Éxodo 16:2 - Biblia Dc en Mixe de Quetzaltepec

² E ko jam jya'ajtë ma ja të'ëts'itën, ënätyë tnimëtyaktëjkëtyë wiinkjaty ja Moisés ets ja Aarón.

Biblia Mixe de Quetzaltepec

² E ko jam jya'ajtë ma ja të'ëts'itën, ënätyë tnimëtyaktëjkëtyë wiinkjaty ja Moisés ets ja Aarón.

Éxodo 16:2 Iomraidhean Croise

Génesis 19:4

Ka'anëm ënety myanaxtënëm, ko ja Sodomë ja'ayëty ojts ja Lot yë tyëjk tyajnaatujktaayëtë, jënu'un yë mutsk'ëna'këty ets mëjja'aytyëjk.

Salmos 106:13

E ka'ap nëkooyë pyoxy tääts ets jatëkok tja'atyëkooytyë mëti'ipë ja Dios ënety të tjakäjpxyën, ka'ap ojts t'ëwxitë ets jeexyë tnijawëtë mëti'ipë ënety ja Dios tyuknipëjktakëpën.

Salmos 106:25

jap ma ënety y'itën tsyëënëtën ëxëëkjaty ja Dios jap tnikäjpxy tnimëtyaktë ets ka'ap tmëmëtoowtë mëti'ipë jayajtuk'ënä'ämtën.

Salmos 106:7

Yë nteety n'apëtyës ka'ap ojts jap Egiptë tmëj'ix tmëjpëjkta'aktë ja mmëjajtën, ojts tja'atyëkooynyëtë ja mëjpë këjääpë ja mtsojkën mja'awën, ets ojts kyäjpxykyumëtoownaxtë winkon ma Tsaptsmejyën.

Éxodo 14:11

Tä t'ënëmaaytyë ja Moisés: ¿Tii o'kpë jut jëtää ënety jap ka'ijtpë Egiptë ets yaa muum nmi'inmëty o'kpë tëkoopyë yaa wintë'ëtstuuyë? ¿Tiis ko jëtu'un xytyuntë? ¿Wi'ixës ko të xyajpëtsëmtë jap Egiptë?

Éxodo 15:24

Ënet ja ja'ayëty ojts tyëkëtë kajpxpë, je'eyë ja Moisés tjantynyi'ojëtë ets t'ënëmaaytyë: ¿Tiitën ëëts ënät n'uuktëp?

Éxodo 17:3

Ja naax kajpn yajxon ënety jyänty tsyëëtsëtë, paaty ojts je'eyë t'ëk'ojnëtë ja Moisés ets t'ënëmaaytyë: ¿Tiixë koos ojts jap je'eyë nëkoo xyajpëtsëmtë Egiptë? ¿Paatykyëjxmën jap xyajpëtsëëmtës etsës yaa xyäjtëëtsë'ooka'antësë, mëët nitëkokyë ja n'u'unk n'ëna'këtyës ets ja njëyujk ntsajpkaajëtyësë?

Éxodo 5:21

ets y'ënëmaayëtë: Yë Dios yë'ë nëjkx jëna'a mtëytyunëtë mëët mëti'ipë mtuuntëpën, jä'ä ko miits jëtu'un yë poky mëët'ajtëp ets ëëts yë yajkutujkpë yë wyintsëntëjk ëxëëk xy'ixtëty. Ya'atë jëtu'un tpatnë tä jeexyë miitsëty kë'ëm të xy'ënëëmëtën etsës ëxëëk xytyuntëty.

1 Corintios 10:10

Ka'ap ja Dios yë'ë ntukjoot'anpëjkmëty, ijxtëm jënaakën y'ëtëtstën, tyukjoot'anpëjktë ja Dios ets ojts yaj'ookëtë ja tsajpjotmëtë kukäjpxy yajja'ay'o'kpë.