Éxodo 13:3 - Biblia Dc en Mixe de Quetzaltepec

³ Ënet ja Moisés t'ënëmaay ja nyaax kyajpn: Mja'amyätstëp jëtu'un xëmë ya'atë xëëw, ma Wintsën ojts mjuutëtën, mëët yë myëk'ajtën mëjpë këjääpë jap Egiptë ma ënety je'eyë mëtuntën m'ëyowtën. Ko ya'atë jëtu'unpë ja xëëw po'o tpaatëty winjëmëjt, ka'ap mëpaat xykyäytyë ja tsajpkääky mëti'ipë tsooymyëëtën.

Biblia Mixe de Quetzaltepec

³ Ënät ja Moisés t'ënëmaay ja nyaax kyajpn: Mja'amyätstëp jëtu'un xëmë ya'atë xëëw, ma Wintsën ojts mjuutëtën, mëët yë myëk'ajtën mëjpë këjääpë jap Egiptë ma ënäty je'eyë mëtuntën m'ëyowtën. Ko ya'atë jëtu'unpë ja xëëw po'o tpaatëty winjëmëjt, ka'ap mëpaat xykyäytyë ja tsajpkääky mëti'ipë tsooymyëëtën.

Éxodo 13:3 Iomraidhean Croise

Génesis 15:16

Koonëm ënety të myintë naaxwiiny ja m'u'unk m'ëna'k, taxk'oknipety täänëm jatëkok wyimpitëty ma ya'atë it naaxwiinyëtën. Jä'ä ko ka'anëm ënety kyukëxënëm ma ja Amor ja'ayëty ja ëxëëkpë tuntën tkajpxtën.

1 Reyes 8:42

Pën miintëp ja ja'ayëty wiink kajpnëpë yaa jëëytyak nu'kxtakpë, ma yaa mjëën mtëjkën.

1 Crónicas 16:12

Ja'amyätstë ja mëjpë këjääpë të tuny të tkäjpxyën ets ja ijx ka'ijxënpë, ja'amyätstë näjyëtu'un ja y'aaw y'ayuk mëti'ipë të tyajwë'ëmyën:

Nehemías 1:10

Ëëtsëty, ëëts mijts xytyuunpë'ajtëpës ets näjyëtu'un ja mnaax mkajpn mëti'ipë ojts xyaj'ëwaatsëpëtsëmyën mëët ja mmëkajtën ets mkutujkën.

Nehemías 9:10

Mëjwiin këjää ojts ja mëj'ajtën xyaj'ixyë ets mëjwiin këjää winë xytyuuny ma ja yajkutujkpë ënety yajkutukyën, wa'ats t'ijxtaay tnija'awëtyääytyë ja tyuunpëtëjkëty ets ja wyintsëntëjkëty mëët ko ënety janty amëj akëjxm tyimnäyajnaxyë ets ko ënety o'ktëy ja Israel ja'ay timtyuny timy'ënëëmë. Jëtu'un'äämpy ja'ay mpëjktakë ijtëpën oy tyimmaajëty.

Salmos 105:5

Yë'ë ja'amyätstë wi'ix winë mëj këjää të tuny të tkäjpxyën ets ja y'aaw y'ayuk mëti'ipë të tmëtyä'äkyën;

Salmos 114:1

Ko yë Israel ja'ayëty, mëti'ipë Jacob y'u'unk'ajtyp y'ëna'k'ajtypyën jap tsyo'ontë Egiptë, ma ënety jaaypyaat jaaypyo'kxy yajpaatën,

Salmos 136:11

Mëti'ipë ojts twoowpëtsëmyën jap Egiptë ja Israel kajpn, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 136:12

Ojts xyajwä'kxy mëët tu'uk yë mëk'ajtën mëjpë këjääpë, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 89:14

Yë mkutujktakn, yë'ë mëët xëmë y'ity ja oypyë ja nipaye'eyën ijxtëm pyaat'atyën. Mëët ja tëyajtën ets ja tsojkën ja'awën mëët winë xytyuny.

Éxodo 12:15

Ja tsajpkääky mëti'ipë mkaytyëpën ka'ap tii tsooy tmëët'atëty ets wëxtujk xëëw y'itëty. Paaty ma ënety më''ëka'any tsyo'ontä'äkyën ja mëtu'kxëëwpë, kamaa yë tsooy kyayajpaatëty ma ja mjëën mtëjkëtyën, e pën jëtu'un ja tsajpkääky kyääpy tsooymyëëtpë, ma ya'atë ja wëxtujk xëëwpë ënety të yajpëjktä'äkyën, nëjkxëp yajjo'otsy ma ja Israel kajpnën.

