Éxodo 20:2 - Biblia Dc en Mixe de Quetzaltepec

² Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënety mmëtuny m'ëyoyën.

Biblia Mixe de Quetzaltepec

² Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënäty mmëtuny m'ëyoyën.

Éxodo 20:2 Iomraidhean Croise

1 Reyes 18:39

Ko ja mayjyä'äy jëtu'un t'ijxtë, ënät ni'ëmukë nyäkyoxtënaaytyääyëtë ets wyintak nyaaxkoowtë, y'ënantë: Yë Wintsën, yë jëtu'un Wintsën, yë Wintsën yë'ë jëtu'un Wintsën.

2 Reyes 17:12

Ojts t'ëwtajnëtë ja naaxpotsy ets ja kepy tsyetsy, mëti'ipë ënety mëktä'äky ja Wintsën të tyajkupokyën.

2 Reyes 17:7

Yë Israel ja'ayëty paaty ojts jëtu'un jyatë kyëpätë jä'ä ko ojts ja Wyintsën tmëpokytyuntë, mëti'ipë jap Egiptë yajpëtsëëmëtën, ma ja faraón yajkutukyën; ojts t'ëwtajnëtë oynatii,

2 Crónicas 28:5

Paatykyëjxm ja Wintsën kyë'ëyajkë ets ja Siria ja'ayëty myëmëtakë, may ojts ja Siria ja'ayëty tyajnëjkxtë ja ja'ay tsumy matsy jam Damaskë. Ojts kyë'ëyäkyë näjyëtu'un ja Wintsën ma ja Israel ja'ayëtyën, mëti'ipë ëxëëk tuunën ets ka'ap yajmëtakë.

Salmos 50:7

Mëtoow'itë, miitsëty Israel ja'ayëty, mëti'ipës nnaax'ajtyp nkajpn'ajtypyën, tyam mijts yajxon nmëkajpxa'any. Ëjts jëtu'un Dios, ëjts mijts xyTyios'ajtp.

Salmos 81:10

Ëjts jëtu'un Wintsën, mijts yë mTios, mëti'ipë ojts mjuutyën jap Egiptë; ëwë'ëk ets nyaj'itëty ku'uxyë.

Salmos 81:11

E ja nnaax nkajpnës ka'apës ja n'aaw n'ayuk të xymyëtoow'ijtë: yë Israel ja'ay ka'apës të xymyëmëtoy.

Salmos 81:7

Jam mijts të xymyëkäjpxyës ma ënety ëxëëk mjaty mkëpetyën, e tëë nyajtso'oky; jap ojts n'ëtsoy jokjoty yootsjoty ma ja ënääw yä'äxy jyokyën; ojts näjyëtu'un nwinma'any'ixy wi'ix mja'ay'ätyën ma ja Meribá nëëjën.

Éxodo 13:14

E ko nëjkx jëna'a yë m'u'unkëty m'ëna'këty myajtëwëtë: ¿Wi'ix jëtu'un ya'atë nyiwijy? Tääts xy'ëtsowtëty: Yë Wintsën ojts jap xyjyuutës Egiptë mëët yë myëj'ajtën kyutujkën ma ënety ëëtsëty nmëtun n'ëyowtën.

Éxodo 13:3

Ënet ja Moisés t'ënëmaay ja nyaax kyajpn: Mja'amyätstëp jëtu'un xëmë ya'atë xëëw, ma Wintsën ojts mjuutëtën, mëët yë myëk'ajtën mëjpë këjääpë jap Egiptë ma ënety je'eyë mëtuntën m'ëyowtën. Ko ya'atë jëtu'unpë ja xëëw po'o tpaatëty winjëmëjt, ka'ap mëpaat xykyäytyë ja tsajpkääky mëti'ipë tsooymyëëtën.

Éxodo 15:13

Yë'ë mëët yë mtsojkën mja'awën ya'atë naax kajpn xytyu'uwinwoy mëti'ipë të xyajtso'okyën. Yë'ë mëët yë mëk'ajtën jam xyajnëjkxy jam ma mtsajptëjkën.

Éxodo 15:16

Wintsën, wä'än tsë'ëkëtë, wä'än tsë'ëkëtë tjawëtë. Wä'än jëtu'unyë twë'ëmta'atë tä tsaajën mëët ja mëk'ajtën mkutujkën, koonëm ënety ja mnaax mkajpn të nyajxta'atë, ja mëti'ipë të xyjyä'äniwa'anyën.

