Éxodo 19:16 - Biblia Dc en Mixe de Quetzaltepec

¹⁶ Ko tyëkëëkxëëwpejty, ënät ojts yajmëtoy y'ënaantä'äky y'ëtëtstä'äky yë ënääw wëtsuk ets nyäkyo'ktaayë jam kopkkëjxm yë yoots nëma'a, je'eyë yaj'ijxnë koots pëmiinë, e ko yajmëtoowpaty, jëtu'un tä ja'ay yë pujxnxuxn mëk tukxu'uxyën, ënät ojts yë tsë'ëkë tyuktëjkëtya'ajëtë ja ja'ayëty.

Biblia Mixe de Quetzaltepec

¹⁶ Ko tyëkëëkxëëwpejty, ënät ojts yajmëtoy y'ënaantä'äky y'ëtëtstä'äky yë ënääw wëtsuk ets nyäkyo'ktaayë jam kopkkëjxm yë yoots nëma'a, je'eyë yaj'ijxnë koots pëmiinë, e ko yajmëtoowpaty, jëtu'un tä ja'ay yë pujxnxuxn mëk tukxu'uxyën, ënät ojts yë tsë'ëkë tyuktëjkëtya'ajëtë ja ja'ayëty.

Éxodo 19:16 Iomraidhean Croise

2 Samuel 22:10

Ënet jam tsajpkëjxm nyäy'awijtstutë, ets kyëtäky yaa naaxwiiny naaxkëjxy. Ets jap ma tyekpya'tkën tëë yaj'ixy ja yoots nëma'a mëjëtypë këjääjëtypë jyänty pyëtsimy.

2 Crónicas 5:14

e mëët ko jap wyintujktëkooy tsajptëkoty mëët ja yoots nëma'a, tääts ja teetytyëjkëty ka'ap ojts t'ëkjëkyäjpnëtë wi'ix ja wintsë'kën tkë'ëyaktëty jä'ä ko ja Wintsën ja myëj'ajtën y'oyajtën tëë ënety ja tsajptëjk tyajwintuky.

Job 38:25

¿Pën yajniku'ëwatsyp yë mëk komtuu ets tukni''ixë yë në'ë tu'u mëti'ipë kyuuynyëjkxëpën yë mëktuupoj,

Salmos 50:3

Yë nTios'ajtëm tää myiny wyinkony, ka'ap Amón api'its myiny: jëënmëët myiny mëti'ipë winë yajtooytyëkoopyën, ets wyintuuy pyë'aay mëk tuu mëkpoj mëët ye'ey.

Salmos 77:18

Yajmëtoop ja m'ënääw ma pojxujtykyën; ets ja wëtsuk tyukjajëtyääpy ja naaxwiinyëtë, ënät ja naaxwiinyëtë të tyëkëtë yu'kxpë mëët ja ujx.

Salmos 81:8

Mëtoow'itë ënät miitsëty mëti'ipës nnaax'ajtyp nkajpn'ajtypyën, mëti'ipë yam ntuk'ëwaanëjantëpën; jääpëkës jeexyë xy'ëkjantymyëmëtoy, mijts Israel ja'ay.

Salmos 97:4

Ko tyajwëtsuky tëkokyë tyajtukjajëtyä'äy yë naaxwiinyëtë, ets naaxwiinyëtë yu'kxy ko jëtu'un t'ixy.

Éxodo 19:11

ets nyänyipëjktaakëtëty ko wyëxtëjkm'atëty jëjp'ixy ënety jää yajpaatë, jä'ä ko wëxtëjkmës yaa njënaka'any ma Sinaí kopkë ets tëkokyë ja Israel ja'ay xy'ixtëtyës.

Éxodo 19:15

ets ja Moisés y'ënëmaayëtë: Näyjyëjp'ixëtë ets jëtu'un jëjp'ixy myajpaatëty wëxtëjkm, këtii mëpaat yë to'oxytyëjk xymyëëtma'atë.

Éxodo 19:17

Ënet ja Moisés twoowtso'ontaay tu'kë'ëyë ja ja'ayëty, ma ënety jam tsyëënëtën ets ojts tukninëjkxy ja Dios ets jam wya'ak'o'oyëtyääytyë ma ja kopk'ëjxën.

Éxodo 19:9

ënät ja Dios y'ënëmaayë: Ëk'ix, yootsjoty yam mijts nmëëtmëtya'aka'any ets ja naax kajpn tmëtoow'itëty, ko ënety mijts nmëmëtyä'äky, jëtu'un'äämpy ja ja'ayëty mwinkutsë'ëkëtëty ets mtuk'ijxpätëtëty. Yë Moisés ojts niwinpity ja aaw ayuk ma Wintsënën, ijxtëm ënety ja naax kajpn të y'ëtsoowinpityën,

Éxodo 20:18

Nitëkokyë yë Israel ja'ayëty y'ijxtaaytyë ko ojts ja ënääw wëtsuk y'ëti'itsy y'ënä'äny, ko ja pujxnxuxn mëk jyänty xyuxy ets ko ja jëënjok tyajnitujktaay ja tun kopk. Ojts ja ja'ayëty may tsyë'ëkëtë ets ka'ap ojts nëkooyë wyinkontë ma kopkën.

