab tyajtso'ontäky ja tuunk ma ënety tjaaymyuka'anyën ja ja'ay, je'eyëp ko ka'ap tyajwintu'upëjky, jä'ä ko tääpë jëtu'unpë, ojts ëyo'on jam tyajkëtä'äky ma Israel ja'ayëtyën. Paatykyëjxm ka'ap y'akëxë'ëkë ninaak ja ja'ay nyimay'atën ma ja nokyën mëti'ipë ojts kyojyën ko ja yajkutujkpë David ojts y'ëne'emy.

2 Crónicas 24:6

Ënet ja yajkutujkpë ojts tmëkäjpxy ja teety Joiadá ets t'ënëmaay: ¿Wi'ix ko ka'ap mëktä'äky xytyuk'ëne'emy yë Leví ja'ayëty ets tyajmuktëty ja këpäjtën jam Judá ets Jerusalén mëti'ipë ja Moisés ojts tni'ënä'ämën ets mëti'ipë ja naax kajpn ojts tni'ënä'ämën mëti'ipë jap tunëpën ma ja wit tëjkën ma ja näpyaatë y'ityën?

2 Crónicas 24:9

Ënet tyajwa'kxtaaytyë ja ayuk ma naax kajpnën, ko tëkokyë ja Israel ja'ayëty kopkpëky ko ja y'ayajk y'ako'onën tyaktëty mëti'ipë ojts tni'ënä'ämën ja Moisés, ja Wintsën ja tyuunpë ets tuknipëjky tpatuntëty ja Israel ja'ayëty.

Job 33:24

wä'än pya'ëyoyë ets wä'än Dios t'ënëëmë: Yajpëtsëm o'këntujp, jä'ä ko tëëjës npatë mëti'ipë yajpëtsëmëtëpën ëyo'ontum,

Job 36:18

Mëk yë mjuukyajtën xykyëwent'atëty ets këtii nëkoo wit meeny mnätyukwin'ëënëtëty, këtii yë wit meeny yë'ë may xytsyojkën'atëty.

Salmos 49:7

e oyts tii may tjamëët'atë ka'ap yë'ëjëty yajtso'onka'anëtë, ets ka'ap tjëkyepy yë Dios tukmëjuytyëty ets ja jyuukyajtën nyitso'oktëty.

Éxodo 30:11

Ënet ja Dios ojts tninëjkx ja Moisés ets t'ënëmaay:

Mateo 20:28

Jëtu'un ijxtëm ëjtsën, ka'apës yë'ëjëty të niminy etsës yë ja'ay xymyëtunëty, yë'ëjës të niminy etsës ja ja'ay nmëtunëty etsës nkëpätëty ja naaxwiinyëtë ja'ay ja nyëë pyoky.

Marcos 10:45

Jä'ä ko ka'ap yë'ëjëty ëjts të niminy etsës nyajmëtunëty, yë'ëjës të niminy etsës ja ja'ay nmëtunëty ets nkëpätëtyës may ja ja'ay ja pyoky ko ni'o'ktu'utëtyës, jëtu'unts may nyitso'oktëty.

1 Timoteo 2:6

Jesukristë tëë tku'ookë ja ja'ay ni'ëmukë ets ja nitsokën tpaatëty mëti'ipë yë'ë yajnikëxë'kën jëna'a ënety ja nyixëëw të tpaatyën.