Éxodo 24:10 - Biblia Dc en Mixe de Quetzaltepec

¹⁰ Jam ojts ja Dios t'ixtë mëti'ipë yë Israel ja'ay Tyios'ajtëpën, ojts yë tyeky tyajnaaxkëtä'äky ets jëtu'un yaj'ijxy yë'ë yowë tyukte'empy yë wa'kpäjn mëti'ipë oytyunyën mëët yë tsaa mëktsuxkpë ets jëtu'un tyi'kxy tä tsajp jyäjyën.

Biblia Mixe de Quetzaltepec

¹⁰ Jam ojts ja Tios t'ixtë mëti'ipë yë Israel ja'ay Tyios'ajtëpën, ojts yë tyeky tyajnaaxkëtä'äky ets jëtu'un yaj'ijxy yë'ë yowë tyukte'empy yë wa'kpäjn mëti'ipë oytyunyën mëët yë tsaa mëktsuxkpë ets jëtu'un tyi'kxy tä tsajp jyäjyën.

Éxodo 24:10 Iomraidhean Croise

Génesis 32:30

Tä yë Jacob tyajxëëwpejty ja jampë ja it naaxwiinyëtë Penuel, jä'ä ko y'ënäny: Tyam tëëjës ënät ja Dios kë'ëm ntim'ixy wiinxë jëjpxë ets ixës tyam njaakjuuknyëmëty.

Génesis 32:31

Tam ënety yë Jacob tuknajxtaaynyë ja it naaxwiinyëtë mëti'ipë xyëëwajtypyën Penuel, ko ja xëëw pyëtsiimy. E jä'ä ko tëë ënety ja tyeky jyäjxma'aty, paaty ënety na'ëxma'at ye'ey.

1 Reyes 22:19

Tääts ja Micaías tjaaknikajpxëy ja y'ayuk: Mëët tä jam m'ëna'anyën, mëtow yajxon wi'ix yë Wintsën y'ënä'änyën: Tëës yë Wintsën n'ixy jam y'u'unyë ma kyutujktaknën ets aaktam nyatänëty ja kyukäjpxy y'anajny y'aka'any jam tsajpjotm.

2 Crónicas 6:17

E jëtu'unts y'itëty Wintsën, mëti'ipë Tyios'ajtëpën yë Israel ja'ayëty ets y'atëwëty ja m'aaw m'ayuk mëti'ipë mtukwinwa'anëyën ja nteetyës David.

Éxodo 24:11

Dios ka'ap ojts wi'ix tuny ya'atë ja'ayëty, mëti'ipë ënety mëj'äämpy ijtëpën ma ja nyaax kyajpnën ja Israel, oy ënety tëë ja Dios tja'ixtë, ojts jam kyäytyë y'uuktë ma ënety jam yajpaatën.

Éxodo 3:6

Ets ojts tjaaknikäjpxy: Ëjts jëtu'un ojts xyTios'atë yë m'ap m'okëty. Ëjts jëtu'un xyTios'ajtë yë Abraham, Isaac ets Jacob. Yë Moisés ënätyë ojts nyäwyinkumo'kxëty, jä'ä ko yë'ë ojts tsë'ëkë, ko ja Dios jeexyë t'ixy,

Éxodo 33:20

E tyam mijts yajxon n'ënëëmëty, ko yë nwiin njëjpës ka'ap tjëkyepy mijts nijëna'a xy'ixëty, jä'ä ko ka'ap tjëkyepy pën xy'ixëtyës ets ënät je'eyëm njuuky'ajt'ëtë'ëtsëty.

Éxodo 33:23

Ënätës yë nkë'ë ok njëpëka'any, täätsës nëjkx yi'iyë xy'ijxë yë njëxk, jä'ä ko yë nwiin njëjpës ka'ap mëpaat ni pën t'ixy.

Cantares 5:14

yë kyë'ë jëtu'un yë'ë tä pu'ts pujxnën mëti'ipë winë yajtuknipijtpën, mëti'ipë pu'ts tsaa mëët nyikoyëtyën; yë jyot nyini'kx jëtu'un kyëxë'ëky tä yë elefantë pajkën mëti'ipë yajxon të yajnitsetsy të yajnixeeyën ets të yajtukputsayë yë tsuxk uky tsyaa;

Cantares 6:10

¿Pën tääpë ja'ay mëti'ipë jëtu'un ijxwo'ompën tä xëëw pyëtsimyën jopyëp? Jëtu'un y'oyëty tä po'ojën, jëtu'un tyi'kxy tä xëëwën, tsip jeky myajwintänëty ijxtëm yë tsiptuunpëtëjkëtyën ko waatswitsy ye'eytyë.

