Éxodo 16:8 - Biblia Dc en Mixe de Quetzaltepec

⁸ Tä yë Moisés ojts jyaakëna'any: Ko jyënäkyxyëëw'atëty jää yë Dios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Dios jëtu'un wiinkjaty të xytyijtë.

Biblia Mixe de Quetzaltepec

⁸ Tä yë Moisés ojts jyaakëna'any: Ko jyënäkyxyëëw'atëty jää yë Tios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Tios jëtu'un wiinkjaty të xytyijtë.

Éxodo 16:8 Iomraidhean Croise

Éxodo 16:12

Tëës nnijawë ko yë Israel ja'ayëty je'eyë wiinkjaty myäytyë tyajtë. Paaty tyam kopkpëky ko xymyëkajpxëty ets xy'ënëëmëty: Ko jyënäkyxyëëw'atëty, ja tsu'utsy jää mtsu'utstëp, e ko jyopyëp'atëty yë tsajpkääky jää mkaytyëp, koonëm yajxon m'utstëty. Jëtu'unts xynyijawëtëty ko ëjtsë jëtu'un Wintsën mëti'ipë Tios'ajtpën.

Éxodo 16:9

Ënet yë Moisés t'ënëmaay yë Aarón: Ënëëmë tëkokyë yë Israel ja'ayëty, wä'än tmëwinkontë yë Dios, jä'ä ko yë'ë tëë tmëtoy ko tëkatsyëty yë aaw ayuk të nyipëtsëmyë.

Éxodo 17:2

Paaty ojts ja Moisés jä'ä tukmëkajpxtë ets t'ënëmaaytyë: Mooytyëkës yë nëë mëti'ipës n'uuktëpën. ¿Wi'ix koos yë nëë xy'amëtowtë? ¿Wi'ix ko je'eyë Dios nëkoo xyajjotkëxtë, xyjyänty nyä'ämtë je'eyë tii y'ëkyäjkpy? Jëtu'un ja Moisés y'ëtsoowëtë.

Isaías 32:6

Jä'ä ko yë ëxëëk ja'ay ëxëëkëty kyäjpxy myëtyä'äky ets aak ëxëëkjaty tii tnimay tnitajë; yajja'ay ookaanp je'eyë ets wiinkjaty tnimëtyä'äky ja Wintsën; ja mëti'ipë ja yuu'o'këpën ka'ap tkääky mye'ey; mëti'ipë tëtsëpën, ka'ap tyajnëë'uuky.

Isaías 37:29

Tëës nijawë ja mjoot'an ets mmëj'ajt mkëjxm'ajtën, jëtu'un yam npëjkta'aka'anyës mjëjp tunkëjxm tä jeexyë pujxn jam nkëxjëëpyënës, tä jeexyë pujxn ntuk'atijën ets yë'ë ntukwo'onwinpita'anyë ma të mtsoonyën.

Mateo 10:40

Pën miits mkupëjkëtëp, nän xykyupëjkpës ënety ëjts; ets pën xykyupëjkpës, nän kyupëjkpy ënety mëti'ipës xykyäjxpën.

Mateo 9:4

Nyija'awëy ja Jesús wi'ix ënety myäytyë tyajtën. Tääts yajtëëwëtë: ¿Tii ko ëxëëk winma'any xymyëët'atë?

Lucas 10:16

Ënet ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënety xymyëtoow'ijtëp; pën kyamëtoow'ijtyp mëti'ipë ënety miits mnimëtyaktëpën, nän ëjts ënety xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Juan 13:20

Tëy miits nëëmëtë, pën kyupëjkpy mëti'ipës nkejxypyën, nän ëjts ënety xykyupëjkp; ets pën xykyupëjkpës, nän yë'ë ënety kyupëjkpy mëti'ipës xykyäjxpën.

Romanos 13:2

Paaty ko pën ja kutuunk tkamëmëtowëty, wyiink'ijxyp ënety mëti'ipë ja Dios të tuknipëjktaakën. Ets mëti'ipë käjpxy kumëtoownajxpën nëjkxëp ja yajtëytyuny.

1 Corintios 10:10

Ka'ap ja Dios yë'ë ntukjoot'anpëjkmëty, ijxtëm jënaakën y'ëtëtstën, tyukjoot'anpëjktë ja Dios ets ojts yaj'ookëtë ja tsajpjotmëtë kukäjpxy yajja'ay'o'kpë.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Dios ënety kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

1 Samuel 8:7

e ja Wintsën tyaa y'ëtsoowë: Mijts kupëkymës mëti'ipë naax kajpn m'amëtoowëpën. Jä'äxë ko ka'ap myijtsëty m'ixtijyë, ëjts yë xy'ixtijtëp, ëjts jëtu'un xykyatsojktëp ets n'ënä'ämëtyës ma yë'ëjëtyën.