Éxodo 20:21

Ja mayjyä'äyëty tam ënety jëkäm yajpaatë ko ja Moisés tmëwinkoony ja yoots nëma'a mëti'ipë je'eyë akëxë'këpën yëkëm, jam ma ënety ja Dios yajpaatyën.

Éxodo 40:34

ënät ja yoots nëma'a ojts tyajnituky ja wit tëjk ma ja näpyaatë y'ityën mëët ja Dios ets tyajtuktujktaay mëët ja myëj'ajt y'oyajtën.

Éxodo 9:23

Ënet ja Moisés ojts ja kyë'ë tyujkxajy tsajpjotm, tä ja Dios tkejxy ja ënääw wëtsuk ets ja tëtsn tuu yaa naaxwiiny naaxkëjxy. Yë'ë jëtu'un ojts t'ëwa'atsy ets nëkooyë tyëtsntu'ujëty jap ma Egiptë kajpnën ets ma tu'kë'ëyë it naaxwiinyëtë tnitänën.

Jeremias 5:22

Ëjts mëti'ipë Wintsën'ajtpën, jëtu'unës n'ëna'any: ¿Jä'ä jëtää ko ka'apës xytsyë'ëkëtë? ¿Jä'ä jëtää ko ka'ap tsyëtyuytyë maas ëjtsënë? Ëjts të njapëjktä'äky mapaat yë mëjmejy nyaxëtyën, mapaat ka'ap nëkooyë muum nyasjä'ätsëtyën. Jëtu'un yë në'o'pky pyëti'iky ets jya'ëëtsy jyakomy, e ka'ap tninaxy mapaat të yaj'ënëëmën jya'tëty.

Nahúm 1:3

Yë Wintsën mä'kxtujkp yë'ë ets maaytyääyëp winë, je'eyëp ko kopkpëky ko tëytyuny mëti'ipë tuuntëkoopyën. Yë Wintsën ye'epy jëtijtp tuupojjoty ets yoots nëma'a yë'ë jëtu'un jya'ap naaxwayën ma tyekpya'tkën.

Mateo 24:31

ets tkäxa'any ja anklëstëjk mëët ja pujxnxuxn mëti'ipë mëk tyukxu'uxantëpën ets myujkta'aja'antë xiitsow yaatsow ja ja'ayëty mëti'ipë ënety të yajwin'ixtën, tyso'onta'akëty ma xëëw pyëtsimyën ets jampaat ma kyëtä'äkyën.

Deuteronomio 5:5

Ëjts itkujkyës ënety nyajpaaty ma Tiosën mëët miitsëty ets ntuk'ëwaanëtëty tii ja Dios kyäjpxyp. Jä'ä ko ja jëën mëti'ipë jam këxë'kën ojts ja xytsyë'ëkëtë, paaty ka'ap tjëkyejpy jam mpätëty kopkkëjxm. Ets ja Wintsën ojts y'ënä'äny:

Hebreos 12:21

Atsë'ëk ajawë ojts t'ixtë. Yë'ëpaat yë Moisés y'ënäny: Tsëyuupyës mëët ja tsë'ëkë.

Apocalipsis 1:10

Wintsën ënety ja xyëëw ko ja Kënu'kxymyëkajtën ojts xynyikëtä'äkyës ets janty mëk nmëtooyës ja ayuk njëxkë'ëmës ijxtëm tu'uk yë pujxnxuxn y'ënä'änyën,

Apocalipsis 11:19

Ënet ja Dios ja tyëjk y'ëwatsy jam tsajpjotm ets n'ijxyës jap ja kaaxë mëti'ipë myë'ijtypyën ja käjpxytyu'unën, ënät ja wëtsuk të y'ëtëtstä'äky, ja aaw ayuk të yajmëtoy, ja ënääw të y'ënaantä'äky, të tyëkë ja naaxwiinyëtë yu'kxpë, të tsyëyuuypyiky ets të tyëkë mëk tëtsntuupë.

Apocalipsis 4:1

Ko jëtu'un y'ëkjajty y'ëkkëpejty, ënätës n'ijxpaty ko ja tsajp y'ëwa'atsy ijxtëm tu'uk ja tëjk'aawën; ets ja ayuk nmëtooyës janty mëk ijxtëm tu'uk ja xuxnën, mëti'ipës ënety jëwyiin të xymyëkäjpxyën jëtu'unës xynyëmaay: Pät yam ets ntuk'ixëty mëti'ipë ok tunan jatanëpën.

Apocalipsis 4:5

Pëmiimp ja ënääw wëtsuk ma ja kutujktaknën ets wëxtujk ja jëën jam tyoy yë'ë wyintum ijxtëm ja tsiinwatyën. Jä'ä ja Dios ja niwëxtujkpë ja jya'awën.

Apocalipsis 8:5

Tääts ja tsajpjotmëtë kukäjpxy tkoonë'ky ja poom ato'oyën ets tyaj'ujtsy mëët ja jëënpajk mëti'ipë jamën ma ja wintsë'këntyaknën, ets najtswëjjëy ma ja naaxwiinyëtën ets myiiny ja ënääw wëtsuk ets mëk ujx.