Éxodo 24:11 - Biblia Dc en Mixe de Quetzaltepec

¹¹ Dios ka'ap ojts wi'ix tuny ya'atë ja'ayëty, mëti'ipë ënety mëj'äämpy ijtëpën ma ja nyaax kyajpnën ja Israel, oy ënety tëë ja Dios tja'ixtë, ojts jam kyäytyë y'uuktë ma ënety jam yajpaatën.

Biblia Mixe de Quetzaltepec

¹¹ Tios ka'ap ojts wi'ix tuny ya'atë ja'ayëty, mëti'ipë ënäty mëj'äämpy ijtëpën ma ja nyaax kyajpnën ja Israel, oy ënäty tëë ja Tios tja'ixtë, ojts jam kyäytyë y'uuktë ma ënäty jam yajpaatën.

Éxodo 24:11 Iomraidhean Croise

Génesis 16:13

Yë Agar, yë'ë ënety Dios mëët të myëtyä'äky, paaty ojts txëëwmo'oy: Dios mëti'ipë winë y'ijxypyën tyuunpyën, jëtu'un nyämyä'äy nyätyajxëty: Tiosës kë'ëm të xytyim'ixy, e tyamës je'eyëm njaakjuuky'äty.

Génesis 18:18

Jä'ä ko teety'ataanp yë'ë ma ja mëjpë ets mëkpë ja naax kajpnën. Yë'ëjës të ntukmëkënu'kxë ja'ayëty ma tu'kë'ëyë naax kajpn ets ma naaxwiinyëtë y'ëwtityën.

Génesis 31:54

Jëtu'un yë Jacob tyaj'apatëy tu'uk yë wintsë'kën jam kopkëjxm, tääts tmëkajpxmujktaay ja jyiiky myëku'uk ets mëët kyäyä'äny y'uuka'any. Ojts jam nimay kyäytyë y'uuktë ets jam jëtu'un ja tsuu tyajnajxtë kopkkëjxm.

1 Reyes 21:8

Tä ojts tja'ay may ja noky mëti'ipë kyäjxwa'kxën, yajxon tsaaytyääy mëët ja yajkutujkpë Ahab ja kyë'ëkaa, yajtuknikäjxtë ja mëjja'aytyëjkëty ets ja kopktëjkëty jampë yajpaatën ma Nabot kajpnën.

2 Crónicas 23:20

Ënet tyajmujktaay ja ja'ay mëj'äämpyë y'itën tä ja wintsëntëjkëty, yajkutujkpëtëjk, kopktëjkëty, mëj tuunpëtëjkëty ets nitëkokyë ja mayjyä'äy. Tääts tyajtso'ontë ja yajkutujkpë jam ma ja tsajptëjkën ets ojts tyajnëjkxtë ma ja kutujktaknën; jamtsow tyëjkëtyë ma ja mëj tëjkëtyaknën jampë këjxm yajpaatyën. Judu'un tyajnaaxwä'tstë ja yajkutujkpë ma ja y'ënyääytyaknën,

Nehemías 2:16

Ja yajkutujkpëtëjk ka'ap ënety nijawëtë maas ënety të nëjkxy ets ka'ap nijawëtë tiijësën ënety jam ntuunpy. Ka'ap ënety pën nëkooyë të ntuk'ëwaanës, tä ja jutië ja'ayëtyën; tä ja teetytyëjkëtyën, mëjja'aytyëjkën, wintsëntëjkëtyën ets ja'ayëty mëti'ipë ënety yaj'a'ijxëtëpën tyuna'antë ma ja naax kajpn yajkoj'oyëja'anyën.

Salmos 139:5

Oy tyimmaajëty mijtsës xykyëwent'ajtp ets mmëkajtën mtimyaj'ijtyp maas ëjtsën.

Éxodo 18:12

Ënet ja Jetro ojts tu'uk tyaj'ooky yë jëyujk ets tnino'oka'any jam Dios wyintum, tmëjjawëja'any ets tkënu'kxyjyawëja'any ja Dios, ëpëky ojts tkë'ëyäky yë näyoxë. Ënet yë Aarón ets ja mëjja'aytyëjkëty, mëti'ipë nyimëjja'ay'ajtëpën ja naax kajpn ojts jam nyëjkxtë kääpyë ukpë mëët ja Moisés ja myë't Dios wintum.

Éxodo 19:21

ets ja Dios y'ënëmaayë: Jënak tyam ets xy'ënëëmëty yë naax kajpn, ko këtii tninaxtëty ja tsëpa'an ets xy'ixa'antëtyës, këtiipë nimay y'ëk'o'knëtëty.

Éxodo 24:1

Ënet ja Dios t'ënëmaay ja Moisés: Pät jam maas tyam nyajpaata'anyën, mëët yë Aarón, Nadab ets Abihú ets mëjja'aytyëjkëty oy nitëkë'px majkën, mëti'ipë nyimëjja'ay'ajtëpën yë Israel ja'ayëty, najëkämtëkë mtänëtëty ets mnäkyoxtënaaytya'akëtëty.

Eclesiastés 9:7

Paaty ni'ik oy, ko xytyukxoonta'akëty yë mkääky m'uuky mëti'ipë mpatyp m'ijxpyën; tukxoontä'äky yë tsatym nyëë mëti'ipë tëëpë nyimaanaxyën ko xy'uukëty, jä'ä ko yë Dios y'oy'ijxyp yë oypyë mtu'unën.

Jeremias 14:3

Ja kume'enyjyä'äytyëjkëty jyakäjxtëp ja tyuunpë nëëwijtspë; tääts jam nyëjkxtë ma nëë nyipetyën, je'eyëp ko ka'ap ja nëë tpaatë, tukwa'ats jatëkok tmëwinpitë ja nyëë apëjkënëty, ëxëëk nyäyjyawëtë ets tsëtyuuntëp.

Daniel 10:17

¿Wi'ix ënät nnamëëtmëtya'akëty, ëjts ka'apës näjyawëty nmëkëty, tëëjës nxejykyukëxë?

Deuteronomio 12:7

Jam mkaytyëty m'uuktëty ma ja mWintsën Tiosën ets mëët ja m'u'unk m'ëna'këty ets ja mjëëky mëku'ukëty, nëjkxëp xytyukxon xytyuk'itë ja mjë'kxy mpëkyëty mëti'ipë ënety të y'ity të wyintëyën ets ja mWintsën të tkënu'kxyën.

Deuteronomio 4:33

¿Jää jëtää muum ja naax kajpn mëti'ipë të tmëtoyën ja Dios ja y'aaw yo'kn jëënjoty tä miitsëty të xymyëtowtën ets ka'ap të y'ooktë?

Jueces 13:22

Tää t'ënëmaay ja Manoa ja tyo'oxytyëjk: Tyam kopkpëky yë'ë ko ënät n'o'kënëty, jä'ä ko tëë yë Dios n'ijxëmë.

Jueces 5:13

Ënet ja Israel ja'ayëty tsyo'ontë ets ojts nyëjkxtë tsiptuunpë mëët ja mëkja'aytyëjkëty mëti'ipë ënety mëj'äämpy ijtëpën yaa naaxwiiny naaxkëjxy, mëët ëjtskyëjxm jëtu'un ojts tsyoontë, ets nyëjkxtë tsiptuunpë mëët ja ja'ayëty mëti'ipë ënety yajxon tsip'ixëtyën.