Éxodo 28:3 - Biblia Dc en Mixe de Quetzaltepec

³ Mëëtmëtya'ak yë ja'ay mëti'ipë tyukjajtëpën wi'ix oy yë wit tujkxy tyajkojtëtyën, yë'ë yajtukni'oytyunëty yë Aarón mëti'ipë yam yajkënu'kxaanpën ets yë'ë jap tyunëty jëënjoty tsajptëkoty.

Biblia Mixe de Quetzaltepec

³ Mëëtmëtya'ak yë ja'ay mëti'ipë tyukjajtëpën wi'ix oy yë wit tujkxy tyajkojtëtyën, yë'ë yajtukni'oytyunëty yë Aarón mëti'ipë yam yajkënu'kxaanpën ets yë'ë jap tyunëty jëënjoty tsajptëkoty.

Éxodo 28:3 Iomraidhean Croise

1 Reyes 7:14

yë Hiram, yë'ë myaank tu'uk yë ku'ookytyo'oxy, Neftalí jyä'äy, mëët ojts tsyëënë tu'uk ja'ay jampë kyukajpnëtyën Tirë, tyukjajtyp ijty yajxon wi'ix yë tsuxkpujxn tuunk'atëtyën. Hiram janty wijy ijty ets nyija'ap oy ja tyuunk ma ja tsuxkpujxn tuunk'atyën; ënät jam nyäwya'këxë'kë ma ja yajkutujkpën Salomón ets ojts t'oytyuunë winë mëti'ipë ja Salomón tsyojkpyën.

Éxodo 35:10

Tëkokyë miitsëty mëti'ipë mtukjajtëpën wi'ix tii oy xyaj'oyëtëtyën, mëpaat mintëty ets xytyuunk'atëty mëti'ipë Wintsën të tni'ënä'ämën.

Éxodo 35:25

Ja to'oxytyëjkëty mëti'ipë witjo'ktëpën, oyëty ja wit tmëmiintë, ojts ja wit tmëmintë, mëti'ipë ja y'ujkën tsu'unk, uky, tsapts ets ja linë wit.

Éxodo 35:30

Ënet ja Moisés t'ënëmaay ja Israel ja'ayëty: Ëk'ixtë ma Judá yë jyä'äyën, yë'ë jam yë Dios të twin'ixy yë Besalel, yë myaank yë Urí, yë y'ok'u'unk yë Hur.

Éxodo 35:31

Tëë tmo'oy yë Dios yë myëk'ajtën y'oyajtën ets wijyajtën kujk'ajtën, ixpëkyajtën, nija'awën, wi'ix winë oy tyajkojëtyën,

Éxodo 35:35

Tëë tmo'oy yë wijyajtën, wi'ix winë oy tyajkëxë'ëkëtyën, wi'ix tii winë tsätsëty oy ets tmo'ojëty ja y'ijxën; wi'ix oy yë wit tujkxy tjo'okëtyën, tä yë witën mëti'ipë yë y'ujkën tsu'unk uky, tsapts ets ja linë wit ets tyukjajtyp wä'än timmyëti'ipëty wi'ix tyajkëxë'ëkëtyën oy.

Éxodo 36:1

E paaty jëtu'un yë Besalel, yë Oholiab ets nitëkokyë yë ja'ayëty jënu'un ja wijyajtën tmëët'atën, wi'ix winë oy t'oytyuntëtyën; pënjaty ja Dios ja wijyajtën të myo'ojëtë ets t'oytyuntëty mëti'ipë jap tunaanpën ma ja tsajptëjkën, yë'ë ja tuunk yajtu'uye'eytyëp mëti'ipë yë Dios të tni'ënä'ämën.

Éxodo 36:2

Ënet ja Moisés ojts tyaxtsoy ja Besalel, ja Oholiab ets nitëkokyë ja ja'ayëty, jënu'un ënety tukjatën winë oy tyaj'oyëtëtyën, mëti'ipë ja Dios të myo'ojëtën ja wijyajtën kujk'ajtën ets ixpëkyajtën; ma ënety kë'ëm të nyäy'ëwaanëtën ko pyutëkëja'antë ma ya'atë tuunk tyu'uye'eyën.

Proverbios 2:6

Dios yë'ë yäjkpy yë wijyajtën ets yë'ë nyikäjpxyp yë nija'awën ets ixpëkyajtën.

Isaías 11:2

Tääpë ja'ay nëjkxëp yajpaaty xëmë mëët yë Wintsën ja myëk'ajtën y'oyajtën, mëti'ipë nëjkx myo'oyën nija'awën, wijyajtën, këpetyajtën, mëk'ajtën, ixpëkyajtën ets ma Wintsënën.

Efesios 1:17

N'amëtoopyës ja Dios ja myëj'ajt jyääntyajtën mëët ja Wintsën Jesukristë ets mmo'ojëtëty ja Kënu'kxymyëkajtën mëti'ipë yäjkpyën ja wijyajtën kejyajtën, ets yajxon xynyijawëtëty ja mëti'ipë Tios'ajtpën.

Deuteronomio 34:9

E yë Josué yë myaank, yë Nun, tëë ënety yë Moisés yaj'ijxpëkyë ets wa'ats tnija'awëtyä'äy wi'ix ja naax kajpn tu'uwinye'eyëtyën; tëë ënety ja Moisés ja kuttujkën myo'oyë ma jyaak juuky'ätynyëmën, paaty ja Israel ja'ayëty ojts y'ëna'antë ets yë'ë tmëmëtowa'antë, tä ja Moisés ënety të tyuk'ëne'emyën ja Wintsën.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Dios yë yäjkpy, ja Dios mëti'ipë pyëjktakën winë jam tsajpwinm mëti'ipë ajajp atë'kxpën. Yë Dios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.