Éxodo 17:2 - Biblia Dc en Mixe de Quetzaltepec

² Paaty ojts ja Moisés jä'ä tukmëkajpxtë ets t'ënëmaaytyë: Mooytyëkës yë nëë mëti'ipës n'uuktëpën. ¿Wi'ix koos yë nëë xy'amëtowtë? ¿Wi'ix ko je'eyë Dios nëkoo xyajjotkëxtë, xyjyänty nyä'ämtë je'eyë tii y'ëkyäjkpy? Jëtu'un ja Moisés y'ëtsoowëtë.

Biblia Mixe de Quetzaltepec

² Paaty ojts ja Moisés jä'ä tukmëkajpxtë ets t'ënëmaaytyë: Mooytyëkës yë nëë mëti'ipës n'uuktëpën. ¿Wi'ix koos yë nëë xy'amëtowtë? ¿Wi'ix ko je'eyë Tios nëkoo xyajjotkëxtë, xyjyänty nyä'ämtë je'eyë tii y'ëkyäjkpy? Jëtu'un ja Moisés y'ëtsoowëtë.

Éxodo 17:2 Iomraidhean Croise

Salmos 106:13

E ka'ap nëkooyë pyoxy tääts ets jatëkok tja'atyëkooytyë mëti'ipë ja Dios ënety të tjakäjpxyën, ka'ap ojts t'ëwxitë ets jeexyë tnijawëtë mëti'ipë ënety ja Dios tyuknipëjktakëpën.

Salmos 106:14

Jam apaktum, të'ëts'itjotm, je'eyë ojts yë Dios twinma'any'ixtë, ets tuknä'ämtë tunëty mëti'ipë ënety tsyojkën'ajtëpën.

Salmos 78:18

Ojts ja Dios tjawinma'any'ixa'antë ko ja jyi'kxy pyiky tsoktë jëtu'un tä ja tyimjot tyimwinma'anyëtyën.

Salmos 78:41

E ka'ap wyinjekyëty ijty ja Dios tyajjotkëxtë, ets jëtu'un tyajmon tyajtuktë ja Wa'atspë jampë yajpaatyën Israel.

Salmos 78:56

E yë'ëjëty je'eyë ojts yë Dios Ni'ik Këjxmëpë tnëxi'ik tukxi'iktë, ets ni'ikyë tkäjpxykyumëtoownajxtë ets ka'ap tpatuuntë ijxtëm ënety ja y'ënä'ämën tyiyajtën jya'ëna'anyën.

Salmos 95:8

Këtii yë mjot mwinma'any juun xypyëjkta'aktë, jëtu'un ijxtëm ojts jyäty kyëpetyën jam Meribá, ets jëtu'un ijxtëm ojts jam tëkok jyätyën Masá, jam të'ëts'itjotm,

Salmos 95:9

ko ojts yë m'ap m'okëty je'eyë xywyinma'any'ixtës, etsës winë ntunëty, oy ënety të tja'ixtë koos winë mëj këjää ntuny nkäjpxy.

Éxodo 15:24

Ënet ja ja'ayëty ojts tyëkëtë kajpxpë, je'eyë ja Moisés tjantynyi'ojëtë ets t'ënëmaaytyë: ¿Tiitën ëëts ënät n'uuktëp?

Éxodo 16:8

Tä yë Moisés ojts jyaakëna'any: Ko jyënäkyxyëëw'atëty jää yë Dios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Dios jëtu'un wiinkjaty të xytyijtë.

Éxodo 17:7

Ets txëëwmooytyë ja jampë ja it naaxwiinyëtë Meribá, jä'äkyëjxm ko ënety ja Moisés jëyëjp ja Israel ja'ayëty të y'ëk'ojëtë, ojts näjyëtu'un tijtë Masá, jä'ä ko je'eyë ënety ja Dios të tjoot'ix të twinma'any'ixtë, ko y'ënantë: ¿Wi'ix jää ja Dios yajpaatyë mëët ëëts'ajtëmë ëkë ka'apë?

