Éxodo 15:2 - Biblia Dc en Mixe de Quetzaltepec

² Ëjts nwin'ëëpy nwinyäxypyës yë Wintsën, jä'ä ko yë'ëjës xymyëkmoopy xymyëjaawmoopy ets yë'ëjës xyajnitsokp. Yë'ëjës nTios'ajtyp paatyës nwin'ëy nwinya'axy. Yë'ë näjyëtu'un yë nteetyës ojts tTios'aty, paatyës nmëjjaw nkënu'kxyjawë.

Biblia Mixe de Quetzaltepec

² Ëjts nwin'ëëpy nwinyäxypyës yë Wintsën, jä'ä ko yë'ëjës xymyëkmoopy xymyëjaawmoopy ets yë'ëjës xyajnitsokp. Yë'ëjës nTios'ajtyp paatyës nwin'ëy nwinya'axy. Yë'ë näjyëtu'un yë nteetyës ojts tTios'aty, paatyës nmëjjaw nkënu'kxyjawë.

Éxodo 15:2 Iomraidhean Croise

Génesis 17:7

Yë käjpxytyu'unën mëti'ipës ntuunpyën mëët mijts ets mëët yë m'u'unk m'ok. Yë'ë koos jëtu'un mijts xyTios'ataanpës ets tu'kë'ëyë m'u'unk m'ok ets ja y'u'unk y'okëty näjyëtu'un.

Génesis 49:18

Wintsën n'ëwxijtypyës ets mijts xyaj'ëwaatsëpëtsëmëtyës ets xyajtso'okëtyës.

2 Samuel 22:3

yë nTiosës, ja jëtu'unpë tä mëjtsaajën mëti'ipës xypyëjk'ijtp xymyajts'ijtpën, mëti'ipës xy'akëëytyujkpën; ja mëk'ajtën mëti'ipës xyajtsokpën ets ja ntsoktaknës, mëti'ipës xyaj'ëwaatsëpëtsëëmpën. Tëës xyajtso'oky ma ja tsip mëk tyunyën.

2 Samuel 22:47

Juuky'ajtp yë nWintsënës. Kënu'kxy xëmë xyëëw y'itëty mëti'ipës xypyëjk'ijtp xymyajts'ijtpën. Wä'än mëj'äämpy tyajjawë yë Wintsën mëti'ipës të xyajnitso'okyën. Mëti'ipës xy'akëëytyujkp xy'axajtujkpën këtiipës nka'ajëty ëxëëktum

2 Samuel 22:51

Yajmëta'ak xëmë jam tsipjotm myajkutujkpë mëti'ipë kë'ëm mwin'ijxën; ets mëët'at xëmë mkë'ëjotm yë David yë y'u'unk y'ok mëët ja mtsojkën mja'awën.

2 Samuel 7:24

tëë mijts kë'ëm xytyimnikäjpxy ko yë Israel kajpn yë'ë xykyajpn'ata'any xëmëkyëjxm ets ko mijts Wintsën, m'ëwtata'anyë.

2 Samuel 7:5

Nëjkx jam ma David yajpaatyën ets xy'ënëëmëty koos jëtu'un n'ëna'any: Mijts David, ka'ap mijts mpaatyë ets xykyojëty tu'uk ja tëjk maas ëjts n'itëty ntsëënëtyën.

1 Reyes 8:13

E tyam tëëjës tu'uk ja mtsajptëjk nkojyës, ma mtsëënëtyën xëmë.

1 Reyes 8:27

Je'eyëp ko ¿Wä'än jëtää tyiyëty ko yë Wintsën jyëkyejpy jyuuky'atëty naaxwiiny naaxkëjxyë? Ix yë tsajp, ix jënu'un myëjëty ets ka'ap myäyë nyikojta'ajëtëty. E ya'atë tsajptëjk mëti'ipës yam të nkojyën tim yi'inëm yë'ë.

1 Crónicas 16:14

Yë'ë Wintsënajtp mëti'ipë nTio'ajtëmën; ets yë'ë ënä'ämp yajkutujkp ma tëkokyë naaxwiinyëtë y'ëwtityën.

