Éxodo 2:3 - Biblia Dc en Mixe de Quetzaltepec

³ E jä'ä ka'ap ënety tjëkyepy jeky yu'utsy tyaj'itëty, ënät ojts tu'uk yë katsy t'oytyuny ets tyaj'ëtujktaay maajaty y'ëwa'atsëtyën mëët yë kepy'u'pky ets pu'unyky këtiipë jap ja nëë tyëkëty, tä ja y'u'unk jap t'ako'kë katsyjoty ets ojts jam tpëjktä'äky nëëpë'am yu'utsy, nëë'awekyjoty ma ja Nilë mëjnëëjën.

Biblia Mixe de Quetzaltepec

³ E jä'ä ka'ap ënäty tjëkyepy jeky yu'utsy tyaj'itëty, ënät ojts tu'uk yë katsy t'oytyuny ets tyaj'ëtujktaay maajaty y'ëwa'atsëtyën mëët yë kepy'u'pky ets pu'unyky këtiipë jap ja nëë tyëkëty, tä ja y'u'unk jap t'ako'kë katsyjoty ets ojts jam tpëjktä'äky nëëpë'am yu'utsy, nëë'awekyjoty ma ja Nilë mëjnëëjën.

Éxodo 2:3 Iomraidhean Croise

Génesis 11:3

Tu'kxëëw tu'kjëmëjt ojts tkäjpxy'atë: Tsojk nyajkojëm yë muutsy ets jëënjoty nyajkë'ëwmëty. Muutsy kyë'ëw ojts tyajtuntë ijxtëm jeexyë tsaajën ets tukpojtstë yë mo'onts.

Génesis 14:10

Tu'kë'ëyë ma ja Sitim joyjyotmën tam ijty myäyjyätyë yë may jut ets tsajpkëk ma ijty tyajpëtsëmtën yë yëk mo'onts mëti'ipë o'tspën. Ko ojts ja yajkutujkpëty mëti'ipë tso'ontëpën Sodomë ets Gomorra jyakä'äkanëtë ma ja tsipën, jam ojts kyënajxta'atë jutjoty, e wiinkpë yajkutujkpëty tunkëjxm kopkkëjxm ojts jyaak kä'äktë.

Génesis 6:14

Paaty mijts yakoj tu'uk yë kepy nëëwinye'epyë, yë'ë juunëtypë kepy jootjoty mpëjkta'akëp, kanaak yë nyi'akojtuk, e ko ënety jëtu'un të xykyoj'apatëtyä'äy, ënät nëjkx xy'atsi'tstujkta'ay maajaty y'ëwa'atsëtyën mëët yë o'tsn ëkë kepy'u'pky këtiipë ja nëë tyëkëty.

Éxodo 1:22

Yë yajkutujkpë ojts t'ëne'emy yë ja'ay ets t'ënëmaay: Nëjkx nëëkujëpijpta'atë yë mëxu'unktëjk, mëti'ipë yä'äy ëna'këtyën, yë'ë jëtu'un yë hebreo ja'ayëty y'u'unkëty, tu'kë'ëyë jëtu'un tyimmintën naaxwiiny, yë to'oxy ëna'k'u'unkëty myajwë'ëmtëp, wä'än tjuuky'atë.

Isaías 18:2

mëti'ipë jyä'äy kyejxypyën jam ma Nilë mëjnëëjën, mëti'ipë nëëjoty ye'epyën. Pe'tym jyänty nyëjkxtë ets ja aaw ayuk tyaka'antë ma ja kajpnën mëti'ipë kutsë'ëkën oy tyimmaajëty, ma ja kajpnën mëti'ipë mëkën, ta'tspëkyën, mëti'ipë nëë'itkujky yajpatpën.

Isaías 19:6

Ja nëë wok ëxëëkëm xyuukanë. Ja mëjnëë jot mëti'ipë japën Egiptë ëtyä'äkyë'äämpy nëjkx tyëtsnë, ja tsajpkäpny jot ets ja nëëwäkjot jëtu'unyë nëjkx xyo'tstaaynyë;

Isaías 35:7

Nëëjot y'awinpita'any ma ka'ap ja nëëjën, mo'ontsjot jyata'any ma ënety xëmë të tsyë'ëts'ityën. Ma ënety ja wax ets ja tsa'any të y'itën, tsajpkäpnyjot ets ja nëëwäkjot y'awinpita'any.

Mateo 2:13

Tëë ënety ja matsa'a ixtääpyë tsyoontë ko ja José ojts t'ixy kuma'ayjoty ja Wintsën y'anklës ets y'ënëmaayë: Pëtë'ëk ets nëjkx jap Egiptë mëët yë mëxu'unk ets tyaak. Jap m'itëty koonëmës nikajpxëty, jä'äkyëjxm ko ja Herodes y'ixta'ajäämpy yë mëxu'unk ets tyaj'ooka'any.

Mateo 2:16

Ko ja Herodes tnija'awëy ko ja matsa'a ixtääpyë ënety tëë wyin'ëënyë, tääts ni'ik jyoot'anpëjky ets ojts tni'ënä'ämë ets ni'ëmukë y'ooktëty ja mëxu'unk ye'etyëjkpë jam Belén ets ma ja naax kajpnën wiinkonpë yajpaatën, tëë ënety tpamay ja xëëw po'o jëna'a ja matsa'a ixtääpyë të tnikajpxtën.

Hechos 7:19

Yë'ë ja nteety'ajt n'ap'ajtëm ojts wyin'ëënëtë ets ëxëëk tyuunëtë; ojts y'atsip'atëtë ets t'ëxmatstëty ja y'u'unk y'ëna'k ets y'ooktëty mëti'ipë ënety je'eyë të myëxu'unk'atën.