Éxodo 5:21

ets y'ënëmaayëtë: Yë Dios yë'ë nëjkx jëna'a mtëytyunëtë mëët mëti'ipë mtuuntëpën, jä'ä ko miits jëtu'un yë poky mëët'ajtëp ets ëëts yë yajkutujkpë yë wyintsëntëjk ëxëëk xy'ixtëty. Ya'atë jëtu'un tpatnë tä jeexyë miitsëty kë'ëm të xy'ënëëmëtën etsës ëxëëk xytyuntëty.

Isaías 7:12

Ënet ja Ahaz y'ëtsooy: Ëjts nitiijës yë Wintsën nka''amëtowa'any ets ka'ap tjëkyepy nwinma'any'ixëtyës.

Malaquías 3:15

Tëë n'ijxëmë ko ja'ay mëti'ipë mëj këjxm ja'ay'ajtpën nikë jotkujk jyuuky'äty, mëti'ipë ja'ay ëxëëk ëtëtsp ënaanpën nikë oy winë wyimpëtsë'ëmxëty, jyayajjoot'anpëjktëp yë Dios ets ka'ap wi'ix tyunëtë.

Mateo 4:7

Tääts ja Jesús y'ëtsooy: Näyjyëtu'un ja Dios ja y'aaw y'ayuk kyëxja'ayëty: ka'ap ja Wintsën xywyinma'any'ixëty pën oy ka'oy tii ntuna'any.

Lucas 15:12

Tääts ja myaank mutskpë y'ënëmaayë: Tatë, mooykyës ja nkuma'ayën mëti'ipës xypyaat'ajtpën. Tääts ja u'unkteety ojts tyajkwä'kxy ja näykyumayë ets tkumaay ja y'u'unk y'ëna'k.

Lucas 4:12

Tääts ja Jesús y'ëtsooy: Näjyëtu'un ja Dios ja y'aaw y'ayuk y'ënä'äny: Këtii ja Wintsën xywyinma'any'ixëty.

Hechos 15:10

E tyam, ¿tii ko ja Dios xyjyënaxa'antë ko xytyuktuna'antë ya'atë mëpëjkpëtëjk mëti'ipë ja n'ap'ajt n'ok'ajtëmë ka'ap tpatuuntën ets näjyëtu'un ëëts'ajtëmë ka'ap npatu'unëmë?

Hechos 5:9

Tääts ja Pedro t'ënëmaay: ¿Tii ko të xykyäjpxy'atë nimäjtsk ets ja Wintsën ja kyënu'kxymyëk'ajtën xywyinma'any'ixa'antë? Tää ja ja'ay myintë tëjk ëkë'ëy mëti'ipë ja mniye'etyëjk ojts të tyajnaaxtëkëtën, mijts näjyëtu'un ënät nëjkx mnaaxtëkë.

1 Corintios 10:9

Ka'ap ja Wintsën nwinma'any'ijxmëty, ijxtëm yë'ë ojts jënaakën y'ëtë'ëtstën mëti'ipëty ojts ja tsa'any kyutsu'utsëtën.

Deuteronomio 6:16

Këtii nëkoo Wintsën je'eyë xywyinma'any'ixtëty tä ojts xytyuntën jam Masá.

Deuteronomio 9:22

Näyjyëtu'un jam Taberá, Masá ets Quibrot-hataavá ojts yë Wintsën jam xyajjoot'anpëktë.

Hebreos 3:9

Jam ojts xywyinma'any'ixtës miits ja m'aptëjkëty oy ënety të tja'ixtë ja ntuunkës wëxtyikxy jëmëjt.

1 Samuel 8:6

Samuel ka'ap ojts t'oyjyawë ko jëtu'un ja Israel ja'ayëty y'ëna'antë, ko t'amëtowtë ja yajkutujkpë, paaty ojts ja Wintsën t'ëwaanë,