Éxodo 15:26

Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënety xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.

Éxodo 20:1

Ënet ojts ja Dios kyäjpxy ets tnikajpxtaay ya'atë aaw ayuk:

Éxodo 29:46

Jëtu'un nijawëtëty ko ëjts Wintsën, mëti'ipë yë'ëjëty Tyios'ajtëpën, mëti'ipë ojts yajpëtsëmëtën jap Egiptë ets ntsëënëja'anyës ma yë'ëjëtyën. Ëjts Wintsënajtp mëti'ipë yë'ëjëty Tyios'ajtëpën.

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kuttujkën tëypyë jaantypë.

Isaías 43:3

Ëjts mijts xyWyintsën'ajtp, xynyitsokpë'ajtp ets xyTyios'ajtp, ja Wa'atspë yajpaatyën ma Israel kajpnën, Tëë mijts njä'äniwa'any; yë'ë Egiptë kajpn, Etiopíë kajpn ets Sabá kajpn të ntukujuy.

Jeremias 16:14

E ëjts Wintsën, jëtu'unës n'ëna'any: miimp ja xëëw po'o ma nëjkx ka'ap pën y'ëk'ënanën: Mëët ja Wintsën ja jyuukyajtën, mëti'ipë yajpëtsëëmën ja naax kajpn jap Egiptë,

Jeremias 2:6

Yë'ëjëty ka'ap ojts tmëmay tmëtajtë etsës ëjts xy'ixta'atëty, ëjts mëti'ipë ojts jyuutëtën jap Egiptë, mëti'ipë tu'uwinwoowëtën jam të'ëts'itjotm ma y'anë'ëk tyëëtsë'ëkëtyën ets ma jya'awjotëtyën, ma ka'ap yë nëëjën ets ma kyutsë'ëkëtyën, ma ka'ap pën tsyëënën ets ka'ap pën nyäxyën.

Jeremias 31:1

Jëtu'un yë Wintsën y'ënä'äny: Ya'atë jëmëjt ëjts Tios'ataanp ma tëkokyë yë Israel ja'ayëtyën ets yë'ëjëty jëtu'unës nyajnaxa'antë tääjës yë nnaax nkajpnën.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Jeremias 34:13

Ëjts, maas nWintsën'atyën, mëti'ipë yë Israel ja'ayëty Tyios'ajtëpën, ojtsës tu'uk ntuny yë käjpxytyu'unën mëët yë m'ap m'okëty koos jap nyajpëtsëëmtë Egiptë, ma ënety myëtuntën y'ëyowtën. Ojtsës ntuk'ënä'ämtë

Ezequiel 20:19

Jëtu'unës n'ënëmaaytyë: Ëjts Wintsën, ëjts jëtu'un xyTyios'ajtëp. Patuntë yë n'ënä'ämënës, ntëyajtënës,

Ezequiel 20:5

Jëtu'un xy'ënëëmëty: Jëtu'un yë Wintsën y'ënä'äny: Koos ojts nwin'ixy yë Israel kajpn, ojtsës mëët yë käjpxytyu'unën ntuny yë y'u'unk y'ok ets ojtsës jap Egiptë nnänyikëxë'ëkyë. Mëët tu'uk ja mëj winma'any n'ënëmaaytyës: Ëjts jëtu'un Wintsënajtp, mëti'ipë miits m'ëwtajtëpën.

Ezequiel 20:7

Ets n'ënëmaaytyës ko wä'än t'ëxmajtsta'atë yë tyiosëty mëti'ipës n'ëxëëk'ijxypyën ets ka'ap nëkoo tpanëjkxtëkëtëty yë awinax japë Egiptë yajpaatyën, jä'ä ko ëjts mëti'ipë Wintsën'ajtpën, ëjts yë xyTyios'ajtëp.

Oseas 12:10

Ëjts ojtsës nmëkäjpxy yë käjpxynyajxpëtëjkëty etsës nyajkëjääjëy mëti'ipë y'ixtëpën kuma'ayjoty ets ojts winë ntuknimëtya'aktë mëët yë ijxpäjtën.