Lamentaciones 4:7

Poop ijty yë jyä'äyëty yaj'ixtë këtiinëm jëtu'un pyoopëty yë tip ets këtiinëm jyëtu'unëty yë tsi'tsknëë; tsapts ijty yaj'ixtë ja jyot nyini'kxëty këtiinëm jëtu'un yë nëë jëyujk y'atääm; janty'oy kyëxë'ëktë, tä oy tsyaajën.

Ezequiel 1:1

Ëjts, yë teety Ezequiel, yë Buzí myaank; tëkok ojts nwin'ixyës, jamës näjyawëty ntänë ma Quebar mëjnëëjën, jam Babilonyë; ma ënety yajpaatën ja ja'ayëty mëti'ipë tsumy matsy të yajmënëjkxtën. Ënet ja tsajp y'ëwatsy ets nwin'ijxyës yë Dios. Jää ma myëmëkoxk anyën yë mëmajktaxk po'opë, ma y'apetyën ja më'i'px majk jëmëjtpë, tëë ënety mëkoxk jëmëjt nyajxnë ma ja Joaquín yajkutujkpë yajmënëjkxyën tsumy matsy. Ënet ja Wintsën ojts xykyë'ë nnixajyës.

Ezequiel 10:1

Ënätës të n'ixy jam niwits nijuux nëkëjxm mëti'ipë yajpatpën ma ja kyëpajkëtyën ja tsajpjotmëtë kukäjpxy, tu'uk yë kutujkëntakn aak tsuxk uky tsyaa mëët y'oytyunyëty.

Daniel 10:17

¿Wi'ix ënät nnamëëtmëtya'akëty, ëjts ka'apës näjyawëty nmëkëty, tëëjës nxejykyukëxë?

Mateo 17:2

Ma ënety jam jëtu'un yajpaatën ënät ojts ja Jesús tyëkatsy. Ajajp atë'kxp ja wyiin jyëjp ijxtëm ja xëëw y'änyën ets ja wyit ojts pyoopë ijxtëm ja ajajkën.

Juan 1:18

Ka'ap pën nijëna'a ja Dios të t'ixy; yë'ë tu'ukyë Dios U'unk, mëti'ipë Dios Teety mëët y'ityën, yë'ë të xytyuk'ijx të xytyuknija'awëmë wi'ix ja Dios.

Juan 14:9

Ënet ja Jesús y'ëtsoowë: Felipe, tëë miits yaa jeky nmëët'atë, ¿ets ka'anëm xy'ixy'ätyësë? Pën të xy'ijxyës, tëëjën ja t'ixy ja Dios Teety. ¿E tii ko m'ëna'any ko ntuk'ixëty ja Dios Teety?

Juan 6:46

Ka'ap yë'ëjëty ko pën ja Dios Teety të t'ixy; yi'iyë të t'ixy mëti'ipë të tsyoonyën ma Tiosën.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kuttujkën. Oy jyëtu'un'atëty.

1 Juan 4:12

Dios, ka'ap pën të y'ëk'ijxëpë. Pën nätsyojkëm ëëtsajtëm nixim niyam, yë'ë xëmë yajpaata'any ma ëëtsajtëmën ets ja tsojkën ja'awën mëtëy tyaj'awinpita'any ma ëëtsajtëmën.

Apocalipsis 1:16

Wëxtujk ja matsa'a tmajts'ity ma y'a'oykyë'ëjën. Y'aawjoty jap yaj'ixy pyëtsimy ijxtëm tu'uk ja tëypyujxnën mëti'ipë mäjtsk atu'um mye'eyëtyën ets ja wyiin jyëjp jëtu'un yaj'ixy ijxtëm ja xëëw mëk y'änyën.

Apocalipsis 21:11

Janty ajajp janty atë'kxp mëët ja Dios ja myëj'ajtën jyääntyajtën, jëtu'un y'ajajy y'atsëmämy ijxtëm ja tsaa janty oypyën, ijxtëm tu'uk ja poop tsaajën mëti'ipë yajtuk'ijxnajxpën, ijxtëm ja ijxn yajtuk'ijxnaxyën.

Apocalipsis 4:3

Mëti'ipë jam u'unyääpyën, jëtu'un kyëxë'ëky ijxtëm ja poop tsaajën, mëti'ipë ajajp atë'kxpën, mëti'ipë xyëëwajtyp jaspe ets cornalina ets ja i'ty na'ëwtity tmëëtëty ijxtëm ja esmeraldë tsaa y'ajajy y'ate'kxyën.