Éxodo 21:2 - Biblia Dc en Mixe de Quetzaltepec

² Ko tu'uk xyjyuyëty yë mëtuunpë mëti'ipë hebreo ja'ayën, jä'ä nëjkx mëtunyë tëtujk jëmëjt, e ko ënety wëxtujk jëmëjt të y'apäjnë, tääts nëjkx wyë'ëmnë ëwaatsëtuuy ets ka'ap nitu'kjënu'un nyäjyuuypyëtsëmëtëty.

Biblia Mixe de Quetzaltepec

² Ko tu'uk xyjyuyëty yë mëtuunpë mëti'ipë hebreo ja'ayën, jä'ä nëjkx mëtunyë tëtujk jëmëjt, e ko ënäty wëxtujk jëmëjt të y'apäjnë, tääts nëjkx wyë'ëmnë ëwaatsëtuuy ets ka'ap nitu'kjënu'un nyäjyuuypyëtsëmëtëty.

Éxodo 21:2 Iomraidhean Croise

Génesis 27:28

Dios mo'ojëtëp ja nëë tuu tsajpjotmëpë tsyoonyën, ets mnëë mmok may xyajpëtë'ëktëty, mëti'ipë mkayëp m'uukëpën.

Génesis 27:36

Ënet yë Esaú y'ënäny: Tyimxëëw jëtu'un Jacob, jä'ä ko jëtu'un jyä'äy'äty. Mëmäjtsk'okës tyam ëka'any jëtu'un winë xypyëjkë. Më''ëka'any ojtsës xypyëjkë nkä'äxkopk'ajtën e tyam ja nkënu'kxënës ënät të xypyëjkë mëti'ipës xypyatpën. ¿Tatë këtii jap maa xyjyaakpëjkë'ëky etsës jeexyë näjyëtu'un wäänë xykyënu'kxpë?

2 Reyes 4:1

Jam ijty tu'uk yë to'oxytyëjk, yë'ë tyo'oxytyëjk tu'uk ja käjpxynyajxpë mëti'ipë ënety të y'o'knën; ënät ojts tninëjkx yë Elisejë ets tmë'ëëna'any, tä t'ënëmaay: Mijts wa'ats xynyijawë ko niye'etyëjkës tëë y'o'knë ets ko yë'ë myëtuumpy ijty yë Wintsën. E tyam, jamts ja ja'ay xëmë myiny ma ëëtsëtyën, nmënu'kxy'ajtëpës, je'eyëp ko yë'ë nimäjtskës ja nmaank xytyim pëjkëjanë ets nyätyukmëtuna'anyë.

Nehemías 5:8

etsës n'ënëmaaytyë: Ëëtsëty oyës wi'ix të nmëwinjatë etsës të nyaj'ëwaatsë pëtsëmtë ja nmëku'uktëjkëtyës mëti'ipë ënety wiinkë'ëy wiink kajpn të yajmënëjkxnëtën tsumy matsy ets juy tooky; ¿e miitsëty tääts ënät ni'ikyë ja mjëëky mëku'uk xytyookan xyakanëtë ets ënät jatëkok ëëts nyaj'ëwaatsëpëtsëmtëtyësë? Amonyë ojts tyimwë'ëmta'atë ninu'un tkanijawëtë wi'ixëtën y'ëtsowtëty.

Éxodo 12:44

Yë'ë tëy yë mtuunpë mëti'ipë juy këpety myaj'ijtypyën, jyëkyäpëp tsu'utstëty, e ënät jëtu'un pën yajnatsujk'ëwtijtp ja ye'etyëjkajtën ko myutsk'ajty.

Éxodo 21:3

Pën nätyu'uk jyä'äjty ma ja mjëën mtëjkën, näjyëtu'un nëjkx nyëjkxnë, e pën mëët ja tyo'oxytyëjk jyä'äjty nän mëët nëjkx nyijkxy.

Éxodo 21:7

Pën ënety ja nyëëx tyo'kpy ets myëtunëty, yë'ë ka'ap ëwaatsëtuuy wyë'ëmëty jëtu'un tä yë ye'etyëjkëtyën.

Éxodo 22:3

E pën jääts ënety të y'ooky ma të xyiinyënën, jä'ä nëjkxëp ja yajnipaye'ey. Ja mëti'ipë ënety të tyony të myeetsyën, kopkpëky ko tkujuuytya'ajëty, ja mëti'ipë ënety të tmeetsyën. E ko ja meeny tkamëët'atëty mëti'ipë tyukujuyëpën kë'ëm nyätyookëtëty ets jëtu'un tkëpätëty ja mëti'ipë ënety të tmeetsyën.

Mateo 18:25

Ja ja'ay ka'ap ënety tii ja myeeny mëti'ipë tyukëpätëpën ja nyu'kxy. Tääts ja yajkutujkpë y'ënäny ets yajtookëty tääpë ja'ay mëët ja tyo'oxytyëjk, ja y'u'unk y'ëna'k ets tu'kë'ëyë mëti'ipë myëët'ajtypyën, jëtu'un ja nyu'kxy tyaj'ëtukëty.

1 Corintios 6:20

Jä'ä ko tëë ja Dios mkujuyëtë ko ja y'u'unk të mku'ookëtë, mmëjjaw jaantyjyawëtë ja Dios mëët ja mni'kx mkopkëty.

Deuteronomio 15:1

Win wëxtujk jëmëjt mëpaat ja mjëëky mëku'uk xymyä'kxëtë ja nyëë pyokyëty ets jyuy nyu'kxyëty.

Deuteronomio 15:18

këtii xywyiinkja'apëty ko xy'ëxmatsëty ja mtuunpë ëwaatsëtuuy. Yë'ë tëë mëtunyë tëtujk jëmëjt ets ka'ap jëtu'un tmëpaaty ejxtëm jeexyë të xymyëjuyën tu'uk ja mëtuunpë mëti'ipë ja mtuunk jeexyë të tyaj'apaatën. E yë'ëts jëtu'un mja'amyätsëp xëmë, ko yë mWintsën jëtu'un mkënu'kxa'anyë tä ënety mijts oy winë xytyunyën.

Deuteronomio 31:10

Tääts ojts tyajwë'ëmy ya'atë ënä'ämën, y'ënäny: Win wëxtujk jëmëjt, ma ënety tukka'ayën ets ja nu'kxy yajnimä'kxëty, jää xynyixëëwtuntëty ja tëjk nixo'ompyë.