Éxodo 3:6 - Biblia Dc en Mixe de Quetzaltepec

⁶ Ets ojts tjaaknikäjpxy: Ëjts jëtu'un ojts xyTios'atë yë m'ap m'okëty. Ëjts jëtu'un xyTios'ajtë yë Abraham, Isaac ets Jacob. Yë Moisés ënätyë ojts nyäwyinkumo'kxëty, jä'ä ko yë'ë ojts tsë'ëkë, ko ja Dios jeexyë t'ixy,

Biblia Mixe de Quetzaltepec

⁶ Ets ojts tjaaknikäjpxy: Ëjts jëtu'un ojts xyTios'atë yë m'ap m'okëty. Ëjts jëtu'un xyTios'ajtë yë Abraham, Isaac ets Jacob. Yë Moisés ënätyë ojts nyäwyinkumo'kxëty, jä'ä ko yë'ë ojts tsë'ëkë, ko ja Tios jeexyë t'ixy,

Éxodo 3:6 Iomraidhean Croise

Génesis 12:1

Tëkok ja Dios t'ënëmaay ja Abram: ëxmats yë mnaax mkam, mjëën mtëjk, mjëëky mëku'uk ets mteety mtaak, nëjkx jam ma ja it naaxwiinyëtën mëti'ipë yam ntukni''ixëjäämpyën.

Génesis 12:7

Ënet ojts jam yë Dios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënet ojts yë Abram pojën t'oytyuny tu'uk ja wintsë'këntyakn, jä'ä ko ënety jam yë Dios të nyänyikëxë'ëkyë.

Génesis 17:3

Ënet ojts yë Abram nyäkyoxtënaaytyä'äkyë, tyukpatyp yë wyimpok yë naax, tam ënety yë Dios kyäjpxy:

Génesis 24:12

Ënet ojts tyëkë kajpxtakpë ets y'ënäny: Wintsën mëti'ipë y'ëwtajtypyën yë nwintsënës Abraham. Mijts myajkutukëp ets oy wyimpëtsëm jyëjpëtsëmëty ya'atë amay jotmay tyampës nkujëtitën. Yaj'ixët yë m'oyajtën maas yë nwintsën Abrahamën.

Génesis 26:24

E jä'ä tsu'um ja Dios nyänyikëxë'kë ma yë'ëjën ets y'ënëmaayë: Ëjts jëtu'un xyTios'ajtp ja mteety Abraham. Paaty këtii mtsë'ëkëty, jä'ä ko ëjtsës mijts mëët n'ity. Mëët yë'ë ko ja n'u'unkës nmaayës Abraham oy të xymyëtunyës. Paaty näjyëtu'un mijts nkënu'kxa'any ets nyajmëjëja'any tyajmayëja'anyës ja m'u'unk m'ok.

Génesis 28:13

Näyjyëtu'un t'ijxy kootëm ja Dios wyintänëty ets y'ënë'ëmxëty: Ëjts jëtu'un Wintsën, mëti'ipë Tyiosajtën yë mtatwelë Abraham ets mteety Isaac. Mijts nmo'ojäämpy ya'atë naaxjot ma jam mko'knën ets m'u'unk m'ëna'k.

Génesis 28:17

Tä yë Jacob mëk tsyë'këy ets myääy tyäjy: Ya'atë itjot janty wa'atstëm yë'ë ets Tiostëm yë jyä'ä. Yaa jëtu'un ja Dios ja jyëën tyëjk. Ma ja tsajp tmëët'atyën ja nyitëjkëtyakn.

Génesis 31:42

Ko jeexyë ja Dios xykyani''ijxkëtä'äkyës mëti'ipë yë Abraham y'ëwtajtën, ja Dios mëti'ipës ijty ja nteety Isaac y'ëwtajtypyën, katii nija'awën wä'änxyëp jeexyë jëtu'unyë mijts të xy'ëkwinpakäjxnës. Yë Dios yë'ë të t'ixy, ko ënety ëjts mon tuk nyajpaaty ets koos ënety mëk ntuny n'ëyoy, paaty ya'atë tsu'um të mëkmëkäpxyë.

Génesis 32:9

Tää ojts tyëkë nu'kxtakpë ets ja Dios tmëpëjktsooy: Wintsën mëti'ipë y'ëwtajtën ja ntatwelës Abraham ets ja nteetyës Isaac, mijtsës të xy'ënëëmë koos nwinpitëty maas ja nnaax nkajpnën, ma tsyëënëtën jyuuky'atën ja njëëky nmëku'ukës. Mijtsës të xy'ënëëmë näjyëtu'un, ko oy tsuj xyajwinpita'anyës.