Oseas 13:4

Jëtu'un yë Wintsën y'ënä'äny: Ëjts, Wintsën, ëjts mijts xyTios'ajtp mapaat myajpaatyën jap Egiptë: Këtii pën wiinkpë xytyijëty Dios, ëjtsyë nätyu'uk xyTios'ajtp, jä'ä ëjts tu'ukyë xynyitsokpë'ajtp.

Amós 2:10

E miitsëty jap Egiptë nju'të ets ntu'uwinwoowtë jam të'ëts'itjotm wëxtyikxy jyëmëjt ets nmo'oja'antë ja naax mëti'ipë ënety yë'ëjëty jyä'ä'ajtëpën.

Romanos 10:12

Jesús ni'ëmukë ja'ay tnitënaaytyä'äy, wä'än tjutiis tkajutiisëty, ets tmooytyä'äy ja kënu'kxën mëti'ipë mëkajpxëpën.

Romanos 3:29

¿Wä'än jëtää yë Dios jämyë Tios'aty ma Jutiis ja'ayëtyën? ¿Ka'ap jëtää näjyëtu'un jam Tios'aty ma ka'apë ja'ay jyutiisëtyë? Yajnija'ap ko Tios'ajtääpy ma wiinkëtypë kajpnën,

Deuteronomio 13:10

Kuka'ats, mëët ko ënety të mjatukjëjpwoowtu'uta'anyë ja mWintsën ja nyëë'aaw tyu'u'aaw, mëti'ipë jap myajpëtsëëmën Egiptë ma ënety mëk myajtëytyunyën.

Deuteronomio 15:15

Këtii xyjyä'äytyëkoyëty ko mijts ojts jap Egiptë mmëtuny m'ëyoy ets mWintsën yë'ë ojts jap mjuutyë. E paatykyëjxm tyam mijts ya'atë ënä'ämën nmo'oy.

Deuteronomio 20:1

Ko mnëjkxtëty tsiptuunpë ets xy'ixtëty yë mmëtsip ko nimay ni'ik tmëët'atë yë kyepy wintëkäämpë ets kyëwaayëty, këtii xytsyë'ëkëtëty. Jä'ä ko yë Wintsën yë'ë yajpatp mëët miitsëty, mëti'ipë ojts mjuutëtën jap Egiptë.

Deuteronomio 5:15

Ja'amyäts ko näjyëtu'un ojts mijts mmëtuny jap Egiptë ets Dios mëti'ipë mTios'ajtypyën ojts jap mjuutyë mëët yë myëj'ajtën kyutujkën. E paaty tyam yë mWintsën Dios, mtuk'ëne'emyë ko kopkpëky ko xymyëjjawëty yë po'kxënxëëw.

Deuteronomio 5:6

Ëjts jëtu'un Wintsën, mëti'ipë mijts mTios'ajtypyën ets jap nju'ty Egiptë, ma ënety m'ëyoyën mmëtunyën.

Deuteronomio 7:8

E yë Wintsën tëë jap myajpëtsëmëtë Egiptë ma ënety mëtun m'ëyowtën, ko jap myajpëtsëëmëtë mëj këjää yë myëj'ajtën tyaj'ijxë ma yajkutujkpën, jä'ä ko mëk ënety mtsokëtë mjawëtë ets niwa'aka'any ja y'ayuk mëti'ipë tyukwinwa'anëyën ja m'ap m'okëty.

Jueces 2:1

Ënet ojts tu'uk yë Dios yë kyukäjpxy jam tsyoony Guilgal ets ojts nyijkxy Boquim, jam t'ënëmaay ja Israel ja'ayëty: Ëjts miits të njuutë jap Egiptë ets yaa të nyajmintë ma ya'atë it naaxwiinyëtën mëti'ipës ojts ja m'ap m'ok ntukwinwanëtën: Ja käjpxytyu'unën mëti'ipë të ntu'unëmën ka'ap ja nijëna'a nyaj'atëkoyä'änyës,

Jueces 6:10

Ets n'ënëmaaytyë koos ëjts jëtu'un Wintsën, mëti'ipë miits mTiosajtëpën ets ko këtii ninu'un xytyimtsë'ëkëtëty ja Amor ja'ayëty ja tyiosëty, mëti'ipë tsënaaytyëpën ma ja it naaxwiinyëtën ma miits tyam mtsëënëtën: E miitsëty ka'ap ojts ninu'un xytyimtuntë këwentë ijxtëm nja'ënëmaaytyën.