Éxodo 19:9 - Biblia Dc en Mixe de Quetzaltepec

⁹ ënät ja Dios y'ënëmaayë: Ëk'ix, yootsjoty yam mijts nmëëtmëtya'aka'any ets ja naax kajpn tmëtoow'itëty, ko ënety mijts nmëmëtyä'äky, jëtu'un'äämpy ja ja'ayëty mwinkutsë'ëkëtëty ets mtuk'ijxpätëtëty. Yë Moisés ojts niwinpity ja aaw ayuk ma Wintsënën, ijxtëm ënety ja naax kajpn të y'ëtsoowinpityën,

Biblia Mixe de Quetzaltepec

⁹ ënät ja Tios y'ënëmaayë: Ëk'ix, yootsjoty yam mijts nmëëtmëtya'aka'any ets ja naax kajpn tmëtoow'itëty, ko ënäty mijts nmëmëtyä'äky, jëtu'un'äämpy ja ja'ayëty mwinkutsë'ëkëtëty ets mtuk'ijxpätëtëty. Yë Moisés ojts niwinpity ja aaw ayuk ma Wintsënën, ijxtëm ënäty ja naax kajpn të y'ëtsoowinpityën,

Éxodo 19:9 Iomraidhean Croise

1 Reyes 8:12

Ënet ja Salomón y'ënäny: Mijts Wintsën, jëtu'un m'ëna'any, ko akootstuuy mtsëënë.

2 Crónicas 20:20

Komjëpom, jopyëp ojts pyëtë'kojtë ets tyu'utëkëja'antë, nyëjkxa'antë jam Tecoa, jam të'ëts'itjotm. Ka'anëm ënety tyu'utëkëtë ko ja Josafat y'ënëmaayëtë: Mëtoow'itë ya'atë aaw ayuk miitsëty Jerusalén ja'ayëty ets Judá ja'ayëty: Yë Wintsën yë'ë mëpaat tu'ukyë xytyuk'ijxpätë ets akujk jotkujk m'itëty, tuk'ijxpätë ijxtëm ja tyuunpëtëjk y'ëna'antën ets xy'ëk'ixtëty ko aak'oy winë mwinpëtsëma'anxëtë.

2 Crónicas 6:1

Ënet ja Salomón y'ënäny: Mijts Wintsën jëtu'un m'ëna'any ko akootstuuy mtsëënë.

Salmos 97:2

Na'ëwtity yajpaaty mëët yë yoots, yë mëtëypyë nipaye'eyën ets oypyë ja kuttujkën yë'ë jeky yaj'ijtyp ja kyutujktakn.

Salmos 99:7

Ojts yë Dios mëët kyajpxtë myëtya'aktë jokjoty yootsjoty, ets yë'ëjëty ojts tkuuytyuntë ja ënä'ämën tëyajtën mëti'ipë ojts yajmo'otën.

Éxodo 14:31

Ko ja Israel ja'ayëty t'ijxtë ja Dios ja myëj'ajtën mëti'ipë tyuunën ma ja Egiptë ja'ayëtyën, ënät ja Dios tmëjja'awëtyë ets tmooytyë ja näywyinkutsë'kën, tä ojts jam tu'ukyë timpyëjkta'aktë ja wyinma'anyëty ma yë'ëjën ets näjyëtu'un ma ja tyuunpën Moisés.

Éxodo 19:16

Ko tyëkëëkxëëwpejty, ënät ojts yajmëtoy y'ënaantä'äky y'ëtëtstä'äky yë ënääw wëtsuk ets nyäkyo'ktaayë jam kopkkëjxm yë yoots nëma'a, je'eyë yaj'ijxnë koots pëmiinë, e ko yajmëtoowpaty, jëtu'un tä ja'ay yë pujxnxuxn mëk tukxu'uxyën, ënät ojts yë tsë'ëkë tyuktëjkëtya'ajëtë ja ja'ayëty.

Éxodo 20:21

Ja mayjyä'äyëty tam ënety jëkäm yajpaatë ko ja Moisés tmëwinkoony ja yoots nëma'a mëti'ipë je'eyë akëxë'këpën yëkëm, jam ma ënety ja Dios yajpaatyën.

Éxodo 34:5

Ënet ja Wintsën jam kyëtäky yootsjotm ets ojts nyäxyëëwkukäjpxyë ets mëët xyoony y'ijty ja Moisés.

Éxodo 4:31

Ja ja'ayëty ojts jëtu'un tmëpëktë ja käjpxy mëtyä'äky ets tnija'awëtyë ko ënety ja Dios myëmay myëtajëtë ets ko ënety tëë t'ixy tnijawë wi'ix y'ëyowtë jyotëkoytyën, tä tyaj'ijxëtë ja näywyinkutsë'kën ko nyaaxkoowtë jëtu'un tä jeexyë yë Dios t'ëwtatën.

Éxodo 4:5

Ya'atë yë'ë jëtu'un ets tmëpëktëty, ko yë Dios yë'ë jëtu'un të nyänyikëxë'ëkyë ma mijtsën, mëti'ipë ja m'ap m'ok y'ëwtajtën, yë Tyios yë Abraham, Isaac ets Jacob.

Isaías 19:1

Ixtë wi'ix ja Wintsën tniminyën ja Egiptë ja'ayëty yootsjoty. Ja awinax jëtu'unyë tsyëtyuupyëjkta'atë ko t'ixtë myiny ja Wintsën, ja Egiptë ja'ayëty nän yajxon tsyë'kënëtë.

Isaías 7:9

Yë Efraín ja'ayëty Samaria nikopk'ajtëtëp, yë Samaria ja'ayëty Remalías nikopk'ajtëtëp. Pën miitsëty ka'apës yë n'aaw n'ayuk xymyëpëjkëtë, tyam yajxon ntimy'ënëëmëtë ko nëjkxëp mkutëkooytya'atë.

Mateo 17:5

Tam ënety ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Marcos 9:7

Ënet ja yoots ojts myiny ma ënety jamëtyën ets ojts ja yoots yajnitëkoyëtë; jap yootsjoty yajmëtooy tu'uk ja ayuk mëti'ipën ënanën: Ëjts ya'atë n'u'unk, mëti'ipës ntsojkpy nja'apën, mëtoow'itë ets mëmëtowtë wi'ix y'ënä'änyën.

Lucas 10:16

Ënet ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënety xymyëtoow'ijtëp; pën kyamëtoow'ijtyp mëti'ipë ënety miits mnimëtyaktëpën, nän ëjts ënety xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Deuteronomio 4:10

Jä'ä xëëw ma ojts myajpaatën ma ja Wintsën mëti'ipë mTiosajtëpën, jam ma ja Horeb kopkën, tyaajës ojts yë Wintsën xy'ënëëmë: Yajtu'ukmuk yë naax kajpn ets tmëtoow'itëty yë n'aaw n'ayukës ets tjat tnijawëtëty wi'ix mëj xyjyëkyäptëtyës mapaat jyuuky'atën ets jëtu'un ja y'u'unk y'ëna'k tukni''ixëtëty.

Deuteronomio 4:36

Jam ojts tsajpjotm kyukajpxnaxy ets ojts mkajpxwijëtë, yaa naaxwiiny ojts mtuk'ixëtë ja myëj'ajt y'oyajtën ets mëj jëënjoty ojts mëkajpxëtë.

Apocalipsis 1:7

Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënety t'ixtë. Tëy jëtu'un, jëtu'un y'itëty.