Éxodo 19:4 - Biblia Dc en Mixe de Quetzaltepec

⁴ Miitsëty tëë kë'ëm xy'ixtë wi'ixës ëxëëk të ntunyën yë Egiptë ja'ayëty ets wi'ix miitsëty yaa të nyajmintën maas yaa nyajpaatyën, pojën yaj'ixy të mintë jëtu'un tä jeexyë jam mkäknëtyën.

Biblia Mixe de Quetzaltepec

⁴ Miitsëty tëë kë'ëm xy'ixtë wi'ixës ëxëëk të ntunyën yë Egiptë ja'ayëty ets wi'ix miitsëty yaa të nyajmintën maas yaa nyajpaatyën, pojën yaj'ixy të mintë jëtu'un tä jeexyë jam mkäknëtyën.

Éxodo 19:4 Iomraidhean Croise

Isaías 40:31

yë'ë tëyëty mëti'ipë yi'iyë Wintsën tyuk'ijxpäjtëpën xëmë amëk jotmëk yajpaata'antë ets jëtu'un nyäjyawëja'anëtë nipe'tym kupe'tym tä witsnën; jyëkyejpy mëk pyëyë'ëktëty ets jyëkyejpy pe'tym ye'eytyëty. Ka'ap y'ënu'kxëja'antë.

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Oseas 11:1

Ko yë Israel kajpn ënety pyi'k'atynyëm, ntsojkpy nja'apës ijty; yë'ëkyëjxm ko ënety n'u'unk'atyës, ojtsës nyaxtsoy ets tsyoonëty jap Egiptë.

Hageo 2:5

Jëtu'un ijxtëm ojts ntukwinwanëtën ko jap Egiptë mtso'ontë, yë njot nwinma'anyës xëmë yajpaaty ma miitsëtyën. Këtii mtsë'ëkëtë.

Malaquías 2:10

¿Këtii tyu'ukyëty yë Dios teetyë, mëti'ipë të xyajkojëmë? ¿Wi'ix ko näwyin'ë'ënëmëty nixim niyam ets nkäjpxykyumëto'ownajxmëty ja Wintsën ja kyäjpxytyu'unën mëti'ipë mëët tyuunën ja n'ap'ajtëm?

Deuteronomio 1:30

Yë Wintsën mëti'ipë miits mTiosajtëpën yë'ë mwinye'eyëtëp ets yë'ë mnitsiptunanëtëp, jëtu'un tä ojts jyäty kyëpetyën jap Egiptë.

Deuteronomio 1:31

Ets jam të'ëts'itjotm yë Wintsën mëti'ipë mTiosajtëpën jëtu'un të mtimjyawëtë, tä yë ja'ay yë y'u'unk muum tseeny kony tyajnëjkxyën ets jëtu'un yaa të myajja'tëtë.

Deuteronomio 29:1

Jëtu'un ojts jyëjpkëxy ja mëtyä'äky mëti'ipë ja Wintsën tyuk'ënä'ämën ja Moisés ets tunëty tu'uk ja käjpxytyu'unën mëët ja Israel kajpn jam Moab. Ëpëky ja käjpxytyu'unën mëti'ipë tyuunën jam ma ja Horeb kopkën.

Deuteronomio 29:2

Ko ja Moisés tyajtu'ukmujktaay ja naax kajpn, ënät t'ënëmaay: Miitsëty Israel ja'ayëty, tëë xy'ixtë wi'ix yë Wintsën o'ktëy të tunyën yë yajkutujkpë mëët yë wyintsëntëjk jënu'un mëët tyuunmukyën jap Egiptë.

Deuteronomio 4:9

E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.

Josue 23:3

Miitsëty wa'ats të xy'ix xynyijawëtë wi'ix yë Wintsën të tunyën yë naax kajpn mëti'ipë ënety ka'ap t'ëwa'atstën ets najxmëty. Tëkokyë mëti'ipë të xy'ixtën mëët miitskyëjxmëty të tuny.

Apocalipsis 12:14

E ja to'oxytyëjk yajmooy mäjtsk ja witsn käkn mëjatyëty ets tkukä'äkëty ja mëj tsa'any ets jëkäm kyäknëjkxëty ma ja jyuuky'ajtakn ënety të yaj'ixkukën, jam të'ëts'itjotm, ma ja kyä'äyën y'ukën yajmo'ojëtyën tëkëëk jëmëjt ja kujkm.