Éxodo 12:17

Ya'atë xëëw ma ja tsajpkääky xykyäytyën ka'apë tsyooymyëëtëtyën, mtuntëp jëtu'un ya'atë xëëw xëmë ets ja'amyetsy nëjkx xyaj'itë. Jä'ä ko jää ojts miitsëty njuutë jap Egiptë. Ya'atë, jëtu'un yam wyi'imy tä tu'uk yë ënä'ämënën, oy yë'ëjëty yë m'u'unk m'ëna'këty ets m'ok'u'unk m'ok'ëna'këty nëjkxëp tmëjjawëtë ets xyëëwtuntë.

Éxodo 12:19

Ka'ap mëpaat nitu'kjënu'un yë tsajpkääky tsyooy yajpaaty ma mjëën mtëjkëtyën, jëtu'un tyu'uye'eyëty ja xëëw po'o, koonëm wëxtujk xëëw kya'pxëty. Jä'ä ko pën ja tsajpkääky kyääpy tsooymyëët, nëjkxëp yajjo'otsy ma ja Israel ja nyaax kyajpnën, oy yë'ëjëty mëti'ipë Israel ja'ay'ajtpën ets oy tyimyë'ëjëty ja jaaypyaat jaaypyo'kxy.

Éxodo 12:2

Ya'atë po'o myiny kyëtä'äkyën, yë'ë tu'uk yë po'o mëti'ipë mëj'äämpy mjëkyäptëpën; yë'ë mëti'ipë më''ëka'any timtso'ontakpën, ko yë jëmëjt tsyo'ontä'äky.

Éxodo 12:41

Jä'ä xëëw ma ojts kyä'pxyën taxk mëko'px ja i'px majk jëmëjt, jä'ä xëëw ojts ja Dios ja nyaax kyajpn tsyo'onë jap Egiptë.

Éxodo 12:42

Yë Dios ojts kë'ëm yë nyaax kyajpn timkyëwent'aty jä'ä tsu'um ets tju'ty jap Egiptë, yë tääpë kootsajtën Dios ojts tjä'äniwa'any, paaty yë Israel ja'ayëty xëmë winjëmëjt ya'atë tsu'um'ajtën tja'amyätstëty ets jëtu'un ja'amyetsy y'itëty u'unk ok.

Éxodo 12:8

Jä'ä tsu'um nëjkx xytsyu'utstë ja tsyu'utsy tsyä'äy, yë'ë mëët xyjyë'kxtëty ja aay ujts, mëti'ipë ta'amën ets tsajpkääky ka'apë tsyooymyëëtëtyën ets tsäk.

Éxodo 13:14

E ko nëjkx jëna'a yë m'u'unkëty m'ëna'këty myajtëwëtë: ¿Wi'ix jëtu'un ya'atë nyiwijy? Tääts xy'ëtsowtëty: Yë Wintsën ojts jap xyjyuutës Egiptë mëët yë myëj'ajtën kyutujkën ma ënety ëëtsëty nmëtun n'ëyowtën.

Éxodo 13:9

Jëtu'un ja'amyetsy xëmë xyaj'itëty tä jeexyë jam tu'uk yë ijxpäjtën xymyëët'atën mkë'ëkëjxmëty ëkë mwinpokëjxmëty, ya'atë ijxpäjtën xëmë mtukja'amyätsëtëp ets xëmë xykyajpxtëty xymyëtya'aktë ja ënä'ämën tëyajtën mëti'ipë ja Dios të tyajwë'ëmyën, mëti'ipë ojts mjuutëtën jap Egiptë mëët ja myëk'ajtën.

Éxodo 20:2

Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënety mmëtuny m'ëyoyën.

Éxodo 20:8

Mja'amyätsëp xëmë yë po'kxënxëëw ets jää yë Dios xymyëjjaw xyjyäänty jyawëty.

Éxodo 23:15

Mxëëwtuntëp ma ja tsajpkääky yajkayën jëtu'unyëpë ka'apë tsyooymyëëtëty, jëtu'un tä të ntuk'ëne'emyën, wëxtujk xëëw xykyäyëty yë tsajpkääky ka'apë tsyooymyëëtëtyën. Ya'atë xëëw jää xytyuntëty ma ja xëëw po'o y'änyën mëti'ipë xyëëwajtypyën Abib, jä'ä ko jä'ä po'o ojts jap mtsoontë Egiptë. Ets maas ëjtsën ni pën mëpaat kyaminy jëtu'unyë pën ka'ap tii tmëminy.