Salmos 109:1

Mijts Dios, këtii amë'pxy mwë'ëmy ko nmëwaantsow nmëpëjktsowëty,

Salmos 118:14

Ëjts ntukxoontäkpyës yë Wintsën, jä'ä ko yë'ë të xymyëjaawmo'oyës. Yë'ëjës nnitsokpë'ajtyp.

Salmos 118:21

Tyamës nyajnaxy yë kukkajpxën ja'awëkyëtakkën Wintsën, mëët koos mijts të xy'ëtsoowinpity ets koos mijts näjyëtu'un të xyajnitso'oky.

Salmos 118:28

Tyam nmo'oy ja kukkajpxën ja'awëkyëtakkën ets ntukxoontäkpyës mijts yë mmëjajtën, jä'ä ko mijts jëtu'un nTios'ajtyp.

Salmos 132:5

pën ka'apës yë Wintsën yë tyëjk npatë, mëti'ipë Jacob y'ëwtajtën.

Salmos 140:7

Wintsën, Wintsën yajnitsokpë mëti'ipë maaytyääyëpën winë, këwent'ajtkës yë njot nkëpajk oy muum tsipjoty nyajpaatyës.

Salmos 145:1

Nimëtya'akäämpyës yë mmëjajtën, mijts Dios, mëti'ipës nTios'ajtypyën ets mëti'ipës n'ënä'ämpë'ajtypyën. Xëmë yë mxëëw nmëjjawëja'any nkënu'kxyjyawëja'anyës.

Salmos 18:46

Juuky yë Dios. Kënu'kxy yë xyëëw y'ity mëti'ipës xykyuwaanp xynyixajpën. Wä'än mëj'äämpy tyajpëjktä'äky yë Dios mëti'ipës xyajkäktsokpën.

Salmos 22:10

Ka'anëmës ënety nmëxu'unk'aty ko ojts xy'ëxajës etsës xykyëwent'atëty; tapnëmës ënety ntaakës jyootjoty, ko mijts nTios'aty.

Salmos 22:3

Mijts wa'ats xëmë myajpaaty. Mijts myajkutujkp ets mëj'äämpy yë Israel ja'ay mjëkyepyë.

Salmos 27:1

Yë Wintsën, yë'ëjës xykyutë'kxp xykyujajp ets yë'ëjës xyajnitsokp, ¿pënës n'ëktsë'ëkëp? Yë Wintsën yë'ëjës yë njuukyajtën kyuwäämpy. ¿Ti ko ntsë'ëkëtyës?

Salmos 28:8

Yë Wintsën yë'ë nyaax kyajpn mëjaaw'ajtëp. Näyjyëtu'un ja yajkutujkpë mëti'ipë të twin'ixyën, jam yë näypyutëkë ets tsoktakn tpaaty ma yë'ëjën.

Salmos 30:1

Wintsën tyam mijts nkuuy'iy nkuuyä'äxy, jä'ä ko mijtsës të xyajtso'oky ets ka'ap të xy'ëwa'atsy etsës yë nmëtsiptëjk xynyëxi'ik xytyukxi'iktëty.

Salmos 34:3

Mëjpëjkta'aktë yë Wintsën mëët ëjts, yajmëjnaxtë xyëëw.

Salmos 48:14

Jä'ä ko ya'atë Dios, yë'ë xëmë nTios'ata'anëm oy tyimjëna'ajëty. Yë'ë xytyu'uwinwowa'anëm winë xëëw winë jëmëjt.

Salmos 59:17

Mijts ntukwin'ëwäämpy yë oyëtypë ëy yä'äxy; mijts Dios mëti'ipës nTios'ajtypyën, jä'ä ko mijtsës xyajjotmëktakp, ets mijtsës xykyuwaanp xynyixajp; mijts Dios mëti'ipës xytsyojkp xyjya'apën.

Salmos 68:20

Yë Dios, mëti'ipë nTios'ajtëmën yajnitsokp yë'ë, ets yë'ë mëti'ipë xyjyu'tmëpën o'këntuuy.

Salmos 99:5

Mëjjaw kënu'kxyjyawëtë yë Wintsën, mëti'ipë nTios'ajtëmën; yë'ë wiinkoxtänëtë ets ëwtatë. Yë Dios, wa'ats yë'ë.

Salmos 99:9

Mëjpëjkta'aktë yë nWintsën'ajtëm Dios; wiinkoxtänëtë ja kyopk wa'atspë. Yë nWintsën'ajtëm Dios, wa'ats yë'ë.

