Éxodo 17:3 - Biblia Dc en Mixe de Quetzaltepec

³ Ja naax kajpn yajxon ënety jyänty tsyëëtsëtë, paaty ojts je'eyë t'ëk'ojnëtë ja Moisés ets t'ënëmaaytyë: ¿Tiixë koos ojts jap je'eyë nëkoo xyajpëtsëmtë Egiptë? ¿Paatykyëjxmën jap xyajpëtsëëmtës etsës yaa xyäjtëëtsë'ooka'antësë, mëët nitëkokyë ja n'u'unk n'ëna'këtyës ets ja njëyujk ntsajpkaajëtyësë?

Biblia Mixe de Quetzaltepec

³ Ja naax kajpn yajxon ënäty jyänty tsyëëtsëtë, paaty ojts je'eyë t'ëk'ojnëtë ja Moisés ets t'ënëmaaytyë: ¿Tiixë koos ojts jap je'eyë nëkoo xyajpëtsëmtë Egiptë? ¿Paatykyëjxmën jap xyajpëtsëëmtës etsës yaa xyäjtëëtsë'ooka'antësë, mëët nitëkokyë ja n'u'unk n'ëna'këtyës ets ja njëyujk ntsajpkaajëtyësë?

Éxodo 17:3 Iomraidhean Croise

Nehemías 9:15

Mooyë näjyëtu'un tsajpkääky ets ku'uxyë kyäytyëty y'uuktëty ets nëë tsaajotypë pyëtsiimyën ets nyëëtëëtsë tyajmontëty. Ets ok xy'ënëmaay ko tniwäänta'atëty ja it naaxwiinyëtë ma ënety të xytyukwinwa'anëmën.

Nehemías 9:20

Kë'ëm ojts xytyimmo'oy ja jot mëjaaw oypyë ets nyë'ëye'ey tyu'uye'eytyëty; nijëna'a ojts ja tsajpkääky kyatëkoy'äty ma y'aaw yä'änëtyën mëti'ipë tyijtëpën maná, xëmë tmooy ja nëë mëti'ipë y'uuktëpën pyëktëpën.

Salmos 107:5

yuu'o'këtyëp ets tëtsëtyëp ënety oynyë, oo'kanëtëp ënätynyë.

Éxodo 12:38

Ojts kanaakpëky yë ja'ay pyanëjkxëtë, wä'än yë'ëjëty yë ka'apë ënety y'Israel ja'ayëtyën ets janty nimay ojts näjyëtu'un yë tsajppaxëty, kupixynyëty ets jëyujkëty, tsajpkaajëty tyajnëjkxtë.

Éxodo 14:11

Tä t'ënëmaaytyë ja Moisés: ¿Tii o'kpë jut jëtää ënety jap ka'ijtpë Egiptë ets yaa muum nmi'inmëty o'kpë tëkoopyë yaa wintë'ëtstuuyë? ¿Tiis ko jëtu'un xytyuntë? ¿Wi'ixës ko të xyajpëtsëmtë jap Egiptë?

Éxodo 15:24

Ënet ja ja'ayëty ojts tyëkëtë kajpxpë, je'eyë ja Moisés tjantynyi'ojëtë ets t'ënëmaaytyë: ¿Tiitën ëëts ënät n'uuktëp?