Éxodo 3:20

E ëjts nyaj'ixanëpës yë nmëjajtën, nëjkxëpës mëj këjää ntëytyuntë yë Egiptë ja'ayëty mëët ja o'kën tëko'oyën ets ntuk'ixtëpës mëjëtypë këjääjëtypë mëj'ajtën ma nyaax kyajpnëtyën; e koonëm ënety jëtu'un të tyuny të jyätyë, täänëm nëjkx m'ëxmatsëtë.

Éxodo 34:18

Mtuntëp yë nyixëëw ja tsajpkääky mëti'ipë ka'ap tsyooymyëëtëtyën, jëtu'un tääjës të ni'ënä'ämën, jää xykyäytyëty ja tsajpkääky ka'apë tsyooymyëëtëtyën wëxtujk xëëw. Jää xykyäytyëty ma ja Abib po'o y'änyën, jä'ä ko jä'ä xëëw ojts tsyoontë yë Israel ja'ayëty jap Egiptë.

Éxodo 6:1

Ënet ja Dios y'ëtsoowë: Tyam xy'ixtëty wi'ixës yam yë mëj'ënä'ämpë ntuna'anyën, yë'ë atsip nëjkx m'ëxmajtsënëtë ma nyaax kyajpnën, yë'ëpaat nëjkx kë'ëm y'ënanë: Nëjkxtë.

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kuttujkën tëypyë jaantypë.

Éxodo 6:7

Jëtu'un miitsëty n'ëxajëja'antë, tääjës yë ntimnyaax ntimkyajpnën etsës miits xyTios'atëp ets xynyijawëtëty, ko ëjts Wintsën, mëti'ipë miits mTiosajtëpën, mëti'ipë të myajpëtsëmëtën, ma ënety miitsëty je'eyë mëtun m'ëyowtën, mëët ja mëkëtypë ja tuunk, mëti'ipë mooyëtëpën ja Egiptë ja'ayëty.

Éxodo 7:4

Yë mëj'ënä'ämpë nijënu'un nëjkx kyakäjpxyjyä'äkyukë ets ka'ap tmëpëkëty ja m'aaw m'ayukëty, e ëjts mëj këjääjës yë nmëjajtën ets nkutujkën jap nyaj'ixa'anyë Egiptë, mëët tu'uk yë ënä'ämën kuttujkën mëjpë jaantypë njuuta'anyës yë nnaaxës nkajpnës, yë'ë jëtu'un yë Israel kajpn jap Egiptë.

Jeremias 34:13

Ëjts, maas nWintsën'atyën, mëti'ipë yë Israel ja'ayëty Tyios'ajtëpën, ojtsës tu'uk ntuny yë käjpxytyu'unën mëët yë m'ap m'okëty koos jap nyajpëtsëëmtë Egiptë, ma ënety myëtuntën y'ëyowtën. Ojtsës ntuk'ënä'ämtë

Daniel 9:15

Wintsën Dios, mijts ojts xyaj'ixyë mëj'ajtën ko ojts jap Egiptë xyajpëtsëmtës, ma ojts mëj'äämpy nyäxyën yë mxëëw ets tyampaat; e ëëtsëty je'eyës nëë poky të nmëmay të nmëtajtë ets ëxëëk winë të ntuntës.

Mateo 10:12

Ko mtëkëtëty tëkoty, mkajpxpo'kxtëp ja ja'ay mëti'ipë jap tsënaaytyëpën.

Lucas 22:19

Tääts ja tsajpkääky tkoonë'ky ets näjyëtu'un ja Dios ojts tkukajpxë, tääts ojts tujkwä'kxy ets tmooy ja y'ijxpëjkpëtëjk ets y'ënäny: Ëjts ya'atë ni'kx nkopk mëti'ipës nyäjkpyën ets miits xytyuk'oy'atëty, yë'ë tuntë ets xytyukja'amyätstëtyës.

1 Corintios 11:24

Ets ojts ja Dios tkukajpxë, ënät ojts tujkwä'kxy ets y'ënäny: Ëjts ya'atë nxixy, mëti'ipë o'kpën ets miits xytyuk'oy'attëty. Mtuntëp ya'atë etsës xyjyä'ämyätstëty.

