Éxodo 22:2 - Biblia Dc en Mixe de Quetzaltepec

² Ko tu'uk yë mä'tspë pën pyaatëtëty ma ënety jam myeetsyën ets yajtsëtyutëtëty ëkë tyimyaj'ookëtëty, ka'ap ja jëtu'unpë yajnipaye'eyëty, tä tu'uk yë ja'ayën mëti'ipë tsoky yajja'ay'o'kpën.

Biblia Mixe de Quetzaltepec

² Ko tu'uk yë mä'tspë pën pyaatëtëty ma ënäty jam myeetsyën ets yajtsëtyutëtëty ëkë tyimyaj'ookëtëty, ka'ap ja jëtu'unpë yajnipaye'eyëty, tä tu'uk yë ja'ayën mëti'ipë tsoky yajja'ay'o'kpën.

Éxodo 22:2 Iomraidhean Croise

Job 24:14

Yë yaja'ay o'kpë tsojk pyëtë'kojy ets tyaj'ooka'any yë ëyoopëja'ay, e ko kyootsë mä'tspë y'awinpity.

Job 24:16

Yë mä'tspë koots tyëjktëkë. Tëkokyë yë'ëjëty aak näyajku'ëtujkëtëp ko xyiiny'äty; ëxëëk yë të'kxën jajën t'ixtë.

Job 30:5

Ka'ap ijty tääpë ja'ay pën tsyokëtë, je'eyë ijty yaj'ixjëtit yajpajëtitë, jëtu'un tä ja'ay mä'tspë tpapo'oyën;

Jeremias 2:34

Aak ëxëëk ja mwit mtujkxy yajpaaty mëët ja ëyoopëja'ay ja jyot nye'pyny ets mëti'ipë ka'ap tii poky tmëët'atën, mëti'ipë nimaa të xykyakupaatën myeetsy.

Oseas 7:1

koos yë nnaax nkajpn, yë Efraín kajpn ets Samaria kajpn njäyajtso'oka'antë, ënätyë nyëë pyokyëty wyinkëjxm jyëjpkëjxm jyä'ty. Jä'ä ko aak antaktëp; mä'tstëp, tëjktëjkëtyëp ets në'ëjoty tu'ujoty muum ja'ay tmäätstë.

Joel 2:9

Tëë ja kajpn tnitëkëtë, mëtsip jam najxnëp tëjkënyëp potsykyijxy, tëjkëjxypyaat pyäjtnëtë ets jëtu'un yäjtsnëtë mä'tspën ma ja tëjk nyi'ëwa'atsëtyën.

Mateo 24:43

Yë'ë nijawëtë, ko jeexyë tu'uk ja kutëjk nijawë ko koots myina'any ja mä'tspë ma tyëjkën, ka'ap jeexyë myaanaxy këtiipë tyëkëty ja mä'tspë ma tyëjkën ets tyonëty myäätsëty.

1 Tesalonicenses 5:2

Wa'ats miits xynyijawëtë ko ja Wintsën myina'any oyjyëna'ajëty ma ënety ka'ap pën tjëjp'ixyën, ijxtëm tu'uk ja mä'tspë koots jyä'tyën.

1 Pedro 4:15

Pën jam pën y'ëyoy ma miitsëtyën, ka'ap yë'ëkyëjxmëty ko ënety të yajja'ay'ooky, ko mmäätstë ëkë ko ëxëëk m'ëtë'ëtstë, ëkë ko tiitsip xytyuktëkëtë ka'apë mpaatëtën.