1 Reyes 18:36

Ko ojts tpaaty ma ënety ja wintsë'kën tyaka'anyën, tä ja käjpxynyajxpë Elías wyinkoony ets y'ënäny: Wintsën, mëti'ipë y'ëwtajtën yë Abraham, Isaac ets Israel: Mijts myajkutukëp ets tyam yajnijawëty ko mijts jëtu'un mWintsën'ajtp ma Israel ja'ayëtyën ets koos mijts xytyuunpë'ajtp ets tëkokyës mëti'ipës yam ntuunpyën mijtsës të xytyuk'ëne'emy.

1 Reyes 19:13

Ko ja Elías tmëtooy, tä ënätyë nyäwyinkuju'uxëyë mëët yë nyijän, pëtsëëm jap aankjoty ma ënety yajpaatyën ets tyënaay'o'oyëy ma ja aank yajnitëkën. Tä tu'uk ja mëto'owën tyukja'ajtë, mëti'ipë nëmaayën: ¿Tiitën jää mtuumpy mijts Elías?

Nehemías 9:9

Mijts wa'ats xy'ijxy xynyija'awëy wi'ix ënety jap Egiptë y'ëyowtën ëëts ja n'ap n'okëty ets mnija'awëy näjyëtu'un ko jyiiytyë yaxtë jam nëë'ëkë'ëm ma yajtijyën Tsapts nëëpë'am.

Ester 3:4

Xëmë winjëpom ijty tjantyyajtëwtë, e ja Mardoqueo ka'ap nitu'k'aaw y'ëtsoy. Ënet ojts tuk'ëwaanëtë ja Amán ets t'ëtsë'ëkëja'antë ja Mardoqueo ets t'ixa'antë pën je'eyëm jëtu'unpë ja winma'any tmëët'aty, jä'ä ko yë'ë tëë ënety tnikäjpxy ko jyutiis ja'ayëty.

Éxodo 15:2

Ëjts nwin'ëëpy nwinyäxypyës yë Wintsën, jä'ä ko yë'ëjës xymyëkmoopy xymyëjaawmoopy ets yë'ëjës xyajnitsokp. Yë'ëjës nTios'ajtyp paatyës nwin'ëy nwinya'axy. Yë'ë näjyëtu'un yë nteetyës ojts tTios'aty, paatyës nmëjjaw nkënu'kxyjawë.

Éxodo 29:45

Ëjtsës kë'ëm jam timyajpaataanp ma Israel ja'ayëtyën ets ëjtsës xyTios'atëp.

Éxodo 3:16

Nëjkx ets woowmuk yë mëjja'aytyëjk jampë yajpaatën ma Israel ja'ayëtyën ets xy'ënëëmëty: Yë Wintsën mëti'ipë yë m'ap m'ok Tyios'atëpën, yë Abraham, Isaac ets Jacob yë Tyiosëty, yë'ë ojts nyänyikëxë'ëkyë maas ëjtsën etsës ojts xy'ënëëmë, ko tëë t'ixy tnijawë wi'ix miitsëty mjatën mkëpätën yaa Egiptë.

Éxodo 33:20

E tyam mijts yajxon n'ënëëmëty, ko yë nwiin njëjpës ka'ap tjëkyepy mijts nijëna'a xy'ixëty, jä'ä ko ka'ap tjëkyepy pën xy'ixëtyës ets ënät je'eyëm njuuky'ajt'ëtë'ëtsëty.

Éxodo 4:5

Ya'atë yë'ë jëtu'un ets tmëpëktëty, ko yë Dios yë'ë jëtu'un të nyänyikëxë'ëkyë ma mijtsën, mëti'ipë ja m'ap m'ok y'ëwtajtën, yë Tyios yë Abraham, Isaac ets Jacob.

Jeremias 24:7

Nëjkxëpës nmo'otë ijxkujk ja'aykyujkën etsës ëjts xy'ijxpaatëty ko ëjts Wintsënajtp, yë'ë nëjkx nkajpn niwa'antës etsës nëjkx ëjts xyTyios'atë, jä'ä ko ëmuumtu'ukjot nëjkx jatëkok xynyiwinpitës.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Jeremias 32:38

Nëjkxëp yë'ë nkajpniwa'anyës etsës nëjkx xyTyios'atë.