1 Corintios 5:8

Mëtëy ja Dios nwintsë'këmëty, ka'ap tii ntu'unmëty mëët ja ëxëëk winma'any, jëtu'un ijxtëm ja levadura tëëpë y'ëxëëkën, nikë jä'ä ntu'unmëty oypyë ijxtëm ja tsajpkääkyën mëti'ipë oyën mëti'ipë yajkääpyën ëmaay xyëëwjoty, ets ka'ap ja levadura tmëëtëty.

Efesios 1:19

ets näjyëtu'un xyjyä'äkyukëtëty ko ja Dios ja myëk'ajtën ka'ap kyixy kyäxy, yë'ë tuunp ma ëëtsajtëmën ko nmëpëjkëmë. Ya'atë mëk'ajtën nän yë'ë mëti'ipë Dios ojts tyaj'ixyën mëët ja kuttujkën

Deuteronomio 13:10

Kuka'ats, mëët ko ënety të mjatukjëjpwoowtu'uta'anyë ja mWintsën ja nyëë'aaw tyu'u'aaw, mëti'ipë jap myajpëtsëëmën Egiptë ma ënety mëk myajtëytyunyën.

Deuteronomio 13:11

Jëtu'un'äämpy ja Israel ja'ayëty nijawëtëty ets ja tsë'ëkë tmëët'atëty, këtiipë ja ëxëëkpë t'ëktuuntëkooynyëtëty.

Deuteronomio 13:5

Tääpë käjpxynyajxpë, ëkë mëti'ipë yajniwijpyën yë kuma'ay, nëjkxëp yë y'ooky, mëëtkyëjxm ko ënety tëë mnajts'ëw mnaskajpxëtë ets xykyäjpxy kumëtoownaxtëty ja Wintsën mëti'ipë mTyios'ajtëpën, mëti'ipë myaj'ëwaatsëpëtsëëmëtën jap Egiptë ma ënety mëtun m'ëyowtën ets ka'ap myajmëjuytyë. Jëtu'un ënety ka'ap xy'ijxta'aktë ja ëxëëkajtën ma miitsëtyën.

Deuteronomio 13:6

Pën yë mëkä'äx, ëkë m'u'unk, ëkë mnëëx, ëkë mto'oxytyëjk mëti'ipë oy mtsojkpy mja'apën, ëkë mjëëky mëku'uk, ni'ikyë mjanty'ënë'ëmxëty ets wiinkpë wintsën xy'ëwtatëty, mëti'ipë miitsëty ets m'ap m'ok ka'ap t'ixy'atën,

Deuteronomio 15:15

Këtii xyjyä'äytyëkoyëty ko mijts ojts jap Egiptë mmëtuny m'ëyoy ets mWintsën yë'ë ojts jap mjuutyë. E paatykyëjxm tyam mijts ya'atë ënä'ämën nmo'oy.

Deuteronomio 16:1

Ko yë Abib po'o tpaatëty jää xynyixëëwtuntëty yë ëmaayxyëëw, ma ja Dios xymyëjjaw xyjyäänty jyawëtëtyën, jä'ä ko miits wa'ats xynyijawëtë ko jä'ä tsu'um ojts yë Dios jap Egiptë mjuutëtë.

Deuteronomio 16:12

Yë'ë xëmë mkaja'atyëkoytyëp ko ojts jap Egiptë mëtuntë m'ëyowtë. E paatykyëjxm tuntë ijxtëm ya'atë ënä'ämën tyam myajmo'otën.

Deuteronomio 16:3

Ja jëyujk mëti'ipë ënety të wyintsë'kën'atyën yë'ë mtukpakaytyëp ja nyitsu'utsy yë tsajpkääky ka'apë tsyooymyëëtëtyën, wëxtujk xëëw y'itëty yë'ë mkaytyëp yë tsajpkääky ka'apë tsyooymyëëtëtyën, tääpë jëtu'unpë tsajpkääky jä'ä yajja'akyukë ëyo'owën jotëko'oyën mëët ko jap Egiptë poj'am mtso'ontë ets ka'ap ojts wintëy m'ëkkaay m'ëk'uknëtë jä'ä ko mjotëkooytyëp ënety. E jëtu'un'äämpy wi'ix jap Egiptë mtso'ontën mapaat mjuuky'atën.

