Éxodo 3:10 - Biblia Dc en Mixe de Quetzaltepec

¹⁰ Paaty yam n'ënëëmë ets mnëjkxëty ma yam nkäxa'anyën, nëjkx jam ma kutujktaknën, ma mëj'ënä'ämpë jam y'ityën etsës yë nnaax nkajpn jap xyajpëtsëmëty Egiptë, yë'ë jëtu'un n'antijpyës yë Israel ja'ayëty.

Biblia Mixe de Quetzaltepec

¹⁰ Paaty yam n'ënëëmë ets mnëjkxëty ma yam nkäxa'anyën, nëjkx jam ma kutujktaknën, ma mëj'ënä'ämpë jam y'ityën etsës yë nnaax nkajpn jap xyajpëtsëmëty Egiptë, yë'ë jëtu'un n'antijpyës yë Israel ja'ayëty.

Éxodo 3:10 Iomraidhean Croise

Génesis 15:13

Tääts ja Wintsën y'ënëmaayë: Mnijawëp ko yë m'u'unk m'ok jëkäm jyuuky'ata'antë wiink naax wiink kajpn. Jam yajtëytyuna'antë ets ëxëëk jyata'antë. Majktaxk mëko'px jëmëjt yajtëytyuna'antë.

Génesis 15:14

E ëjts ntëytyunäämpyës näjyëtu'un mëti'ipë ënety ëxëëk tuunëtëpën ja m'u'unk m'ok. Jëtu'un ja m'u'unk m'ok y'ëwaatsëpëtsëmtëty ets jatëkok jyotmëkta'aktëty.

Salmos 105:26

Ënet yë Dios tkejxy yë tyuunpë Moisés ets Aarón, mëti'ipë ënety të twin'ixyën,

Salmos 77:20

Jëtu'un yë mnaax mkajpn të xywyinye'ey tä yë ja'ay twinye'eyën yë kyupixyny, mëët yë Moisés ets Aarón.

Éxodo 12:40

Yë Israel ja'ayëty jä'ä ënety jap të jyuuky'atë Egiptë, taxk mëko'px ja i'px majk jëmëjt.

Éxodo 12:41

Jä'ä xëëw ma ojts kyä'pxyën taxk mëko'px ja i'px majk jëmëjt, jä'ä xëëw ojts ja Dios ja nyaax kyajpn tsyo'onë jap Egiptë.

Éxodo 33:12

Ënet yë Moisés t'ënëmaay yë Dios: Ëk'ix Dios, mijts jëtu'un të m'ëna'any koos ya'atë naax kajpn ntu'uwinye'eyëty, je'eyëp ko mijts ka'apës xytyuk'ëwaanë pën mëët ntu'uwinye'eyëtyës ets näjyëtu'un m'ëna'any ko xytyukjotkujk'ajtpës ets xy'oyjya'apës.

Éxodo 33:13

E pën janty tëy m'ëna'any, tuknija'awëkës tii mtuknipëjktakëp etsës akujk jotkujk nwë'ëmëty, jëtu'un mijts xëmë ntuk'ijxpätëty, yë'ë ëkmëmay ëkmëtaj, ko ya'atë naax kajpn mijts yë mjä'ä.

Éxodo 6:26

E ya'atë ojts y'itë Aarón ets Moisés, mëti'ipë ja Dios ënëmaayëtën ets tyajpëtsëmtëty ja Israel ja'ayëty jap Egiptë, jëtu'un tä yë maytsyiptuunpë muum nimay tsyoontën waatswitsy.

Oseas 12:13

Tu'uk yë käjpxynyajxpë ojts yë Wintsën tukjuuty yë Israel kajpn jap Egiptë ets tu'uk käjpxynyajxpë ojts kyëwent'atëtë.

Miqueas 6:4

Ëjts mijts nju't jap Egiptë ets ojts nyaj'ëwaatsëpëtsëmy ma ënety mmëtuny m'ëyoyën mëët ja näwyop näkya'atsë; ojts nkexyës yë Moisés, Aarón ets Maria ets mtu'uwinwowëtëty.

Hechos 7:34

Tëës n'ixy ja nkajpnës ko yajtëytyun yajtsaatsytyuntë jam Egiptë; tëëjës nmëtoy ko jyë'ëtë ya'axtë, ko ëxëëk jyatë kyëpätë. Paatyës nkëtä'äky ets nyaj'ëwa'atspëtsëma'antës. Tsojk min, mijts nkäxäämpy ets mnëjkxëty jatëkok jam Egiptë.

Hechos 7:36

Moisés ojts tyajpëtsëmy ja nteety'ajt n'ap'ajtëm jam Egiptë; ojts tyaj'ixyë ja mëj'ajtën jap Egiptë, jam Mejyjyotm ets wëxtyikxy jëmëjt jam të'ëts'itjotm.

Hechos 7:6

Ojts ja Abraham näjyëtu'un ja Dios y'ënë'ëmxëty ko ja y'u'unk y'ok nyëjkxtëty tsënääpyë wiink ja'ay y'itjotm, ets ja ja'ay jap yajtunëtëty ëne'emy, mëk tsaatsy; taxk mëko'px jëmëjt.

Hechos 7:7

Tää ja Dios jyaak'ënany: Ëjts ntëytyunäämpyës ja ja'ayëty mëti'ipë ënety jëtu'un tuunëtëp ets ja m'u'unk m'ok nyajpëtsëma'anyës jam ets yaa myintëty etsës xywyintsë'ëkëtëty.

Jueces 6:14

Ënet ja Dios ja kyukäjpxy je'eyë wyintë'kxë ets y'ënëmaayë: Yajtun ja mjot mëjaaw mëti'ipë mëët'ajtypyën ets nëjkx yajtso'ok Israel ja'ayëty ma Madián ja'ayëtyën. Ëjts jëtu'un yam mijts nkejxyp.

1 Samuel 12:6

Ojts ja Samuel näjyëtu'un ja naax kajpn t'ënëëmë: Yë Wintsën yë'ë jëtu'un ojts tyajtuny yë Moisés ets Aarón ko tyajpëtsëëmtë jap Egiptë yë m'ap m'okëty.

1 Samuel 12:8

Ko yë Jacob ojts mëët yë y'u'unk y'ëna'k jap nyëjkxtë Egiptë ets ëxëëk tyuunëtë yë Egiptë ja'ayëty, ja m'ap m'okëty ka'ap tmëmëta'akantën ja nätsyäätyunë. Paaty ojts ja Wintsën tmëkajpxtë ets tkejxy ja Moisés ets ja Aarón mëti'ipë yajpëtsëëmtën jap Egiptë ja m'ap m'okëty ets yaa tyajmiiny ma tyam yaa mtsëënëtën.