Éxodo 14:13

Tä ja Moisés ojts y'ëtsowëtë: Këtii mtsë'ëkëtë, yajpaatë amëk jotmëk, yë Dios jëtu'un të tuknipëjktaakë ets tyam xy'ixtëty wi'ix myajtso'oka'anëtë; yë Egiptë ja'ayëty nijëna'a nëjkx jëtu'un tka'ëk'ijxnëtë, tä tyam t'ixa'antën.

Éxodo 3:6

Ets ojts tjaaknikäjpxy: Ëjts jëtu'un ojts xyTios'atë yë m'ap m'okëty. Ëjts jëtu'un xyTios'ajtë yë Abraham, Isaac ets Jacob. Yë Moisés ënätyë ojts nyäwyinkumo'kxëty, jä'ä ko yë'ë ojts tsë'ëkë, ko ja Dios jeexyë t'ixy,

Éxodo 4:22

Ënet xy'ënëëmëty yë yajkutujkpë: Jëtu'un yë Wintsën y'ënä'äny: Yë Israel yë'ëjës jëtu'un nja'ap tääjës jeexyë nkä'äxkopkëtyën.

Éxodo 40:34

ënät ja yoots nëma'a ojts tyajnituky ja wit tëjk ma ja näpyaatë y'ityën mëët ja Dios ets tyajtuktujktaay mëët ja myëj'ajt y'oyajtën.

Éxodo 6:7

Jëtu'un miitsëty n'ëxajëja'antë, tääjës yë ntimnyaax ntimkyajpnën etsës miits xyTios'atëp ets xynyijawëtëty, ko ëjts Wintsën, mëti'ipë miits mTiosajtëpën, mëti'ipë të myajpëtsëmëtën, ma ënety miitsëty je'eyë mëtun m'ëyowtën, mëët ja mëkëtypë ja tuunk, mëti'ipë mooyëtëpën ja Egiptë ja'ayëty.

Isaías 12:2

Yë Dios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.

Isaías 25:1

Wintsën, mijts nTios'ajtyp; mijts nyajmëjnajxyp ets nmëjja'aw nkënu'kxyjya'apës yë mxëëw, jä'ä ko tëë xytyuny mëjwiin këjää winë ijxtëm ojts xynyikäjpxyën, jëtu'un tyimtso'ontäky tëëyëp.

Isaías 45:17

E ja Israel ja'ay Wintsën ojts yajtso'okëtë, yatsokëtë winë xëëw winë jëmëjt, ets yë'ëjëty ka'ap ojts nijëna'a tsëtyu'unmëët wyë'ëmtë ets nijëna'a o'ktëy kyajata'antë.

Isaías 49:6

Jëtu'un yë Wintsën y'ënä'äny: Ëjts ka'apës yi'iyë ntukjotkujk'aty ko xyajtu'ukmukëty yë Jacob yë jyä'äy ets xyajwinpijta'ajëty tëkokyë mëti'ipë të kyäktso'oktën; ëjts yë'ëjës ntsojkpy ets mijts m'itëty ma naax kajpnën tä kutë'kxn kujajnën, ets xymyënëjkxëty ma ja naax kajpnën ja nitsokën ets yaj'ëwaatsëpëtsë'ëmën.

Isaías 66:1

Jëtu'un yë Wintsën y'ënä'äny: Ëjts jamës nkutujktakn tsajpjotm, e naaxkëjxy ntekyës jää nyaj'ijtyp. ¿Maas yë njëën ntëjk xynyakojtëty? ¿Maas xynyayajpo'kxa'antë?

Jeremias 3:23

Ni maas nkatuk'oy'atë koos jam muum nëjkxtë tunkëjxm kopkkëjxm jëëpyë yaxpë ëkë yaxpë jojkpë; jam ma Wintsënën mëti'ipës nTios'ajtëpën, yë Israel ja'ayëty pyatëp ja nitsokën.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Jeremias 32:38

Nëjkxëp yë'ë nkajpniwa'anyës etsës nëjkx xyTyios'atë.