Ezequiel 11:20

Ënet nëjkx jyuuky'atë jëtu'un tääjës ja n'ënä'ämën ntëyajtën myinyën ets nëjkx tpatuntë. Nëjkxëpës nkajpn niwa'antë etsës nëjkx xyTyios'atë.

Zacarías 8:8

etsës nyajmina'any jam Jerusalén ets jam tsyëënëty. Yë'ë nëjkx nkajpn'atës etsës nëjkx xyTyios'atë, mëti'ipë xëmë mëët'atanëtëpën ets mëti'ipë tëyajtënpë tii nyipaye'epyën.

Mateo 17:6

Ko ja Jesús ja y'ijxpëjkpëtëjk tmëtoowtë, ënät nyäkyoxtënaaytyakëtë naaxkëjxy mëët ja mëktsë'ëkë.

Mateo 22:32

Ëjts xyTios'ajt ja Abraham, Isaac ets ja Jacob? Dios ka'ap yë'ëjëty niTios'aty o'kpë, yë'ë nyiTios'ajtyp mëti'ipë juuky'ajtëpën.

Marcos 12:26

E ko xymyëmay xymyëtajtë ja o'kpë pën juukpyëjkp kajuukpyëjktëp, ¿ka'anëm xykyajpxtënëm mëti'ipë ja Moisés ojts tkuja'ayën, ma tnimëtyä'äkyën wi'ix ja Dios ojts myëkäjpxyë ma ja kepy ënety wyintoyënë? Ma ja Dios y'ënëmaayë ja Moisés: Ëjts xyTios'ajt ja Abraham, Isaac ets Jacob.

Lucas 20:37

Yë'apaat ja Moisés nija'awëy ko yë o'kpë jyuukpyëka'antë, ko ojts t'ixy ja zarsa kepy tyoy. Ma y'ënä'änyën ko yë Wintsën yë'ë Abraham, Isaac ets Jacob yë Tyios.

Lucas 5:8

Ko ja Simón Pedro jëtu'un t'ijxy, ënät ojts nyäkyoxtënaaytyä'äkyë ma ja Jesús ets t'ënëmaay: Wintsën, winwa'ktutkës, ëjts pokyjyä'äyës.

Hechos 7:32

Ëjtsës xyTios'ajt ja mteety m'ap: ja Abraham, ja Isaac ets ja Jacob. Tääts ja Moisés tsyëyuuypyijky mëët ja tsë'ëkë, ka'ap tmëmëta'aka'any ets t'ixëty.

Hechos 7:34

Tëës n'ixy ja nkajpnës ko yajtëytyun yajtsaatsytyuntë jam Egiptë; tëëjës nmëtoy ko jyë'ëtë ya'axtë, ko ëxëëk jyatë kyëpätë. Paatyës nkëtä'äky ets nyaj'ëwa'atspëtsëma'antës. Tsojk min, mijts nkäxäämpy ets mnëjkxëty jatëkok jam Egiptë.

Deuteronomio 6:3

E paaty yam n'ënëëmëtë miits Israel ja'ayëty, ko yë'ë mpatuntëp. Jëtu'un oy mjuuky'atëty ets nëjkx m'awinpitë tu'uk mëj kajpn ma ya'atë it naaxwiinyëtën, ma ka'ap yë jë'kxy pëky y'ëmaaytyä'äkyën, jëtu'un ijxtëm yë Wintsën mëti'ipë m'ap m'ok Tyiosajtën ojts twinwanën.

Hebreos 11:16

E yë'ëty, yë'ë tsyojktë ja it wäänë oypyë, mëti'ipë tsajpjotmën, paaty ja Dios ka'ap tuktsëtyuny ko Tios'atëtë, jëtu'unts tnipëjktaakë tu'uk ja mëj kajpn.

Hebreos 12:21

Atsë'ëk ajawë ojts t'ixtë. Yë'ëpaat yë Moisés y'ënäny: Tsëyuupyës mëët ja tsë'ëkë.

Apocalipsis 1:17

Koos jëtu'un n'ijxy ënätës n'o'ktsoky ets nkëtaayës ma ënety jam tyänën. Ënet ja y'a'oykyë'ë mëët xymyäjtyës ets xynyëmaayës: Këtii mtsë'ëkë. Ëjts winë nyajtso'ontakës ets ëjts näjyëtu'un nyajjëjpkëxäämpyës.

Jueces 13:22

Tää t'ënëmaay ja Manoa ja tyo'oxytyëjk: Tyam kopkpëky yë'ë ko ënät n'o'kënëty, jä'ä ko tëë yë Dios n'ijxëmë.