Deuteronomio 24:18

Nijëna'a xykyaja'atyëkoytyëty ko jap Egiptë näjyëtu'un jap mëk m'ëyoowtë mmëtuuntë. E ko myëpaat'ajty Wintsën ojts jap mjuutëtë. E paatykyëjxm yam miits ntuk'ënä'ämtë ets ya'atë ënä'ämën xypyatuntëty.

Deuteronomio 24:22

Yë jëtu'un xëmë mja'amyätstëp, ko miitsëty ojts jap näjyëtu'un mëk m'ëyowtë mëtuntë Egiptë. E paaty jëtu'un yam ntuk'ënä'ämtë ets xykyuuytyuntëty.

Deuteronomio 26:8

Ënet ja myëj'ajtën ojts mëj këjää tyaj'ixyë ets ojts ëëts jap xyjyuutë Egiptë,

Deuteronomio 4:34

¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Dios jap Egiptë?

Deuteronomio 5:15

Ja'amyäts ko näjyëtu'un ojts mijts mmëtuny jap Egiptë ets Dios mëti'ipë mTios'ajtypyën ojts jap mjuutyë mëët yë myëj'ajtën kyutujkën. E paaty tyam yë mWintsën Dios, mtuk'ëne'emyë ko kopkpëky ko xymyëjjawëty yë po'kxënxëëw.

Deuteronomio 5:6

Ëjts jëtu'un Wintsën, mëti'ipë mijts mTios'ajtypyën ets jap nju'ty Egiptë, ma ënety m'ëyoyën mmëtunyën.

Deuteronomio 6:12

Ko ënety jëtu'un tyunyë jyätyë, këtii xyjyä'äytyëkoytyëty ja Dios, mëti'ipë ojts mjuutëtën jap Egiptë ma ënety mëtun m'ëyowtë.

Deuteronomio 6:21

Ets miitsëty xy'ëtsowtëty: Ëëtsëty, yë yajkutujkpë ijty nmëtuun nmë'ëyoowtëpës jap Egiptë, e yë Dios yë'ëjës ojts jap xyajpëtsëmtë mëët yë myëk'ajtën.

Deuteronomio 7:8

E yë Wintsën tëë jap myajpëtsëmëtë Egiptë ma ënety mëtun m'ëyowtën, ko jap myajpëtsëëmëtë mëj këjää yë myëj'ajtën tyaj'ijxë ma yajkutujkpën, jä'ä ko mëk ënety mtsokëtë mjawëtë ets niwa'aka'any ja y'ayuk mëti'ipë tyukwinwa'anëyën ja m'ap m'okëty.

Deuteronomio 8:14

këtii mëj këjxm mnäjya'awënëtëty ets xyjyä'äytyëkooynyëtëty ja Wintsën mëti'ipë jap Egiptë mju'tëtën, ma ënety m'ëyowtën mëtuntën.

Deuteronomio 9:12

Ënätës xy'ënëmaay: Jënak poj'am jä'ä ko ja naax kajpn mëti'ipë të xyajpëtsëmyën jap Egiptë, tëë ja nyäyajtu'utëkoyëtë. Ka'ap ninu'un të jyeky ets të t'ëxmatstë, mëti'ipës të njatuk'ënä'ämtën tuntëty, tëë tu'uk tyajkojtë ja awinax, pujxn të tuk'oytyuntë.

Josue 24:17

Yë Wintsën yë'ë jëtu'un ojts jap xyjyuutës Egiptë kajpnjoty ets näjyëtu'un ja n'ap n'okëtyës, ma ënety jap je'eyë n'ëyow nmëtuntësën. Ojts mëj këjää ja myëj'ajtën tyaj'ixyë ets ojts xypyutëkëtës koos në'ë'am tu'u'am nyajpatë ets koos kanaak yë naax kajpn ntuknajxtë.

Jueces 2:12

Ojts t'ëxmajtsnëtë ja Wintsën ja Tyiosëty ja y'ap y'okëty mëti'ipë ënety jap të yajpëtsëmëtën Egiptë. Ets ojts nyätyukë'ëtëjkënëtë ja ka'apë tyiosëtyën ets t'ëwtajnëtë, jëtu'un'äämpyts ja Wintsën tyajjoot'anpëjktë.

Jueces 6:8

ojts tyuknikäxëtë tu'uk yë tyuunpë mëti'ipë winë y'akäjpxypën ets y'ënëmaayëtë: Ëjts miits tu njuutë jap Egiptë ma ënety jap je'eyë mëtun m'ëyowtën