Habacuc 3:13

Tëë xypyutëkë ja mnaax mkajpn ets ja yajkutujkpë mëti'ipë kë'ëm mwin'ijxën. Tëë xyajjitsy ja ëxëëk ja'ay ja jyëën tyëjk ets tëë jap xytyim jijtë'ëky ma ja potsy'ëjxën.

Lucas 1:77

jëtu'unts ja ja'ay nijawëtëty ja nitsokën ets ja pyoky yajnimä'kxtëty.

Lucas 2:30

Yë'ë ko tëëjës n'ix ja nitsokën

Juan 4:22

Miitsëty ka'ap xynyijawëtë pën m'ëwtajtëp; ëëts nnija'awëtëpës pën n'ëwtajtëpës, jä'ä ko yë nitsokën jam tsyoony ma jutiis ja'ayëtyën.

Juan 5:23

e ja Dios U'unk näjyëtu'un yajwintsë'ëkëty ijxtëm ja Dios Teetyën. Pën ka'ap twintsë'ëkë ja Dios U'unk, nän ka'ap twintsë'ëkë ja Dios Teety mëti'ipë kyejxypyën ja Dios U'unk.

Hechos 4:12

Ka'ap maa wiinkpë yajnitsokpë, ka'ap maa naaxwiinyëtë apëtsëmy ja ja'ay mëti'ipë ja Dios të xymyo'oyëmën ets xyajnitsokmëty.

2 Corintios 5:19

Jëtu'un yajja'akyukë ko ja Dios të tyajnämyë'oypyikyë ja naaxwiinyëtë ja'ay, ka'ap ja tuuntëko'oy kajpxtëko'oyën të tmëjpëjktä'äky, ëëts të xytyuknipëktë etsës ntuk'ëwaanëtëty ja ja'ay ya'atë aaw ayuk.

Efesios 2:22

Näyjyëtu'un miits ko tu'ukyë m'itë mëët ja Kristë, tu'ukyë mwinpätë koonëm myajpaatëty ma ja Dios ja tsyajptëjkën mëti'ipë yajpatpën mëët ja Kyënu'kxymyëk'ajtën.

Deuteronomio 10:21

Jä'ä ko miits xoontä'äky myajpaatë, e mëët yë'ëkyëjxm jëtu'un mxoonta'aktë. Jä'ä ko yë'ë mTios'ajtëp ets tëë yë myëj'ajtën mëj këjää tyaj'ixyë mëët miitskyëjxmëty, miitsëty tëë kë'ëm xytyim'ix xytyimtuntë.

Filipenses 2:11

ets ni'ëmukë tkajpxpaatëty ko Jesukristë, yë'ë Wintsën. Dios myëj'ajtën jyääntyajtën oypyë.

Filipenses 4:13

Aak jyëkyejpyës tii nwinkuwa'akëty jä'ä ko Kristë xyjyotmëkmoopyës.

Colosenses 2:9

Ja'ayën ja Kristë ojts y'awinpity ets yaj'ixëty ja Dios ma yë'ëjën,

Apocalipsis 15:3

Ets t'ëwtë ja ëy mëti'ipë ja Moisés y'ëëwën ets näjyëtu'un ja nyi'ëy ja Kupixynyën U'unk. Jëtu'un y'ëwtë: Wintsën Mëti'ipë Maaytyääyëpën Winë, mëj këjää mijts winë të xytyuny, tëy ets mëtëy mijts ja mnë'ë mtu'u, mijts myajkutujkp ma ni'ëmukë ja naaxwiinyëtë ja'ayën.

Apocalipsis 19:1

Ko jëtu'un y'ëkjajty, ënätës nmëtooy ko mayjyä'äy kyajpxtë tsajpjotm ets mëk y'ëna'antë: Tukxoontä'äky mëjjawë yë Dios yë xyëëw nyaxëty, ja nitsokën, ja mëj'ajtën jaanty'ajtën ets ja mëk'ajtën Dios yë jyä'ä'ajtääpy,

Jueces 5:21

Yë nëë wok, yë jekynyëëwok, yë nëë wok mëti'ipë yajtijpën Quisón wa'ats ojts jam ja ja'ay tyaj'o'kta'ay tyajtëkooytyä'äy. Mijts jëtu'unyë të xyaj'ëmoonta'ay ja mëkja'aytyëjkëty ets ja tsiptuunpëja'aytyëjk.